Dari Kiktinggi ada samaba lado nan alah ampia punah... dek indak bara lai paminatnyo. Samba lado ko adolah "Samba Lado Pado". Bahan nyo... Pado, kiro-kiro 2-3 sendok makam. Lado 10 buah alah digiliang 4 siung bawang merah diirih tipih-tipih 1 siung bawang putiah, di giliang tomat secukup nyo
Caro mambuek.. Kasado bahan dicampua didalamn mangkuak, tuang secukup nyo jo aia nasi (untuk pa encernyo). Kalau nasi alah ampia kariang, latak an cangkia nan barisi adonan lado pado tadi di ateh nasi. Nasi masak, samba lado pado ko alah bisa pulo manggoyang lidah. Keterangan Pado adolah bahan ( nan diambo sandiri indak jaleh baa caro mambueknyo , jo apo sajo bahan nyo)untuak kacampua samba lado, urang manjuanyo badakean jo urang manjua maco dipasa ateh. Pado ko bantuak nyo antaro coklat kahitam-hitaman, tapi indak samo jo balacan doh. Mungkin Mamak-Mamak na alah iduik di tigo jaman lai tau jo samba lado pado ko. Paminaik nyo kini tingga nan tuo-tuo se lai.... NB. ambo tamasuak nan suko jo samba lado pado ko.... kalau lai sempaik ka kampuang, iyo baminta buek an ka rang gaek agak samangkuak. Kalau di induak bareh mbo... iyo indak abas dek nyo doh. wass nandez -----Original Message----- From: Nofendri T. Lare [mailto:[EMAIL PROTECTED] Sent: Wednesday, June 18, 2003 12:46 PM To: [EMAIL PROTECTED] Subject: Re: [RantauNet.Com] Samba lado (III) RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
