Ma sagalo adidunsanak jo anak kamanakan di salapan pinjuru angin Assalamu'alaikum wr. wb.
Sungguahpun salayang indak bakaitan jo kampuang halaman, tapi dek manyangkuik jo maso depan anak kamanakan awak nan di kampuang, rasonyo indak ka jauah bana parmohonan ambo ko dari misi milis awak ko doh. Ambo pasingkek sajo etongan nan ka dikamukokan: Program D2, Jurusan Perpustakaan, Arsip dan Dokumentasi, Fakultas Adab, IAIN Imam Bonjol, Padang, dima ambo sato bagotong royong, maancang-ancang ka mampalaweh horizon mahasiswanyo mancaliak perpustakaan urang di Malaysia, baiak perpustakaan sekolah, perguruan tinggi, perusahaan, umum, organisasi, dsb. dan ka dijadikan bahan penulisan tugas akhir mahasiswa nan ka khatam Oktober 2004 tahun muko. Ditinjau dari segi pembiayaan, perjalanan ka Malaysia jalan darek, ampia samo jo ka Jawa. Tahun 2002 kami lah mambao mahasiswa kami ka Medan, tahun kini Mei 2003 kami bao ka Jakarta International School di Batawi, dan tahun muko, sekitar Mei pulo, kok lai mamungkinkan ka Malaysia. Kini ambo nak mintak bantuan ka adidunsanak jo anak kamanakan nan manatap di Malaysia umumnyo, Kuala Lumpur khususnyo, untuak bisa mambantu kami jadi panunjuak jalan, mulai dari mancarian sikola, perguruan tinggi atau lembaga nan patuik jo mungkin kami jadikan sasaran kunjungan. Ditelnyo tantu kito upakaiki di japri. Atau adidunsanak jo anak kamanakan nan punyo kaum kirabaik, konco balau, atau hubuangan dakek apo sajo, nan bamukim di Malaysia, nan ka mungkin kami mintak bantuan saroman tu, tolong kontak ambo ka ka japri. Mudah-mudahan bantuan adidunsanak jo anak kamanakan ko jadi amal jariah di sisi Allah swt. Amin ya rabbal alamin. Mokasi banyak. Salam, mak Sati (66->67) RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
