Jadi ambo sela agak saketek untuak mandukuang posting dunsanak awak ko , yangmano alah sejaleh tun bana di bantangkan dari KA dipindah, ke wacana WISATA, Teruih ka karaguan ninik mamak djo turis dan raun dprd SUMBAR ka LN. Tasingkap sudah kasadoko tatuju ka mr. Dprd SUMBAR nan indak tanggap,( kecekno awak otoda ).Ditambah lai : Kito caliak KA JABOTEBEK panuah sasak dan baitu djuo PARAHYANGAN JKT - BDG , alun lai ARGOGADANGNYO , djuo ARGOBROMO NYO ( Baa a iandak cinan maliek no ?? )
Wass
PMMA
Untuk partamo kalinyo ambo satuju 100% bahkan 500% jo pandapek Uni ko. Masalahnyo, kamauan di awak nan alah indak ado lai. Semangat untuk berdikari alah abieh. Labiah rancak main sikut, untungnyo capek, karajo saketek.
Sifat nan co iko harus bisa diubah dek urang awak di kampuang. Apo kito masih harus manadah tangan minta bantuan taruih kalau di awak indak amuah manyingsiangkan langan baju. Mungkin urang awak alah takuik langan bajunyo baluluak, kumuah. Urang Parancih punyo pribahasa, On n'est jamais mieux servi que par soi-meme , nan bisa diaratikan, nasib awak ndak kabarubah kalau ndak diri sorang nan namuah maubah. Kalau ndak salah di Al Quran pun di sabuik an. Uni labiah tau surek apo jo ayatnyo.
Ibo ati ambo sabananyo mancaliak kaadaan sarupo iko. Ambo ingin maajak pemimpin awak di kampuang untuk mamanfaatkan SDM urang awak nan banyak di LN jo Tanah Air. bamusyawarah awak kasadonyo.
Kok untuk pariwisata, ambo satuju. Tapi nan dikhawatirkan dek ulamo jo niniek mamak bundo kanduang kito di kampuang (walaupun iko ndak baalasan ), turis ko banyak mambao panyakik dari pado kauntungan. Itulah sababnyo, pariwisata kurang bakambang di Sumbar. Awak takuik anak kamanakan akan menganut paham bebas sex. Ambo pernah mandanga keluhan turis Perancis di Padang, kasanyo' turis ko di kaca kaca' dek anak mudo awak di Padang, dengan alasan di Perancis kan alah bebas sex. Jaleh sajo si turis ko maraso indak nyaman . Iko pandapek nan salah. Di Perancis, kalau turis dikaca kaca model itu, nan mangaca ko bisa dipanjaro , paling ndak kanai dando.
Saran ambo untuk nan di ateh, nan punyo kakuasaan jo urang Minang sadonyo :
1. Labiah baik ma non aktifkan KA di Sumbar ( disimpan dulu di Sumbar ) tanpa harus manjua ka Jawa atau Palembang sambia manunggu investor pariwisata nan bisa ka mananam modalnyo di Sumbar. Lokomotif uap merupakan daya tarik turisme yang sangat besar.
2. Maagiah pangaratian ka anak mudo, masyarakat, ninik mamak, bundo kandung tantang manfaatnyo wisman ko. Caliak sajo Mesir (Uni Rahima labiah tahu dari ), Jordania, Turki jo Malaysia nan Islam alah marupokan agamo negara, turis merupakan salah satu pembawa devisa negara paling besar.
3. Menginventariskan/ Mangambangkan/ Menata kekayaan alam nan bisa dijadikan asset pariwisata ( contoh Bali).
4. Timbulkan rasa nyaman bagi wisman yang berkunjung. ( termasuk kebersihan ). Ambo pulang Mei kapatangko, Padang rasonyo alah sarupo kota kumuah. Rasa aman indak ado.
5. Bangkitkan keramahan masyarakat, senyum dan hilangkan penipuan terhadap turis, wisnus dan wisman.
6. Bentuk polisi wisata, yang siap bantu turis yang mengalami kesulitan. Bukannya dikerjain dengan pungli dsb. SDM ini paling tidak menguasai B. Inggeris.
7. Kembangkan KA wisata, seperti jalur Padang Pariaman yang sudah operasional, ke daerah lain sperti KA yang melalui Silaing Kariang (Kayu Tanam - Padang Panjang - BKT), jalur Padang Panjang - Singkarak atau Solok Singkarak, jalur Sawah Lunto - Singkarak dengan stasiun ketek , kampuang nan bisa dikambangkan potensi wisatanyo, seperti sulaman songket dan keindahan alam.
8. Bagi anggota DPRD nan alah malakukan study bandiang ka LN, terapkan lah apo nan alah dipalajari dari jalan jalan ka LN tu. paliang ndak , iko marupakan pertanggung jawaban atas pitieh rakyaik nan alah dihamburkan ka LN.
9. Kambangkan musyawarah dan mufakat.
sakitu dulu dari ambo nan di rantau.
