> Ass,wr,wb. > Dunsanak Mak Ban nan ambo hormati nan batindak selaku Moderator nan > mangatua lalu lintas milis grup kito ko, tarimo kasiah ateh sambutan Mak > Ban nan lansuang manyampaikan ka kami apo nan manjadi kakurangan kami > dalam maisi data pribadi kami, iyo juo kecek Mak Ban tu, kok datang > nampak muko, kok pulang tampak pungguang, kami tu bukannyo indak namuah > manampak kan muko dan mancaliak kan pungguang kami, tapi nampaknyo ado > kesalahan dari kami dalam maiisi Formulir nan Mamak lewa-kan di milis > grup kito ko, sahinggo dari diri ambo ado nan kurang datanyo seperti nan > Mak Ban sampaikan tadi, tapi di lain pihak ambo sampai duo kali > terdaftar di List anggota tasabuik. > Jadi kami harapkan pulo dari Mak Ban sendiri harus membenahi sistim Form > nan Mamak buek tu, harus segera dicari dima silik salahnyo, salinteh > ambo caliak list tu agak centang parenang, baa kok baitu ambo katokan ! > Dari pancaliak'an ambo ado urang nan terdaftar sampai duo tigo bahkan > ampek kali. Nah ini paralu dibenahi, jaan dari segi kwantitas (populasi) > kito nampaknyo banyak tapi dari kualitas sabananyo kito hanyo ketek. Iko > harus segera Mamak benahi, maaf, ambo mamanggia Mamak kadunsanak, sabab > ambo indak tahu apo kito sa-umua atau ado nan labiah tuo atau mudo, jadi > data pribadi Mamak kami harus tahu pulo. (dima kami dapek data Mamak > ???) > Kok ambo dari data nan alah ambo kirim jaleh di situ bahaso umua ambo > ampek puluah anam tahun (46). Dan untuak melengkapi seperti nan mamak > mintak, asa nagari ambo Sulik Aie - Solok Sumatera Barat. Tolong se > Mamak masuakkan data ambo tu. > Kok buliah data2 nan pokok nan paralu kito ketahui basamo jaan diagieh > kesempatan untuak memilih di muncua-kan atau disembunyikan (hidden), > data tasabuik harus tetap muncua, jadi kito bisa labiah arek dalam > berkomunikasi karano kito tahu lawan bicaro kito tu aa tibonyo di kito, > apokah ba-Mamak (dek karano labiah tuo dan sasuku), ataukah ba-adinda, > atau ba-kakanda/Uni, atau ba-apak/bundo dan lain sebagainyo. Jadi jangan > tangguang2 dalam topik : Datang nampak muko, pulang nampak pungguang ko. > Sakian se salam perkenalan dari ambo, mohon maaf kok talantuang dek > kanaiak, talendo dek katurun, iyo juo bak kato urang tuo2 kito : nan > kuriak kundi nan merah sago, nan baiak budi nan endah baso. > Ambo batanyo sangenek, di milis kito ko apo buliah di lampirkan file > (attachment), sabab untuk bisa kenal labiah lanjuik, kito paralu kenal > muko, mako ambo barencana akan magirim hasil scan Pasphoto ambo, supayo > kalau kito ma-adokan acara copy darek (tatap muko) kito indak cangguang > lai. > Sasudah tu ambo barencana akan mangirimkan Sketsa Jalan Lintas Sumatera > nan ambo buek sendiri dari pengalaman pribadi ambo bakuliliang jalan nan > ado di pulau Sumatera ko, dan Sketsa ko rasonyo akan sangaik mambantu > bagi dunsanak nan barado di batawi nan ka pulang ka kampuang mambao oto > pribadi sendiri. > Kok indak bisa akan ambo Japri sajo ka sia nan paralu, kontak se ambo > lewat Japri. > > Wassalam, > Mulyadi St.Bangsawan > Pusri Palembang > HP: 0812 7834825 > >> >> Kpd dunsanak nan baru datang, ado nan dari >> - Sidoarjo, >> - SCTV >> - Kompas >> - Payakumbuah >> - Batam >> - Tasimalaya >> - Qatar >> - Pos Pengumben >> - Palembang, pusri >> - dll, >> >> silahkan mamparkanalkan diri ka sidang Rantaunet. >> Datang nampak muko, pulang nampak pungguang. >> Sampaikanlah baa dek sampai dirantauko, dimaa kampuang (*)??? >> >> (*) Di pendaftaran Rantaunet alun ado kolumn utk kampuang asa. >> >> Tarimokasi. >> mak Ban >> ~~~~~~~~~
RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
