Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ass,wr,wb. Uda Zul nan ambo hormati, Kalau alang-alang maco ado nan tahu dak ? Alang2 nan biaso untuak aduan, nan biaso mamakai banang gelasan. Alang2 sangajo dibuek ramping dan lincah, dan biasonyo diadu dengan alang2 nan lainnyo, bilo angin kancang dan alang2 tersebut sudah bersengolan banang gelasannyo (banang nan sudah diberi perekat jangek nan di agih gilingan pecahan kaco, dimasak dan benang dicelupkan ke adonan tersebut lalu dikeringkan). Katiko sadang kanai tu, masiang2 pemegang banang alang2 tu mengulur secapek mungkin (capek disini artinya selekas mungkin bukan selelah mungkin) dengan memainkan alang2nyo sampai salah satunyo putuih banangnyo, manggalipek layangannyo, mungkin itu nan diistilahkan layang putuih ditangan kali yo Da Zul? Tentang ramuan supayo banang kito labiah unggul dari banang gelasan urang lain, biasonyo ado ramuannyo tersendiri. Bahan utamonyo adolah jangek dan tumbukan halus gelas ditambah daun2an sarato aie sacukuiknyo. Ramuan ko dimasak sahinggo manjadi bubua, setelah itu ambiak banang nan akan di gelas tersebut, masukkan dan celupkan keadonan tadi, lalu kita keringkan dengan caro membentangkannyo diantaro duo tiang secara melingkar. Biarkan sampai kariang. Sudah itu baru dipunta di rol atau di kaleng bekas susu, untuak siap dimainkan. Ikolah nostalgia ambo di tahun anampuluhan sewaktu ketek di Bangkahulu dulu. Wassalam, M.St.Bangsawan (46 +) Rang Sulik Ayie kelahiran Bangkahulu. > Mamak Sutan Sinaro Yth : > > Kok manyabuik alang alang , iyo tabayang dek ambo wakatu 1960 saisuak , > itu karajo ambo bana tumah . Alang alang nan baikua papek tu namonyo > alang alang "karambak" dan biasonyo diagiah badanguang dikapalonyo , dan > untuak malapeh paralu angin nan kancang , sadang ciek lai alang alang > baikua panjang namonyo alang alang "sumpu" , alang alang iko biasonyo bisa > naik tinggi sakali , dan dalam panilaian nan dinilai adolah katinggian > disampiang itu sabara tagak banang alang alang tu , dan diateh sana harus > posisi diam atau indak buliah balenggang lenggok . Itulah sekedar > nostalgia . > > Wassalam : zul amry di kuta bali > > Sutan Sinaro <[EMAIL PROTECTED]> wrote: > Wa'alaikum salam.w.w. > > Aaa... iyooo sero mandanga carito jo Buyuang, raso tabang ambo baliak > ka kampuang > Tabayang baliak maso kutiko kami balari-lari di pamatang sawah, juo di > tapi pasia > untuak maliek Gindo Sudin jo Ajo Nuan malapeh layang-layang danguang tun. > Dulu (sekitar tahun 70) panah pulo kutiko malam ari, layang-layang ko > diagiah lampu > sahinggo salain suaro, layang-layang tu pun nampak ma-enggak-enggak di > ateh. > Sayang jo Buyuang, kini ko indak ado tadanga dek ambo lai doh, baiak di > padang, > atapun di piaman bana. Iko lah nan tajadi di nagari awak, Iduik kini indak > cukuik lai, > indak tapikia ka ba layang-layang lai doh, Walaupun dulu urang musikin > juo, tapi kok duduak di kampuang nan paruik ko lai tatap barisi, sabab > dima duduak urang maimbau makan, lain jo kini jo Buyuang, barakaik tu nan > lah ndak ado lai, Urang kampuang lah samo lupo bahaso maundang urang > datang ka rumah saribu barakaik diagiah dek Tuhan Allah. Antahlah, ugamo > dek lah jauah batinggakan. > > Wassalam > > St. Sinaro. > > Zubir Amin <[EMAIL PROTECTED]> wrote: > > ...Bakarek... >>kadangkala mengalahkan lagu nina bobok dari"amak"=Ibu kanduang >> tersayang.Apokoh >>masih ado jinih layang2 nan comanko kini di kampuang,ndak tahulah jo >>Buyuang.Mungkin ditampek negeri nan baru sanak Mulyadi di >>Palembang,ado layang2 nan cotu.Selamat main layang2 Mul basamo rang >> kampuang >>kito. > >>Wass.wr.wb. > > > > --------------------------------- > > > Zul Amry Piliang di kuta bali > > --------------------------------- > Do you Yahoo!? > Protect your identity with Yahoo! Mail AddressGuard ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
