Assalamu'alaikum wr wb.
Para dunsasak dan mamak mamak di palanta R/N nan ambo hormati.
Kalaulah sakironyo indak ka manjadi polemik di palanta iko, ambo ingin batanyo saketek mengenai pelaksanaan sumbayang tarawiah nan biaso awak karajokan dibulan puaso.
Sebagaimana nan awak ketahui salamo iko awak buliah mangarajokan tarawiah 23 rakaat atau 11 rakaat.
Nan ingin kaambo tanyokan, kalaulah ambo kamaambiak nan 11 rakaat, maa nan tapek pelaksanaanyo 4 + 4 tarawih, 3 witir atau 2 + 2 + 2 + 2 tarawih, 2 + 1 witir.
Apokah ado keterangan haditsnyo mengenai pelaksanaan solat tarawih nan ado diateh, kalau lah iyo tolonglah sanak kasadonyo tarutamo sdri Rahimah di Cairo mambantu ambo manuliskan haditsnyo nan mendukukung tatacara solat tersebut, kalaulah tidak memungkinkan ditulis disiko, rasonyo namo hadits jo nomor haditsnyo pun alah cukuik. Bialah beko ambo bukak surang, ambo iyo kebetulan punyo koleksi hadits2 kitabussitah, namun agak paniang mancari maa hadits nan tapek untuk itu.
Baalah pulo prakteknyo nan dilakukan urang di Mekah ? , mungkin sanak Ridwan nan bamukim di Arab Saudi bisa manambah wawasan ambo.
Sabalun dan sasudahnyo ambo ucapkan alhamdulilah jazakumullohu khoiro, mudah mudahan amal ibadah dunsanak dibaleh Allah swt. jo pahalo nan berlimpah.
Wassalam
Adrisman ( 41 th )
