Ado baiaknyo disimak pulo e-mail tetangga sabalah
wassalam :udazul
Do you Yahoo!?
Free online calendar with sync to Outlook(TM).
--- Begin Message ---GULAI GAJEBOH… Assalamu'alaikum wr.wb.Mako bacuritolah Buyuang Biluluak bakeh ambo katiko ambo ka Jakarta tigo bulan nan lapeh. Apo nan dicaritokan dek Buyuang bakeh ambo?... Indak lain adolah curito maso saisuak, samacam nostagia kahidupan, samaso kami barado di Jakarta jo kaadaan sabana tangguang .... jo rasaki ibaraik rasaki harimau...kadang-kadang makan... kadang-kadang puaso walaupun itu indak tajadi dibulan Ramadhan. Kami maso itu baduo, tingga manyewo kamar ketek di Kramat Lontar dakek Pasa Paseban, dibalakang Jalan Kramat Raya nan rami tu.... Disampiang Buyuang Biluluak ado ciek lai kawan ambo Tan Limbek namonyo... yang wukatu itu baliau tu adolah pareman tangguang..... sambia kuliah di IAIN inyo babisnis kaki limo pulo di palanta Senen nan maso itu tampek urang awak banyak pulo mancari makan. Tan Limbek walaupun inyo anak IAIN dan tamaik PGA pulo dulu di Pikumbuah.... pargaulannyo.... luar biaso...Dalam diskusi-diskusi agamo baliau tu nomor satu.... jadi bintang lah maso itu. Curitonyo kama pai salalu diarahkan ka Ugamo..... Nasehaik-nasehaik dari baliau tu salalu pakai bumbu Al-Qur’an jo Hadist . Kawanko dek gigiahnyo kuliah dan bausaho.... kasudahannyo bisa juo jadi Doktrorandus dari IAIN Syarif Hidayatullah....Ditingkek limo kuliahnyo... baliau lah jarang dikaki limo Senen... baliau lah acok dipanggia maagiahkan ceramah agamo dari Musajik-Musajik atau Majlis Taklim.....sahinggo dengan honorarium dari Ustad itu Tan Limbek bisa berpenampilan agak keren dan beken.... sahinggo indak paralu lai basorak-sorai dikaki limo palanta Senen tu... Suatu hari dibulan puaso ....diawal tahun tujuah puluahan, di Jakarta nan angeknyo Allahurrabi tu ... mako datanglah kawan ambo Tan Limbek tu kapamondokan ambo di Kramat Lontar, dakek Pasa Paseban nan wukatu itu masih dalam kawasan “kumuh” dakek sakitar Salemba tu. Biasonyo bulan Ramadhan adolah bulan nan panuah berkah bagi kami... Acok juo kami dipanggia urang awak untuak babuko dirumahnyo. Berkah nan banyak tantu sajo manimpoUstadz dan muballigh -2 nan jadwalnyo tiok malam Ramadhan tu pasti barisi panuah...... Bahkan bisa duo Musajik dikunjungi satiok malamnyo. Dan tantu sajo Ustadz Tan Limbekpun dibulanpuaso tu sabana barangin.... jadwalnyo maagiahkan ceramah panuah taruih sabulan tu... Indak ado nan lowong do...Siang nan panuah berkah tu.... ambo jo Buyuang Biluluak kadatangan tamu nan .... kawan kami juo nan alah jadi Ustadz beken di Betawi tu... "Sabagai umaik Islam awak musti manjalani ibadah puaso ", ciloteh kawan ambo nan bantuaknyo itam kalek sarupo jo ikan kalang tu... " Baa dek baitu ?", tanyo Buyuang Biluluak bantuak urang begok indak mangarati... Mako bakatubahlah Tan Limbek kapado kami di pondokan itu: "Puaso adolah salah satu Rukun Islam nan hukumnyo wajib. Disampiang itu puaso sacaro ilmiah ditinjau dari suduik kasehatan bamanfaat bagi umaik manusia. Urang bisa baparang jo urang lain.... bacakak jo harimau.... Muhammad Ali bisa manumbangkan Joe Frazier. Baitu juo Rudi Hartono bisa mangalahkan Svend Pri jagoan dari Denmark tu.... Baitu juo waden bisa mampalituakkan waang Biluluak..... sampai mati. Tapi ado nan indak bisa ditunduakkan manusia ko.... Lai jaleh dek kalian? ", tanyo nyo bakeh kami. "Yo indak joleh dek ambo do Buya", jawek ambo lunak dek karano ambo indak makan parak siang do sabalunnyo. Sahinggo kutiko itu ambo sabana latiah malayani baliau tu maota. "Nan indak bisa ditunduakkan manusia adolah nafsunyo sandiri", kato Tan Limbek manakankan bana kato-kato "nafsu" itu sandiri. "Tapi apo pulo hubuangan katubah angku tu jo awak patuah manjalankan ibadah puaso?", tanyo Buyuang Biluluak batambah binguang indak mangarati. "Ongok. Pakailah sel-sel utak waang saketek !", sarengeh Tan Limbek sambia naiak emosi mamandang Buyuang nan bapura-pura indak mangarati nampak dek ambo. "Puaso hakikaiknyo adolah bukan sakadar manahan hauih jo litak sajo. Tapi puaso adolah samacam training center, samacam diklat dek awak malatiah diri mangandalikan hawa nafsu sandiri. Labiah- labiah di Jakarta nan gudang maksiat ko... Parjuangan awak sabana barek... Kalau awak marokok sapanjang jalan di Kramat Raya sampai ka Senen indak ado urang nan managahkan do... Baitu juo kalau awak makan siang-siang hari dikadai nan tabukak ko... indak ado urang kamanangkok do"........ "Kok itu yo bana... Disiko indak ado urang paduli urusan urang lain... Soal puaso atau indak puaso adolah hak azazi.... dan di Jakarta ko... batua indak ado urang nan mauruih puaso urang lain. Sadonyo adolah urusan awak..... Tapek bana kecek Ustad tu " , komentar Buyuang Biluluak. "Awak jo pitih awak, kamakan awak, kapuaso awak, itu adolah urusan awak...Kama awak jo pitih awak indak ado urang nan paduli do...Tapi baliak curito awak ka urang nan bapuaso tadi ....manga namuah sajo urang manahan paruiknyo nan indak barisi... latiah maakuak-akuak mananti tabuah babunyi dulu.... baru sasudah itu inyo sungkah? Itu dek karano mareka tu memang mangandalikan hawa nafsunyo dan patuah sarato tunduak kapado sasuatu nan Ghaib , sasuatu nan indak nampak dek Panca Indera ko...." Taangguak-angguak Buyuang Biluluak mandanga santapan rohani Tan Limbek ko.... Nampaknyo ... bialah dulu inyo pareman bana.... lai juo mangarati inyo saketek-saketek soal-soal Ugamo. Iko sabananyo nan mambuek kami sabana respek kabaliau dan indak namuah pulo untuak indak bapuaso salamo di Jakarta ko. Sabab salamo kami paratikan baiak dirumah kami atau dipondokan inyo.... Tan Limbek nampaknyo memang taaik manjalankan ibadah puaso... Indak sakali juo do nan rumpang... Tapi kutiko paneh sabana manintiang... hari Jumahaik kutiko itu.... ambo dek iman nan masih kurang juo, tapaso ambo batalkan puaso ambo... Sabana latiah ambo bajalan-jalan sapanjang Harmoni taruih ka Tanah Abang... Sahinggo di Tanah Abang ambo manyalek sajo masuak kalapau nasi urang awak disinan. Sasudah ambo sorakkan: “Nasi ciek !”.... tabulalak incek mato ambo maliek diantaro urang-urang nan banyak sadang cepak cepong tu .... tasalek pulo kawan ambo Ustadz Tan Limbek surang. Ambo caliak taruih hampia ambo indak picayo.... Mato kami tabudua baradu pandang... Basilambek ambo ambo bae duduak dakek Tan Limbek tu sambia babisiak: “ Baa kaji angku sari?... Tapi awak sabagai ummaik Islam musti taaik manjalalankan ibadah puaso, manunduakkan hawa nafsu!?”, tanyo ambo.... Sabia kunyah kenyoh jo kalamakan Tan Limbek acuah indak acuah manjawek: “Alah jan waang pikiakan pulo itu lai.... Kaji tu untuak urang, bukan untuak awak. Ado ayatnyo tu : Amalan awak untuak awak, amalan urang untuak urang. Dan indak ado pamasoan dalam ba ugamo. Di Jakarta nan sahangek iko , puaso juo ntah nan kadikaokan... Mati awak dek inyo. Sadang Tuhan indak pulo manyuruah ummaikNyo supayo mati!”, balehnyo. “Bunduang”, caruik ambo ambo basilambek. “Nan kalamak dek inyo sajo mancarahkan kaji ! Sudah bacaruik tu ambo lapohkan pulolah nasi sasuok kamuncuang ambo nan tangango mintak disampa tu....... Wassalam, Nadri Saaduddin Jalan Rambutan 23 Telp. 0765-994964, or 0765-93072 Duri 28884 Riau Daratan INDONESIA.... Wassalamu'alaikum wr.wb. Uwan N.S. Kompleks Perumahan HOP Jalan Rambutan B-32 Telp. (+62- 0765)-93072 Duri 28884 Riau Daratan INDONESIA ------------------------ Yahoo! Groups Sponsor ---------------------~--> Get A Free Psychic Reading! Your Online Answer To Life's Important Questions. http://us.click.yahoo.com/Lj3uPC/Me7FAA/ySSFAA/vbOolB/TM ---------------------------------------------------------------------~-> Jikok ingin kalua dari Milis Urang Awak, kirimlah email ka: [EMAIL PROTECTED] Your use of Yahoo! Groups is subject to http://docs.yahoo.com/info/terms/
--- End Message ---
