Wa'alaikum salam wr.wb.,
Kini lo baru talakik turun baliak, karano sadang sampik bana pulo.
Tanyo Rangkayo Evi ko agak sarik gomah. Baa carono manasihati. Tantu nan dimukasuik, manasihati untuak ka nan baiak. Tapi bia juolah. Manuruik pandapek ambo, sarupo nan alah ambo tulih tadahulu, sampaikan 'nasihat' itu jo santun, jo bahaso nan indak manyakik-an talingo urang nan dinasihati. Kadang-kadang dek baulang-ulang maagiah saran atau nasihat cako, timbua juo nyinyia awak, tadorong juo awak untuak bangih, mangaluakan kato-kato nan sandek. Iko paralu di tahan bana saketek. Sabab ma-undang 'bangih' biasono murah, manyalasaian sasudah 'bangih' biasono sarik. Apo lai kalau alah batumpuak bangih jo bangih nan lain. Kalua upek, kalua nan tak elok.
Nan namono nasihat, pasti untuak nan kaelok. Sabalun ka manasihati urang, paralu pulo rasono diuji, alah koh awak mangarajoan nan dinasihatkan ko. Iko basasuaian jo parentah agamo, jo parentah Allah. Ado dalam al Quran. Jaan mangecekan/ manyuruah / manasihati urang mangarajoan sasuatu nan awak sandiri indak mangarajoaan. Banci bana Allah ka urang nan pandai manasihati tapi indak mangarajoan sarupo nan dinasihatkanno. (Quran 61: 2 - 3).
Manasihati indak sajo katiko dimintak. Kalau awak tahu ado dunsanak awak, adiak awak, kamanakan awak, urang sakampuang awak, urang sa Palanta awak, salah, sasek, kaliru, yakin awak bahaso itu salah/sasek/kaliru, mako wajib awak maagiah nasihaik. Jaan dibiakan hanyuik sarantau sajo kanti. Mako sakali lai, carono nan bijaksana. Urang Minang sangaik santiang biasono dalam hal iko. Ado kalono memang iyo jo sindia, kadang-kadang jo misal, kadang-kadang bana iyo agak kareh saketek. Dan batampek-tampek. Manuruik pandapek ambo, baitu juo di milis ko. Ko musykil bana urusan tu, nasihat nan kadibarikan tu, jaan dilewakan ditangah palanta gadang ko. Bao baganjua ka Japri, kan bisa. Tunjuak-an kok iyo 'ano' sasek/salah/kaliru.
Baitu juo jo mangaritik. Arati mangaritikko harus nan untuak mampaeloki. Karitik nan mambangun. Namun dalam hal mangaritik indak buliah awak mamasokan salero urang kasamo jo salero. Kok yakin awak bahaso pandapek awak nan batua, kamukokan elok-elok, tunjuakkan elok-elok, tapi sasudah itu lawan mangecek awak tatap punyo hak pribadi untuak manarimo atau manulak. Ditarimono syukur, kok ditulakno, jaan awak jadi sinewen pulo. Dan pakaro karitik/mangaritik ko kadang-kadang ado juo urang nan mangaritik untuak mambuluih-i urang, untuak mampamalukan urang lain. Nan tarakhirko tantu indak elok.
Nan tarakhir, utang diawak manasihati, ditarimo urang alhamdulillah, kok indak tamakan dino kaji, jo doa kito tolong. Jaan sampai dek indak badanga di urang pituah awak, bangkiklo bangih. Indak jadi salasai nan kusuik, malahan batambah kususik nan jadi.
Itu sajolah dulu. Mudah-mudahan bamanfaat.
Wassalamu'alaikum wr.wb.
" -- (*o*) --" <[EMAIL PROTECTED]> wrote:
Mak kalau lai bakalapangan, lain kali tolongin dong menulis soal tips "menasehati" orang lain. Sebetulnya saya bisa menuliskan sendiri, tapi untuk yang satu ini, apalagi jika dikaitkan dengan situasi akhir2 ini, saya pasti tidak akan netral karena saya telah membangun pendapat sendiri tentang "hobby menasehati" ini. Bagaimanapun saya sudah kadung percaya bahwa pertengkaran di Lapau ini selalu berawal yang merasa tahu menasehati mereka yang dianggap tidak tahu.Waasalam,--Evi
St. Lembang Alam
Do you Yahoo!?
The New Yahoo! Shopping - with improved product search
