-Namo sejenis pohon baringin
-Namo nagari dan namo kecamatan di Agam
-Bahasa / logat
-Baso - Basi / sopan santun
Wassalam : zul amry , Mak Ban nan ditanyo ambo nan manjawek
On Sat, 21 Jun 2003 21:53:12 -0700 (PDT) Muhammad Dafiq Saib <[EMAIL PROTECTED]> wrote:
Assalamu'alaikum wr.wb.,
Sambia manantian Bandaro mancarian arati kato BASO, takana pulo ambo jo pantun Angku Aziz Sutan Sati saisuak dalam lago Pariaman nan babunyi,
Gajailaiiiii..................
Pakan Baso bapaga tembok
Tarantang kawek tigo alai
Di dakek jalan kuretapi
Baririk tokono nan banyak
Buatan Tiku Pariaman
Gajailaiiiiii................
Denai diagiah kato arok
Mangkono kasiah kadimulai
Tapi sakarang iko kini
Dalam iyo adiak maulak
Kasiah jo sia ditinggakan
Antah baa pulo mangko urang Tiku Pariaman bana nan mambuek toko nan baririk di pakan Baso tu.
Baso ko namo nagari, sakaligus pulo kacamatan di Kabupaten Agam. Pakan Baso talatak labiah kurang 10 kilo dari Bukiktinggi arah ka Pikumbuah, pakanno ari Kamih jo Sinayan. Baa mangko banamo Baso, iyo antahlah.
Tapi kalau kato 'baso' rasono, bararati malu-malu. Makan babaso, makan malu-malu, kulimek-kulimek, baambiak samba saketek-saketek. Tapi anehno pulo kalau kamanawar-kan, ka manyilakan urang makan, disabuik pulo mambaso-an. Kalau urang manulak di kecek-an urang tu ba baso.
Antahlah. Iyo paralu dibukak kamuih nampakno.
Wassalamu'alaikum wr.wb.,
duta <[EMAIL PROTECTED]> wrote:
AsWW.,
Sanak ambo Bandaro,
Mumpung kamus lai ditangan, tolong carikan apo arti BASO dalam bahaso Minang.
Makasih duta--56
St. Lembang Alam
=========================================================================================== "TELKOMNet Instan memberikan diskon 40% untuk akses malam hari dari pukul 23.00 sampai 06.00. Berlaku untuk wilayah Jawa Timur mulai 1 Mei 2003 sampai 30 Juni 2003." ===========================================================================================
RantauNet http://www.rantaunet.com Isikan data keanggotaan anda di http://www.rantaunet.com/daftar.php -----------------------------------------------
Berhenti menerima RantauNet Mailing List, silahkan ke: http://www.rantaunet.com/unsubscribe.php
===============================================
