Assalamu'alaikum.w.w.
... Kito taruihkan..., tapi nan sakali ko agak tafokus ka pertanyaan mak Zul...
(maaf kok indak bakanan)..
amry1948 <[EMAIL PROTECTED]> wrote:
> Baiko ko sanak Sutan Sinaro , sabek anak gadih kini ko , indak
>samo jo anak gadih dulu , anak gadih kini iyo agak ganjah
>samo jo anak gadih dulu , anak gadih kini iyo agak ganjah
Baiko lah mak Zul, cubo inok-inok kan, adaik mungkin babuhua sintak, tapi sarak
babuhua mati. Agamo lain mungkin bisa jadi budayo, Agamo Islam indak, bak kecek
urang Barat (kalau ndak salah Sir Willian Muir), "Islam is much more than a
religion, it is a complete way of life, it is a complete civilization".
Budaya lain atau agamo lain bisa diubah sacaro evolusi dek kebiasaan urang,
tapi indak untuak Islam do. Kalau kito biakan sarupo itu maknanyo kito alah ma-
nyimpang dari agamo, maknanyo kito indak manuruik apo nan tiok ari kito
mintak 17 kali "Ihdinash Shiraathal Mustaqiiim". Indak luruih jalan kito lai tu do.
Kalau ketentuan alah dibuek, indak bisa diubah do mak Zul, oo ka dilangga,
tasarah. Ketentuan indak dapek diubah. Dek gara-gara banyak salon kiniko,
banyak mal-mal, banyak cafe-cafe, banyak acara-acara ulang tahun, nan anak gadih
awak tiok ari ka sinan....,
... lalu ketentuan Islam bisa barubah ?..... Indak do mak Zul..
Kok ka malangga, langga lah, jo Allah baurusan nantik (kok lai katajawek tanyo
dek mak Zul nantik, katiko ditanyo, anak gadih baa babiakan surang bajalan ?).
Tapi nan ketentuan Islam iyo indak bisa diubah do mak Zul, dan jan pulo difatwakan
ka urang-urang takah itu, mambana ambo.... barek urusan mak Zul jo Tuhan Allah
nantik. ...... iko nan partamo.....
Nan kaduo, Dima harusnyo awak malatakkan malu, dan baa maajakan malu ka anak-
anak ?. Baa kok malu pulo dikawani dek Mahramnyo ?. Ooo dek inyo lah gadang ?,
Justru dek lah gadang tu tambah dikawani, lah lia mato urang mancaliak. Seharus-
nyo, inyo berbangga dek karano baitu bana urang gaeknyo manjago, manjago dirinyo,
manjago keluarga, manjago masyarakat dan manjago agamo dan malu bajalan surang
dek awak lah gadih gadang. Kalau indak ado raso
iko dek inyo, kito sabagai urang gaek harus mananamkan ka inyo raso bangga sarupo
iko, dan bangga sebagai hamba yang patuh pada khaliknya, dan malu kok malangga
ketentuan Islam, malu ka Allah swt.. Bukan malu nan lain nan ka diajakan ka inyo.....
maaf, iko mukasuiknyo indak untuak mak Zul se ko doh, untuk kito basamo.
Nan katigo, kok iyo alah dinasihati anak-anak ko, supayo elok-elok parangai,
pandai-pandai manjago diri sahinggo indak bakawani bana ndak baa doh kecek awak,
Kok iyo lai takah itu ndak baa doh, dek alun tajadi. Kok tajadi ?.
Ambo raso anak yang kanai
di Solok tu alah cukuik juo diagiah dek rang gaeknyo tumah (dan inyo lah gadang,
kabanyo lah jadi dokter). Lalu tajadi juo,
dek karano aa ?...ciek saraik lai kurang, .... indak bakawani dek Mahram.....
Lalu ?, manyasa, mangutuak, heboh dlsb. Salah sia ?. Maaf...., kuciang
kok ado lauak di mukonyo, indak ado pulo urang nan ka malakaknyo kok
nyo lutok, .... nyo lutok juo lauak tu tumah..dek nyo kuciang ....ndak bitu ?.
Kok alun tajadi, ndak baa doh mak Zul, kok tajadi beko baa ?. Lai indak ka
manyasa ?. Nan maminteh ko.... iyo sabalun anyuik.
>Maliek panjalasan sanak Sutan Sinaro , anak mudo dilarang samo kali
bapacaran..................
bapacaran..................
Pacaran ko baa mak Zul ?, Kalau ateh namo sekedar mangecek, kan bisa
mangecek atau ngobrol di rumah, di muko urang gaek, indak ado salahnyo
tu do dek karano ado nan mangawasi (Duduak lah agak jauah snek...jan jauah bana,
indak nampak pulo anak gadih awak kanai ginyang beko).
Kok lua dari itu, iyo ndak buliah do.
Kok pai inyo, inyo pai jo bukan Mahramnyo. Kok lah baduo-duo di tampek nan
sunyi, nan katigo adolah Setan. Setan ko nan mampalagokan durian jo antimun.
Alah jaleh keterangan hadits sahih tantang iko. Indak buliah.
Ooo urang kini lah modern, dan itu manambah job discription pulo ka inyo,
.... sakali lai kito katokan, ketentuan Islam indak bisa diubah jo itu doh...
Kalau awak pabiakan, berarti awak ridha jo caro nan bukan dari Allah,
awak ridha jo caro iduik nan bukan dari Allah dan dicontohkan Nabinyo.
Aratinyo awak indak ba Tuhan ka Allah lai tu do, indak ba nabi ka
Muhammad saw. lai tudo. Tapi tiok ari awak tunggak tunggik manyambah
mamintak, ka inyo, apo aratinyo tu ?. Tiok ari 17 kali mamintak, "tunjuakkan
kami jalan nan luruih ya Allah", tapi jalan luruih tu indak dituruik, jalan beng-
kok juo nan baturuik. Baa sabananyo ?, apo nan awak pabuek sabanyo ?.
..........singan iko dulu....
..........singan iko dulu....
Maaf kok adoh nan tasingguang di nyo, mukasuik lai
untuak manjago ummat.
Wabillahil hidayah wat taufiq.
>Wassalam : zul amry di kuta bali
Wassalam
St. Sinaro.
Do you Yahoo!?
Protect your identity with Yahoo! Mail AddressGuard
