Assalamu'alaikum.w.w.
...... Mari kito taruihkan agak sajamang pulo....
"Tetap sajo ambo bapandapek, bahaso apo nan alah diturunkan dek Allah swt.,
Penguasa jagad semesta ini adolah labiah elok", iko kutipan kalimat nan lalu.
Memang sulik bagi urang
manarimo hal iko dek karano urang kini alah santiang-santiang mampagunokan aka.
Sahinggo apo nan banuansa modern dikatokan itulah nan paliang elok. Dek karano
mampagunokan aka. Mereka lupo bahaso jo aka sajo indak cukuik.
Sebagai manusia kito paralu sesuatu yang lain yakni "hidayah", Kalau indak ado hida-
yah mako kito jadi buto (dalam arti luas), sarupo kecek Einstein "Science without
religion is blind".
Sebagai contoh mari kito caliak apo nan tajadi kalau harago gulo
turun drastis. Dek urang nan mampagunokan aka, sasuai jo ilmunyo, permintaan dan
penawaran, mako gulo harus dikurangi dipasaran, mako gulo ko dibuang, ladang-ladang
tabu dibaka untuak manstabilkan harago. indak ado nan kamambantah dek sasuai jo
aka jo teori.
Tapi indak dek urang nan ado hidayah di dadonyo. Mubazir indak buliah,
gulo banyak harus disumbangkan, diagiahkan ka fakir miskin, indak ado dalam negara
lai ka lua negara diagiahkan. ..... Siko nampak bedanyo antaro urang nan macikkan aka
sajo jo urang nan mamacikkan aka jo hidayah.
Kito baliak baliak, persoalan padusi ko sarupo jo nan ditanyokan dek mamak Zul,
apo korelasi nyo antaro emansipasi nan bukan Islami jo pelecehan seksual dlsb.
Bisa dijalehkan sacaro detail dan akan panjang, tapi rancak kito ambiak sajo contoh
jo kajadian baru-baru ko. Mari kito kaji.
Dalam Islam, untuk mamartabatkan padusi tu, padusi tu harus dijago jan sampai ado
tangan-tangan jahil nan ka maawai, maresek dan sebagainyo. Untuak itu kok kalua
rumah harus dikawani dek Mahramnyo. Hal iko alah pulo disetujui dek DPRD (ambo
lupo antah tk I antah tk II) sahinggo dibuekkan PERDA, larangan padusi bajalan labiah
dari pk 11 malam tanpa Muhrim (kalau indak salah ambo, kok salah bunyinyo tolong
batuakan).
Padahal Urang Awak (DPRD) alah mancubo maambiak "saketek" sajo dari
ketetapan Islam nan seharusnyo wajib dikarajokan. Hanyo dibatasi dari pk 11 malam.
Tapi apa yang kemudian terjadi, ...datanglah pejuang gender kita dari Jakarta (Maaf,
namo Urangnyo ndak ambo sabuik, tst se lah awak). Bakoak-koak lah nyo di Padang,
dikecekkan indak sasuai, merampas hak-hak wanita, menghilangkan kebebasan, penentangan kepada penyetaraan gender,.. macam-macam, ...lalu...
.... PERDA tu ndak jadi diberlakukan...
Sia nan rugi ?,
Jaleh bana bedanyo antaro emansipasi nan dianjurkan dek Islam jo nan mereka
tuntuik dan peruangkan. Nan rugi padusi juo.
.... Ndak lamo sudah tu..... tajadilah apo nan tajadi di solok.
ibo awak di nyo, ... pulang dari Jakarta sorang, tibo disolok diperkosa urang...
... nan memalukan lai, nan babuek tu ... niniak mamak..., suluah bendang dalam
nagari, ...... (maaf bukan mukasuik manapuak aia di dulang, iko supayo jaleh dikito).
Jaleh kan ! ! , baa bedanyo antaro martabat padusi nan dimukasuik dek Allah swt.,
jo nan diperjuangkan para feminis, pejuang emansipasi, pejuang penyetaraan gender,
dan sayang pulo Cysca lah manyabuik regardles gender.... sayang.... sayang bana..
Rancak kito mintak hidayah ka Allah swt.
Dengan hidayah sadonyo akan bajalan mulus, dan memang sarancaknyo lah kito
mamilah-milah, apo nan disabuik kemodern-an (kok indak buliah disabuik Barat) indak
kasadonyo rancak doh. Emansipasi ala mereka bamotif lain, dan laia sajak zaman
revolusi industri, supayo kapital (modal) nyo tambah gadang. Rancaklah kito maambiak
apo nan lah dibaok dek Rasulullah saw., nan jaleh-jaleh manjanjikan pulo salain
kehidupan dunia ko, kehidupan akhirat nanti nan bajuta-juta tahun.
...... Lah panjang pulo....kito sambuang barisuak...
Wassalam
St. Sinaro
Do you Yahoo!?
Protect your identity with Yahoo! Mail AddressGuard
