Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Ma sagalo adidunsanak jo anak kamanakan di sagalo suduik bumi Allah, Assalamu'alaikum w.w. Alhamdulillah, saruan ambo tanggal 30-10, lai di response dek salah surang anak kamanakan ambo pado hari tu juo dan lah mangirimkan infaq/sadaqah baliau untuak musajik NURUL HUDA kami, di Jalan Sidingin, Wisma Tabiang Indah, Tabiang, Padang, sabanyak Rp 40.000,- (ampek puluah ribu rupiah). Cuma dek badan agak salah banang sajak hari tu, baru duo hari nan lalu ambo bisa pai mancaliak ka BCA, dan malam ko ka ambo sarahan ka panguruih musajik. Ambo basarato panguruih musajik dan jamaah kami, di hari baiak bulan baiak ko, taruih manampuangan tangan ka sagalo adidunsanak jo anak kamanakan di sagalo suduik bumi Allah ko nan lai baniaik ka ba infaq ka rumah Allah kami ko nan kini sadang manyalasaikan lantai 2 nan masih mamaralukan dana dari kaum muslimin dan muslimat. Nan lai baniaik kirimkan sajo ka rekening ambo di BCA Cabang S. Parman, Ulak Karang, No. Rek. 312 024 4140, tapi jan lupo malewakan di lapau atau mambisiakan ka ambo di japri, dan bilo lah ambo sarahan ambo lewakan baliak atau ambo bisiakan ka japri adidunsanak jo anak kamanakan nan bainfaq. Wassalamu'alaikum w.w. mak Sati ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
