Re: [RantauNet.Com] pengobatan tradisional minangkabau===nasi lamak

[hendrif hendrif]

Assalamu'alaikum w.w.

 

Dunsanak Andria Agusta

 

Maaf talambek ambo manjawek, maklumlah namono urang babelok. Kalau caro ilmiahno ambo iyo indak jaleh doh, tapi nan kajadian iyo lai cegak, sabantako ambo caliak baliak bakeh luko nan dikaki tu, sampai kini lai juo bakehno.

 

Kalau jampi jo mantra, iyo indak ado bagai doh, ambo mamulaino jo Basmallah sajo no.

 

Wassalamu'alaikum w.w.

 

 

 

Bandaro Labiah

 

Andria Agusta <[EMAIL PROTECTED]> wrote:

Waalaikumsalam ww.

 

Taruih tarang ambo indak tau tantang nasi lamak sabagai ubek luko, maaf iko informasi baru bagi ambo. Apo ado ndak jampi mantra, doa, atau apolah namo nyo nan di bacoan

 

 

wassalam

and

 

----- Original Message -----

From: hendrif hendrif

To: [EMAIL PROTECTED]

Sent: Friday, September 05, 2003 4:54 PM

Subject: RE: [RantauNet.Com] pengobatan tradisional minangkabau

Assalamu'alaikum w.w.

 

Lamak siriah lega carano, rancak rono baragi-ragi, ambo cubo pulo manyampaikan pangalaman wakatu ketek saisuak, kok dikecekkan indak "masuak aka" mungkin bisa, tapi nan kanyataan iyo tajadi.

 

Carito bamulo *, .patang-patang hari sasudah main sipak tekong **, ambo mukasuk kamandi di tabek, kabatulan duo tabek ko badakek-an, nan ciek diateh, nan ciek dibawah, dek sudak main sipak tekong cako tu, baju balapehkan, bamasuakkan sabuan kadalam baju, sasudah itu baputa-putakan pulo buloh diateh kapalo, sahinggo sabun cako tu tacmpak ka tabeh nan dibawah, mako tapaso pulo maambiak no kadalam tabek nan dibawah, dek karano awak ketek, pendek pulo, basigayuk lah ambo jo tembok tabek nan dibawak tu, tapi alun sampai juo kaki ko, mako ambo lapehkan pacik kadindiang tembok tabek tu, antah lah nasib nan katibo, pacik lapeh, kaki tahantak kabawah, dibawak manyambuk batu runciang, mako cabiaklah tapak kaki tu ampia saleba tapak kaki, akhia no, sabun indapek, mandi indak pulo, managih malah jadi no.

 

Lah tibo dirumah, lah dibaluk jo kain, supayo darah nan kalua baranti, bisuak no dibuekkan dek gaek (amak dari amak ambo) nasi lamak (bareh katan = sipuluk), ambo kiro untuak kadimakan, kirono balakekkan katampaik luko di kaki tu, sudah itu babaluk pulo arek-arek jo kain, ALHAMDULILLAH indak bara hari sasudah itu, luko cako lah siaik (batauk baliak luko tu), tingga sen bakeh bagarih tando luko sajo.

 

Nan kajadi tanyo, ba a mangko  nasi lamak tu bisa pulo kajadi ubek luko nan cabiak sagadang tu ?

 

Maaf kalau baputa-puta caritono

 

Wassalamu'alaikum w.w.

 

 

 

Bandaro Labiah

 

* Sambia mangana maso saisuak

** (Kaleng bakeh atau Limau Gadang nan balunakkan) balatakkan didalam garih lingkaran badiameter duo satangah meter, sasudah bagasuk, sia nan kalah anolah nan manjago tekong cako sarato mancari atau maliek nan lain, nan lain ko bi mandok sadono, katiko panjago manampak salah surang nan mandok tu, mako panjago tekong manyabukkan namo nan tampak tu, kalau batua, mako tapaso masuak dalam lingkaran nan dibuek. saroman itu taruh sampai kasadono tatakok dek panjago tekong tu, tapi apobilo salah surang nan mandok tu dapek manyemba atau manyipak tekong tu labiah dulu pado panjago tekong, mako urang-urang nan alah ado dalam lingkaran cako tu manjadi lapeh baliak, mako mandok pulo baliak kasado, baitulah pamainan wakatu ketek

 

 

Rahyussalim <[EMAIL PROTECTED]> wrote:

Waalaikumussalam Wr wb

 

.

 

Rahyussalim

-----Original Message-----
From: [EMAIL PROTECTED] [mailto:[EMAIL PROTECTED] On Behalf Of Andria Agusta
Sent: 03 September 2003 21:57
To: [EMAIL PROTECTED]
Subject: [RantauNet.Com] pengobatan tradisional minangkabau

Assalamu'alaikum wr.wb.,

 

.

 

wassalam,

and

 

---

Want to chat instantly with your online friends? Get the FREE Yahoo! Messenger

---

Want to chat instantly with your online friends?�Get the FREE Yahoo! Messenger