Assalamu'alaikum wr.wb.,
Persis iko bana pulo ciek. Ado 'gaet' nan mangawani kami disadioan Tigo Balai Tour tu. Tapi sayangno, masih sangaik amatir. Ari partamu katiko awakno bacarito lah jaleh diambo, kanti-ko masih alun pandai lai doh. Ari kaduo ambo minta izin untuak sato maagiah katarangan, sabagai 'gaet' tambahan. Aaa bana pulolah nan kasarik. Bacarito panjanglah ambo pakaro gunuang Marapi (sajak gunuang Marapi sagadang talua itiak), pakaro gunuang Singgalang, pakaro ngarai (geologi), pakaro baa mangko banyak bana anjiang nampak di Koto Gadang. Bacaritolah ambo pakaro urang awakko hobi baburu. A sajo nan kaindak jadi carito. Harau, Payokumbuah, rel kareta nan alah ilang, Istano Pagaruyuang. Etcetera-etcetera.
Gaduang kasenian nan manyadiahkan kecek Bandaro, iyo ado juo sadiahno. Sadang patunjuak-an balangsuang, badaram-daram atokno sarupo kanai pungkang urang. Mungkin ado buah jatuah buliah jadi juo. Atokno seng. Pangganti gaduangko pun sabanano tantu bisa disadioan tampek nan labiah barasiah dek Pemda. Tapi bia juolah daulu, baransua-ransua.
Pakaro ongkoih, sarupo nan alah ambo smskan ka Bandaro, kami mambayia 850,000 rp surang untuak paket tigo malam manginap di Novotel kamar sharing baduo, sudah itu tamsuak makan duo kali dilua petit dejeuner, tamasuak tour. Cukuik reasonable. Rasono ndak banyak bana mareka maambiak untuang doh. Kudian ambo tau bahaso 'upon request' panyelenggara ko manyadioan juo L-300 tu bagai, tapi indak ambo tanyoan aragono doh.
Pokokno turisme Sumbar ambo sangaik yakin akan cerah, asa amuah awak manyiapkan sagalo sasuatuno sajak kini. Kan alah diansua juo karajo di Katapiang. Sajak kini-kini ambo ingin mausua supayo Katapiang tu di namoi Bandara Dang Tuanku isuak.
Itu sajo pulo samantaro.
Wassalamu'alaikum wr.wb.,
Lembang Alam
bandaro <[EMAIL PROTECTED]> wrote:
bandaro <[EMAIL PROTECTED]> wrote:
Sukses, Bravo !!!
Baa Lembang, lai sakambuk dapek tip sabagai gaet ???
Rasono ampek malam baru sadang elok yeeh ??
Manganai "gadung kesenian" dibulakang BNI tu, manyadiahkan.
Untuang tari-tarianno lai dapek "excelent" dari Dave.
Mungkin mambao turis sarupo iko, bisa kito lajukgan.
Malahan mungkin bisa di "paringan".
Scenarionyo sarupo iko :
Tiket bali per group di Jkt pp.
St. Lembang Alam
Do you Yahoo!?
Yahoo! SiteBuilder - Free, easy-to-use web site design software
