Waalaikumsalam.
Assalamua'laikum w.w.
Tuan Bangsawan.
Taruh tarang ambo manyampaiakan, bahwasono, sabak aiamato ambo sabantako, karano dek kagadangan hati mambaco nan Tuan sampaikan, nan barati lai satuju awak ka basamo-samo, baiyo batido, saciok bak ayam sadanciang bak basi, samalu sapanangguangan. untuak mamajukan Minangkabau (RN), manambah ilimu sarato mampaarek tali silaturrahim.
Samoga tapakai juo handakno pitaruah nan tuo-tuo :
Nan kayo tampaik batenggang,
Nan cadiak lawan barundiang,
Nan bagak tampaik balinduang,
Nan buto paambuh lasuang
Nan pakak palaeph badia
Nan lumpuah paunyi rumah
Nan binguang kadisuruah-suruah
Jan sampai tajadi urang mangecekkan :
Kok kayo, kayo sen lah surang, urang nan indak kamamintak.
Kok santiang, santiang sen lah surang, urang indak kabatanyo.
Kok bagak, bagak sen lah surang, urang nan indak kabacakak
kamanga awak ?
karano, Kaduduakan awak ko samo sadono, nan balain kan fungsino.
kan iyo mantun Tuan !
wassalam
Bandaro Labiah
* Salam Ambo untuak kaluarga di Palembang
mulyadi <[EMAIL PROTECTED]> wrote:
Wa alaikum salam, wr, wb.Dunsanak Hendrif gala Bandaro Labiah, ambo sangaik satuju jo apo nan dunsanak tulih dengan judul Paranuangan ko, memang disitu lah latak beda nyo awak urang Minang jo urang lain, sasuai pepatah urang2 tuo kito : "Nan kuriak kundi nan merah sago, nan baiak budi nan indah baso". Mungkin dunsanak nan manjadi nakhodo (Moderator) di palanta kito ko, bisa maambiak pelajaran dan apo nan dunsanak tulihkan ko bisa menjadi aturan main kito berdiskusi, berbincang-bincang, memberi info dan mengomentari / mauleh apo nan alah dituangkan dek dunsanak sebelumnyo.Saling hargo-mahargoi, itulah esensi persahabatan dan pergaulan. Kito di Palanta ko ingin manambah pergaulan sarato wawasan kito, nan maa, indak nan kito tahu sajo nan bana, ado kebenaran nan lain. Diateh langik ado langik nan lain. Bana di kito, alun tantu bana di nagari urang, rancak dikito, alun tantu rancak dek urang lain. Sebab, kito di palanta ko adolah gabungan dari beberapo nagari nan mampunyoi bahaso, adat istiadat nan balianan, kecuali kalau kito barado di milis nagari / kampuang kito sendiri, jadi members nyo mempunyoi visi nan samo. Kito disiko, members nyo heterogen, dan tingkek pengetahuan sarato emosinyo babeda-beda. Jadi apo nan dunsanak Bandaro Labiah kamukokan itu bisa menjadi acuan / tata tertib di palanta kito ko.Salam kompak,M.St.Bangsawan (46 labiah)Rang Suliek Ayie di Bumi Sriwijaya----- Original Message -----From: hendrif hendrifSent: Friday, July 18, 2003 1:07 PMSubject: [RantauNet.Com] paranuanganAssalamu�alaikum w.w.
Manolah Niniak dengan Mamak, nan Gadang Basa Batuah, Ali Ulama Suluah Bendang dalam Nagari, Cadiak Pandai Palito Alam, Bundo Kanduang Limpapeh Rumah Nan Gadang, sarato Rang Mudo pambimbiang dunia, nan ambo muliakan jo haromati,
Sabalun kato kadisabuk,
sakali lai, iyo mintak maaf, kok tasingguang kalo ka naiak, Talendo kalo katurun, bajalan indak di nan pasa, baranti indak pado titiak, nan di niaik hanyolah "mengingatkan dalam kebenaran dan dalam kesabaran"
wassalam
Bandaro Labiah
Yahoo! Plus - For a better Internet experience
