Tadinyo urang Piaman cuma sekedar ba-baso-basi ka rang Agam,
untuk manyarahkan Tiku. Eeh, baso itu ditangkok bana. Jadi jatuhlah
Tiku ka Agam. Tapi dalam kenyataan dilapangan, tanyolah ka rang Tiku.
Pasti inyonyo bakato inyo Rang Piaman. Jadi secara geografi bialah
masuak Agam, tapi sacaro adaik, mereka masih maraso Piaman nan kiramaik. Bagalo
Bagindo jo Sidi. Kok "dijapuik" masti jo sagalo
panungkek batuah, indak lupo ameh jo pitih sakapa
Tadinyo ambo indak mangarati dengan istilah: "Ijan babaso Gindo. Baso
jauah di Kiktinggi". Jadi Baso tu namo kampuang di Kiktinggi.
Bisalah akan kalua kalimaik: "Ambo babaso, makan mi-baso jo Rang Baso
nan pabaso".
Soal baso babaso iyo (nan ambo tahu) Piaman gudangnyo. Alah bajam-jam
batamu, indak kalua aia putiah sagaleh. Baitu, minta ijin kapulang,
langsuang kalua basonyo: "Indak makan dulu sanak? Tungku sadang tajarang".
Wassalam
duta--56
Please note: message attached
--- Begin Message ---
Assalamualaikum ww
Mak St.
Lembang jak nyo ambo, bukankah Tiku Piaman itu Agam juga?
Nggak salah
dong Tiku nan Piaman itu "ikut sata" mambangun "Baso" yang juga tamasuak
nagorinyo juo, membangun Luhak Agam-nya sendiri, lhaa ..... Tiku itu kan masuak
Agam juo, samo2 sighah bendera 'e tu mah mak Lembang
Tiku adalah
ibu kota Kecamatan Tanjung Mutiara Kabupaten Agam, sabana-nyo ughang
Piaman lebih rela "malapeh" Kayu Tanam yang barek ka Padang Panjang dari
pado kahilangan Tiku yang lebih Piaman dari Piaman
Tapi ka-ba-a
lah, kan buliah nak "ba-lauik" pulo Agam, samo2 memiliki "aia gilo"
bak kecek Nedi Gampo, hinggo Piaman ikhlas malapeh Tiku ka Agam, baiotu lah
tinggi-nyo "baso" ughang Piaman ka sanak kito nan di Agam, antah kok indak dek
mak Lembang tu?
Heee.....hee... heee... antah iyo antah tido, urang awak sangaik
pa-baso
wasalam
abp
Assalamu'alaikum wr.wb.,
Sambia manantian Bandaro mancarian arati kato BASO, takana pulo
ambo jo pantun Angku Aziz Sutan Sati saisuak dalam lago Pariaman nan
babunyi,
Gajailaiiiii..................
Pakan Baso bapaga tembok
Tarantang kawek tigo alai
Di dakek jalan kuretapi
Baririk toko no nan banyak
Buatan Tiku Pariaman
Gajailaiiiiii................
Denai diagiah kato arok
Mangkono kasiah kadimulai
Tapi sakarang iko kini
Dalam iyo adiak maulak
Kasiah jo sia ditinggakan
Antah baa pulo mangko urang Tiku Pariaman bana nan mambuek toko nan
baririk di pakan Baso tu.
Baso ko namo nagari, sakaligus pulo kacamatan di Kabupaten Agam. Pakan
Baso talatak labiah kurang 10 kilo dari Bukiktinggi arah ka Pikumbuah, pakanno
ari Kamih jo Sinayan. Baa mangko banamo Baso, iyo antahlah.
Tapi kalau kato 'baso' rasono, bararati malu-malu. Makan babaso, makan
malu-malu, kulimek-kulimek, baambiak samba saketek-saketek. Tapi anehno pulo
kalau kamanawar-kan, ka manyilakan urang makan, disabuik pulo mambaso-an.
Kalau urang manulak di kecek-an urang tu ba baso.
Antahlah. Iyo paralu dibukak kamuih nampakno.
Wassalamu'alaikum wr.wb.,
--- End Message ---
