Assalamualaikum Wr.Wb.
Kalau lah buliah ambo manukuak atau mamelok i curito dari Nenek Uda Nofendri yaitu tantang urang kubu atu suku anak dalam adalah keturunan urang minangkabau memang tidak salah. Mako nyo kapatang ko ambo bakato sasek di ujuang jalan babaliak ka pangka jalan, dalam arti ko ado sasek bagi awak mauraikan tambo minangkabau bisa salah kaprah awak sado no. Ada 3 alasana yang membuat suku anak dalam (kubu) mengaku urang minangkabau yaitu.
1. Kutiko Adityawarman mulai manjadi rajo diminangkabau barangkeklah Dt. Katamangguangan manuju arah jambi taruih ka Palembang dalam perjalanan ado daerah Durian di Takiak Rajo itu adalah keris dari Dt Ketamanggungan, sampai kini di hulu sungai Musi masih ditamui perahu-perahu yang atok no mirip anjuangan minangkabau. Dt. Ketamanggungan dan para pengikutnya maninggakan minangkabau sajak Adityawarman jadi rajo dan tinggalah duo urang Dt. Parapatiah Nan Sabatang jo Dt. Sidirajo tetapi pemerintah wakatu itu tetap ditangan Ninik Mamak nan alah ditetapkan di Bukik Marapalam.Jadi Adityawarman hanya lah simbol dalam pemerintahan.
2. Sejak Dt. Ketemangguangan pai mako keadaan minangkabu dalam keadaan gamang diutuslah urang untuk manyusul beliau dari Pagaruyuang mancari, dalam perjalanan urang nan mancari tadi sempat bamalam dirumah penduduk daerah sungai panuah kini dan melihat anak urang punyo rumah tu rancak, tapikek lah hati no singkat cerita kawinlah mereka.
3. Sedangkan yang lain terus melanjutkan perjalanan tetapi tidak bertemu dengan Dt. Ketamanggungan tersebut, mereka berbalik arah, takuik ka dihukum kalau pulang karanah Minang yang ndak mambao hasil akhirnya mereka berpencar masuk hutan.
Kesimpulan dalam perjalanan Dt. Ketamangguangan tadi ado pulo beberap urang nan ndak setia alias ndak takao bajalan di ancam siapo sajo nan babaliak ka ranah minang denai tutuik langkah jo pancaliakan nyo. Dek raso malu mereka ndak pernah sampai di minangkabau dan hiduik lah dalam hutan. Sedangkan nan kawin jo anak penduduk tadi takuik katahuan bahaso iyo ndak mancari Datuak tersebut malarikan diri pulo kadalam rimbo jo anak bini nyo, tasabuik pulo bahaso ano urang Kubu artinya urang nan takubur dari tengah keramaian atau urang nan takabur lambek jo laun jadi Kubu. Sebelum Dt. Ketamangguangan maninggakan ranah minang bersumpah dihadapan urang nan ado di Pagaruyuang tapeknyo diateh bukik marapalam dikaki gunung marapi yaitu "Sumpah Karuhum Basa" yang berbunyi " Manolah urang sanagari, urang baradaik balimbago, urang batuah arif bijaksano, urang nan cadiak sarato pandai, nan mambilai disenteng no kain, maukua di nan singkek, nak tajago alam minangkabau ko jadikan pulo apo nan tajadi di pagi hari ko sabagi gu ru atau palajaran bagi awak basamo, kajadian hari ko adalah Alam Takambang Jadikan Guru, dek karano denai ka bajalan mancari kampuang jo nagari manuruni lurah jo lambah, mandaki gunuang jo bukik, mailia i batang nan jo lauik, denai basumpah kapado nan kuaso Salamo Dunia Takambang anak jo kamanakan di ranah minangkabau dima sajo barado lai ka denai jago, jago pulo lah alam minangkabau jan sampai dikumuahi jo sagalo macam maksiat balaku sumpah kasudahan no kutiko itu di tancapkan karih baliau kadalam tanah dan hilang tatapi karih itu tatap hidup sampai kini. Sumpah Karuhum Basa artinya Karuhum = kekuatan Ruh yang hidup Basa = besar yang tak ado tandingan nya selama dunia takambang. Makanya siapa yang berbuat maksiat dalam ranah minangkabau dihantam bancano (galodo) dsb. maksiat digunung Singgalang jo Marapi hilang tak tau rimbono sampai kini contoh John Raide dari Amerika makonyo jan takabua dalam ranah minangkabau awak kan bisa marasokan ambiak contoh ka nan sudah, tuah ka nan manang. berbagai daerah diminangkabau kem balikan maksiat apa yang telah dilakukan disana iya atau tidak buktikan surang.
Sakitulah dulu
Wassalam
Aciak St. Sarialam (Cubadak Lilin Lawang)
"RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di: http://www.rantaunet.com/subscribe.php3
===============================================
With Yahoo! Mail you can get a bigger mailbox -- choose a size that fits your needs
