Re: [RantauNet.Com] sato sakaki

[rul_djamal]

Ass. wr. wb.   Mamanda, Bapanda, Uda, Uni, Adiak, anak, kamanakan dan dunsanak kok ketek indak basabuik namo, kok gadang indak baimbau gala, nan ado di galanggang nan baneh dan palanta nan bataduah RN  Ambo lah lamo jadi pemerhati di palanta RN ko, tapi alun sampaik lai untuk ikuik maota, makonyo ambo nak sato sakaki di palanta RN ko, amboko banamo Chairul Djamal gala rajo sampono barasa dari Muaro Panjalinan Tabing, kok daulu padang lua kota, kok kiniko lah tamasuak katamadya padang, suku amboko guci, karano amak ambo basuku guci dan abak ambo basuku jambak dari tabiang juo, tapi ambo indak panah doh gadang di tabiang tu, lai sabanta ombo tingga di tabiang tu katiko ambo sikola di tapi banda puruih, lainnyo gadang dirantau. sangkek ketek rantau ambo ikuik abak kaliliang Sumbar, panah di Piaman, panah di Sawah Lunto, panah pulo di Kiktinggi dan Padang, alah bakarajo ambo kaliliang Indonesia lo, panah di Taluak Bayua, di Bitung/Manado, di Panjang/Lampung, di Biak/Papua, di Balikpapan/Kaltim dan Jayapura/Papua, kiniko samantaro malakok di Surabaya. Di Balikpapan panah pulo jadi ketua umum ASA ( Awak Samo Awak ) kaluarga Minang disinantu. sakitu dulu salam parkanalan dari ambo.   Sasudah itu ambo ingin pulo maagiah saketek pangalaman ambo tantang panggilan mamak nan dikatangahkan dek  sanak Laila, kutiko dikampuang ambo panah disareheng dek urang karano ambo maimbaunyo sadonyo jo mamak. Baa cando itu, karano nan biaso dipanggia mamak itu iyolah urang laki-laki dari pihak amak awak apokah itu kakak, adiak atau dunsanak amak awak nan laki-laki, istilahnya kalau sasuku inyo jo awak, itu dapek dipanggia mamak.  Untuak bini mamak dipanggia mintuo, indak mintuo berarti mertua doh, tapi bisa juo, karano banyak pulo kamanakan pulang ka anak mamak. Tapi kalau inyo dari pihak abak awak, jan cubo dipanggia mamak, dibulalakkannyo matonyo ka awak, jadi kalau dipihak abak awak, iyo basabuik bako, biasonyo dipanggia apak, ado apak adang, ado apak angah ado pula apak etek, tagantuang dari usianyo jo abak awak, sadangkan dari pihak apak awak nan padusi disabuik induak bako namonyo, kutikotu nyo kecek an ambo ko indak tau jo AMPEK. Jadi indak sadonyo sajo urang bisa dipanggia mamak doh sanak laila, tanyo sukunyo, lai sasuku inyo jo laila, panggialah inyo mamak atau mamanda, tapi kalau indak doh, ijan lah dipanggai mamak pulo. untuak di milisko barangkali sadoalahe sae diimbau mamak indak bagai juo doh sanak. sakitu dulu dari ambo labiah kurangnyo ambo minta maaf.   Wass. wr. wb. Rul Djamal ( 54+) ----- Original Message ----- From: Laila Fajri To: [EMAIL PROTECTED] Sent: Monday, November 03, 2003 4:48 PM Subject: Re: [RantauNet.Com] kejar tayang & belajar pantun Assalamu alaikum ....   Mamanda Zul... Saya ngga mau punya mamak satu aja di RN ini.Kan ada banyak mamak.Dan saya mau semuanya saja. Mau mamanda zul.mamanda mulyadi,mamanda rahyussalim.mamanda sutan lembang,mamanda yulizar,mamanda darul,mamanda zubir amin,mamanda ethaf,mamanda duta mardin yaahhh...pokoknya seluruh mamak yang ada di RN yang saya sendiri  juga belum hafal namanya,namun satu yang pasti  bagi saya semua sama sama deh. Bagaimana mamanda zul? good idea ngga?   Wassalam Laila Fajri  (24+)  di kota Gudeg     Do you Yahoo!? Exclusive Video Premiere - Britney Spears