wa'alaikum salam wr. wb.
Mak Lembang Alam
Ambo sangaik satuju jo pandapek mamak bhw pamandangan alam nagari awak indak kalah doh jo Suis, salah satu no kalau awak turun dari sulik aia arah singkarak, rancak pamandangan-no indak kalah dari Riggi mountain mancaliak arah ka Lucerne (mungkin Uni Ries atau Mak Buyung bisa mambatuakan). Tapi sayang-no potensi ko alun digarap sacaro maksimal, mungkin awak nan dipalantako bisa malakukan sesuatu untuak mangolah-no, karano kalau diarok-an pamerintah.... kan alah samo awak caliak.
Ambo yakin kalau semua-no dipoles sedemikian rupo akan banyak devisa dari tourist nan datang ka nagari awak, sakali lai unsur promosi juo sangaik paralu.
wallahu'alam
wassalam
Junaidi Malin Basa, suku Jambak, asa Magek (37), kandang singo
Muhammad Dafiq Saib <[EMAIL PROTECTED]> wrote:
Assalamu'alaikum wr.wb.,Alhamdulillah, alah baliak ambo ari sinayan malam dari pai raun ka nagari awak Ranah Minang basamo-samo jo 39 urang kawan-kawan sakantua. Marekako golongan manangah di kantua. Kami tadiri dari 24 urang padusi, 16 urang laki-laki. Dalam rombongan ado 'urang awak' limo urang nan baduo gadang di rantau. Hanyo sakitar lapan urang nan alah panah mancaliak nagari awak (tamasuak kami nan balimo). Jalajahan kami sarupo iko;Hari partamu, mandarek di Tabiang pukuah satu siang. Langsuang kami pai makan siang sudahtu baru sumbahyang di musajik Nurul Iman. Singgah lo dulu sudah itu di Pondok mambali oleh-oleh nan kadibao pulang. Pukuah ampek baru langsuang manuju Kiktinggi. Singgah di Aia Mancua Anai kiro-kiro 20 minik. Taruih ka Bukiktinggi, langsuang pulo pai makan malam dulu sabalun tarakhir manuju Novotel.Hari kaduo. Ka Pandai Sikek (Sutan Rumah Panjang sadang ka Jakarta kabano), ka Koto Gadang, Puncak Lawang, lalu Maninjau. Makan siang di Maninjau. Sumbayang di musajik di Gasang. Baliak ka Bukik Tinggi. Malam ko kami manonton partunjukan tari-tarian, musik talempong sarato silek di gaduang pertunjukan khusus di balakang BNI, dakek pangguang Eri, dakek hotel Yogya. Live show salamo satu satangah jam nan sabana mamukau. It was excelllent.Hari katigo. Ka Lambah Harau, sudahtu ka Pagaruyuang. baliakno lalu di Tabek Patah.Hari kaampek sabalun baliak ka Jakarta. Ka Singkarak. Danau Kamba. Langsuang ka Tabiang.Kasadoanno 'tasiuak-siuak' mancaliak panorama alam Minangkabau. Indak paralu pulolah ambo tambah-tambah. Sabagian gadang (tarutamo nan mangarati) taheran-heran, baa mangko potensi alam nan sakayo itu indak dipoles rancak-rancak. Iko iyo sabana Swiss komah, kecek mareka. Raso-rasono indak bagai bakalabihan impresi mareka tu doh. Batambah yakin ambo bahaso awak sabana mampunyoi potensi nan sangaik bisa di kambangkan.Itu sajolah dulu. Masih agak latiah badan dan sadang banyak pulo karajo.Wassalamu' alaikum wr.wb.,
St. Lembang Alam
Do you Yahoo!?
Yahoo! SiteBuilder - Free, easy-to-use web site design software
Do you Yahoo!?
The New Yahoo! Search - Faster. Easier. Bingo.
