Re: [RantauNet.Com] Suruak Manyuruak- Puyuah jo Ruakruak ====> Bundo Nismah kama ???

[mulyadi]

Ass, wr, wb.   Manga lo topik carito ko suruak manyuruak, aa .. nan disuruak kan tu Mamak, Uda, Ajo atau adi dunsanak, kok nan disuruak kan tu indak ba baun, mungkin lamo katahuannyo, tapi kok nan di simpan bada maco nan lah busuak, barulek pulo, tantu capek tahu dek warga RN ko. Taringek dek ambo, Bundo Nismah kama lah liau kini, alah lamo indak tadanga suaronyo di palanta kito, sasudah liau tu manyudahi sensus urang nan indak katuju jo pembicaroan tentang Islib nan lalu, indak nampak lai batang hiduangnyo di Rumah Gadang RN ko, sia nan tahu, tolong dikabari. Terakhir Bundo mancigok di palanta ko tanggal 14/7-2003 jam 06:06 pagi, sudah tu mailang kama lah rimbonyo. Saraso hamba palanta kito ko kok indak ado Bundo Kanduang nan biaso manginco gulai bia ndak lamak rasonyo. Liau bisa mambuek suasana sejuk dikala anak-anaknyo batangka, cabiak-cabiak bulu ayam kato urang, ratak nan indak mambao pacah. Jadi bagi dunsanak nan dakek jo dangau Bundo, cubolah caliak2 Bundo ko apo lah gerangan ???   Sakian sajo dari ambo, lupo2 maingek'i.   Wassalam, M.St.Bangsawan Rang Suliek Ayie di Bumi Sriwijaya nan lagi santai di dangau nyo. ----- Original Message ----- From: Darul Makmur To: [EMAIL PROTECTED] Sent: Saturday, July 19, 2003 10:57 AM Subject: [RantauNet.Com] Suruak Manyuruak- Puyuah jo Ruakruak Assl Ww.   Ajo Buyuang jo Uda Zul nan di Bali (eh kok uda Zul nan dibali, apo iyo ado nan mambali dulu ko .............. hahahhaa ....... garah saketek yo)   Iyolah rami lapau dek ado nan manyuruak, banyak carito suruak manyuruakko. Salain nan alah dikamukokan dek Ajo jo Da Zul ko, ado lo ciek lai nan sanang manyuruak pulo, kan sidang palanta lai tau puyuah ............ dek sanang manyuruak katiko nampak urang (baitu juo ruak-ruak), dikampuang mbo untuak manangkok puyuah atau ruak-ruakko, dipasang jalo-jalo, sudah tu duo urang maelo tali nan dibantangkan. Dek puyuah atau ruak-ruaktu salalu mambuek langkah saribu samiang manyuruakkan kapalo. Jadilah banyak nan manyaruak jalo-jalo, dan tasangkuik disitu. Sudah tu jo gamapang sajolah puyuah atau ruak-ruaktu diambiak sikua-sikua dek urang pamburunyo.   Sabalun dipasang urang jalo di RN-ko, labiah rrrrrraaaaaaannnnnnncccccaaaaaaakkkkkkk lah nan masih manyuruk tu kalua, biko takajuik dek dielo urang tali diateh kapalo, lari pulo luntang pungkang, tasangkuik di jalo. Kok lai dielokan urang lambek-lambek dari jalo tu, lai kasalamaik badan .......... kalau jo bangih pulo inyo maelo ................ bisabisa.......................   Wass. Ww Darul