Tabik salero mamak,dek kanakan sabuik,kalau nenek lah mambuek palai
pantau,raso tabang salero ka puncak gunung Marapi.Ado "semacam" persama
an namo "ikan ataw lauak" nan disabuik pantau ko.Di kampuang mamak,di Pa
dusunan,Piaman,pantau tu labiah suko hiduik bagarombol(banyak sekali) di
dalam banda nan janiah aianyo.Di aia karuh pantau ko jarang hiduik.Keli
hatannyo kehidupan pantau nan bagarobol ko,sanang sekali "manampang" di
permukaan aia nan janiah.Barangkali untuak "mamanciang" atau menarik pa
ratian mamak Buyuang untuak "manangkoknyo".
Pantau ko merupakan anak ikan "kapareh",kalau kecil disabuik pantau
kalau lah gadang,sampai mencapai selebar tapak tangan,disabuik kapareh.
Kaparehko Evie,dagiangnyo sangaik lomak,bukan sajo untuak dipalai,tapi
digulai asam padeh atau digoreang balado,lamaknyo bukan sajo dapek malam
buangkan khayalan ka puncak gunuang Marapi,tapi juo bisa mancapai keting
gian kenikmatan itu sampai pegunungan Himalaya,hangek2 dingin.Ha,ha,ha,!
Alo tu ikan puyu.Ikan puyu ko kalau gadangnyo mancapai salebar ampek
jari tangan,sudah bisa dibalah dan di goreang kariang,ondeh lamak nian
rasonyo.Umumnyo di Padusunan,Piaman,puyu ko digulai jo daun paku(pakis)
ditambah asam buah palo,campua lado padi dan santan karambia.Kok dimakan
siang-siang Vi,pasti mantibeh tu paluah kalua dek lamaknyo.Lucu kan Vi,
dasar rang "malayu",makan bapaluah,bakarajo ndak bakaringat bagaidoh,dan
minta "bagian" nan gadang.Sifat nan comanko kali ndak ado di etnis awak
Minangkabau,kan iyo Vi alias kanakan Gamut.Barangkali ado baiknyo Vi,di
gundalah para penghuni palanta ini,mari kito bakarajo kalau paralu kalua
paluah dan mari kito makan dengan tanang sehingga ndak paralu kalua pa-
luah tu.
Salam kangen mamak ka "buah hati" nan baduo.Semoga capek gadang,dan
selalulah "cerewet"dalam milis kito ini.Wassalam.Mamak Buyuang,Marseille
RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
===============================================
