Server mailing list RantauNet berjalan atas sumbangan para anggota, simpatisan dan
semua pihak yang bersedia membantu. Ingin menyumbang silahkan klik:
http://www.rantaunet.com/sumbangan.php
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Naiak "travel" Pakan Baru - Bukiktinggi.
Dek mandanga naiak "travel" (*1) cuma 4 sampai 5 jam PBaru - Bkt,
mako Minggu 26 Okt ambo cubo / rasokanlah naiak travel "Gemilang"
dari Pakan Baru ka 'kiktinggi.
Barangkek 11:30, talambek satu satangah jam dari jadwal (10:00).
Supirno anak mudo sakitar 18thn. Di Tarengka (??? sakitar batas kota),
batambah pasisia, dibaris bulakang manjadi barampek nan saharusnyo
batigo. Sabalun masuak pasa Kampar kanai macet, ampia 1.5 jam di
panggang didalam taravel tu, karano AC indak dingin dek macet.
Panyababno adolah oplet / angkutan desa nan "ngetem" di labuah di
pasa Kampa. Sapanjang parjalanan, rami urang dlm parjalanan
pai balimau, manjadikan lari travel tasandek-sandek.
Sasudah makan siang puku1 15:00 saurang panumpang mambao travel -
manggantikan si sopir nan duduak dibulakang jo kami.
Sabalun Pangkalan ado sungai dan musajik gadang ditapino.
Disitu, satiok ari balimau diadokan lomba parahu bahias. Rami sangaik
pulo urang disinan. Di Koto Alam lah mugarik. Travel bainsuik-insuik
di pandakian diutan jalan sampik nan rami pulo dek kandaraan,
sabalun puncak (??? apo namono).
Turun kelok sambilan lai lancar.
Di Taram - PYK maantakan pasisia dulu di duo tampek.
Tibo di Bkt lansuang ka Mandiangin, belok suok masuak sakiro 5km (???)
ka TILKAM, dek malam rinai io taraso jauah sangaik maantakan surang
urang. Dari Tilkam berbalik ke Pakan Kamis maantakan 1 urang.
Satalah itu, arah berbalik lagi, muncul di Tjg Alam.
( babega-bega di Tilkam ko kami manyaksikan urang-urang sholat
tarawiah partamo).
Dimlm partamo Ramadhan tu io diuji kasabaran. ( Baa dek ka Tilkam
malalui
Mandiangin. Indak masuak dari Tjg Alam - Pkn Kamih - Tilkam ???)
Tibo di Bulaan Kamba - Kubang Putih pukua 10 mlm, pas mande pulang
tarawiah partamo. Total parjalanan 10 1/2 jam.
Kpd mak Marah.
Labiah lanyuang naiak Batang Kampar jo sopir si Duruh.
Lari bus no sakadar sajo, bakalason dan santai enjoying
the riding. Indak parnah macet.
(*1) " travel " adolah angkutan antar kota nan berjadwal.
Kendaraannyo biasonyo mini bus L-300, Panther, Kijang.
Wass
mak Ban
~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ingin memasarkan produk anda di web RantauNet http://www.rantaunet.com
Hubungi [EMAIL PROTECTED] atau [EMAIL PROTECTED]
~~~~~~~~~~~~~~~~~~~~~~~~~~~~~~~~~~~~~~~~~~~~~~~
Isikan data keanggotaan anda di http://www.rantaunet.com/daftar.php
----------------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
========================================
