Re: [RantauNet.Com] sato sakaki

[rul_djamal]

ass. wr. wb. amboko mungkin samo jo darul tu, tapi bedonyo darul dilauik nan amboko iyo didarat sajo, balaia kalau manumpang kapa, mungkin indak asiang lai dek darul tampek ambo ko karano acok basobok dilauik dek darul jo kapa dan ambo uruihko, kok lai kapa panumpang ka padang kiniko baliak, walaupun kapa kenek untuak sakali sajo, disinantu lah ambo bakureh, banderanyo merah putiah putiah merah babintang putiah disuduik merahnyo nan diateh. satantangan panggilan mamak tu iyo bana saromantun, mudah-mudahan panggilan mamak dikampuang indak dirubah dek rang lalu jo panggilan ooommm nan sadang top kiniko, baitu pulo dipalantako kan labiah elok mampopulerkannyo, kan iyo baitu sanak.   cdr sampono(54+) ----- Original Message ----- From: Darul M To: [EMAIL PROTECTED] Sent: Sunday, November 23, 2003 12:53 PM   -------- dikuduang ----   Uda Rajo Sampono nan dihormati, Katangah duduak, dakek kamari, bia nak bisa awak saliang kenal labiah dakek. Kok buliah batanyo di ma garangan Udako bakarajo, tampakno ditapi lauik taruih mah. Apo di P/A?   Saketek pandapek satantangan mamak nantun. Nan tapek iyo saroman nan uda caritokan itu. Tapi mamak dapek juo jadi gala nagari. Mukasuiknyo bisa dipanggiakan ka urang nan alun awak kenal bana dan umuanyo sakiro saumua jo mandeh awak. Tapi kalau nanti dikatahui dari induak bako, mako panggilan nantun dapek dirubah. Jadi mamak indak ka nan sasuku sajo doh. Jadi kasuluruh suku, kecuali dari bako dan nan badunsanak jo apak awak. Misanyo dunsanak sapupu jo bapak juo dipanggia bapak (pak) atau dunsanak sabapak jo bapak awak.   Wassalamualaikum WW Darul St.Parapatiah Takabbalallahu minna waminkum Minal aidzin walfaidzin   -----Original Message----- From: [EMAIL PROTECTED] [mailto:[EMAIL PROTECTED]On Behalf Of rul_djamal Sent: Sunday, November 23, 2003 10:46 AM   Ass. wr. wb. -------------------Kuduang-------------------   alah bakarajo ambo kaliliang Indonesia lo, panah di Taluak Bayua, di Bitung/Manado, di Panjang/Lampung, di Biak/Papua, di Balikpapan/Kaltim dan Jayapura/Papua, kiniko samantaro malakok di Surabaya. Di Balikpapan panah pulo jadi ketua umum ASA ( Awak Samo Awak ) kaluarga Minang disinantu. sakitu dulu salam parkanalan dari ambo.  -------------------Kuduang------------------- Sasudah itu ambo ingin pulo maagiah saketek pangalaman ambo tantang panggilan mamak nan dikatangahkan dek  sanak Laila, kutiko dikampuang ambo panah disareheng dek urang karano ambo maimbaunyo sadonyo jo mamak.   Wass. wr. wb. Rul Djamal ( 54+)