Assalamualikum wr.wb : Samaso ambo masih tingga di kampuang , sabalun tahun 1965 , banyak sakali perguruan silek minang , ampie satiok jorong dalam nagari punyo sasaran ,arena atau galanggang silek untuak tampek baraja silek dan sangat digandrungi anak � anak mudo maso nantun . Dan banyak pulo dari parguruan silek tu nan lah manghasilkan pandeka � pandeka baru , barakek asuhan guru-guru silek nan disegani . Adolah duo urang guru nan sangat musahua yaitu Datuak Bandaro Itam dan Datuak Panglimo Kayo . Dan kaduonyo adolah guru nan ditakuti , bukan sajo disalingka nagari ambo , tapi terkenal di saluruh Kabupaten Solok wakatu tu . Konon kabanyo asa ado urang dari nagari ambo nan nyo gaduah dek urang dari nagari lain , baliau ko lah nan turun labiah dulu manyalasaikan . Indak talok jo rundingan nan elok jo kakarasan baliau lakukan . Konon pulo banyak curito nan ambo danga satantang silek minangko , bahaso satiok diadokan palajaran basilek mako disakitar arena tampek basilek tu , berkeliaran inyiak balang , apobilo nan diajakan adolah jurus rimau malompek , antah iyo antak indak caritoko , kurang jaleh pulo dek ambo .kabanarannyo. . Namun sasuai jo parkembangan jaman lah kurang sakali antusias urang awak ,khususnyo nan mudo � mudo kini untuak baraja seni bela diri semacam silek tu , justru anak � anak kini labiah tatarik baraja seni bela diri import sarupo karate , judo , taek wondo dll. Apokoh hal iko dikaranokan indak ado lai guru � guru atau pandeka sarupo jaman saisuak . Ambo maraso kaget , justru pelajaran silek minang ko banyak dipelajari di negara Eropah , seperti Austria , Jerman dan Belanda . Di Vienna Austria misalnyo ado perguruan (gelanggang ) silek nan dikelola oleh sdr. Pandeka kaisar Mihar dan murid � muridnyo adolah urang bule disana . Dan sayang sekali dalam kunjungan ambo ke Vienna Austria tahun 2002 nan lalu indak sempat singgah ka tampekko , karena adress baliau ko ambo tahu setelah babaliak ka Indonesia . Padohal tampek hotel ambo salamo di Wina di Grunberstarse 11 dakek bana jo galanggang silektu . Dan ateh sagalo upayo sanak kito dilua nagari untuak mengajarkan dan memperkanalkan silek minangko patuiak kito acuangkan jempol .
Wassalam : zul amry gelar Pandeka Mudo ( 55 ) di kuta bali RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ==============================================
