|
Assalaamulaikum Warahmatullaahi
Wabarakaatuh Mak Zul dan sanak di Rantaunet nan
berbahagia. Salamiak Hari Rayo,
mudahan amal kita diterimanya. Mohon maaf lahir bathin. Mak Zul ambo ingin manjawab pertanyaan mak
Zul nan singkek tu. Dek ambo iyo terlibat babarapo organisasi Keminangan di
Jakarta. Ado kampuang, kenegarian dikampuang, maupun kelompok Minang setempat.
Misanyo: Kenegarian ambo, Canduang ado nan banamo IKCK (Ikatan Keluarga
Canduang) dan Juo dari Kampuang mbo, IKVS (Ikatan Keluarga Limo Suku Canduang).
Sudah tu adolo kecamatan IKAT (Ikatana Keluarga Ampekangkek Tjanduang), baru
Kabupaten dan SUMBAR nan sisingkek IKM. Nan IKM iko adolo dibawahnyo, contohno
kabatulan ambo kini ketua IKCS, (Ikatan Keluaraga Minang Cijantung dan
sekitarnya). Tapi sayang saribu sayang, masiang-masiang
organisasi nantun saroman jalan sandiri-sandiri, mereka mangatahui ado
dibawahnyo, tapi indak namuah tahu. Mukasuiknyo, satiok ortganisasi nantun
bajalan sandiri-sandiri, tanpa memperhatikan kepentingan nan dibawahnyo. Mungkin iko menggambarkan bahaso urang
awak tu indak namuah atau indak bisa basatu. Masiang-masiang mamiliah pengurus
bakato sia nan namuah sato dalam rapek sajo. Apo lai kadang urang dinilai jo
kekuatan ekonomi ataupun jabatan resminyo. Kadang kalau jadi nan ketek ibo hati
datang rapek. Pernah tajadi dalam satu rapek, alah basitingkih diskusi dan adu
argumen 1 ~ 2 jam. Kudian tibo nan badengkeang (kebetulan pejabat eselon 1 di
Depkeu), seolah hasia rapek nan sabalunnyo indak ado gunono. Mayoritas nan ado saolah
mandanga instruksi bapak birokrat, nan dianggap atasannyo. Alangkah indahnyo, iko mimpi nan lah lamo
indak bisa jalan, kalau kamaadokan rapek nan paralu mambiak keputusan strategis, diadokan sistim
perwakilan nan resmi dari bawah, misanyo, IKM nan ado diminta mangirim utusan,
dan utusan nantun dapek pulo dipiliah dek IKM-IKM nan mautus nantun sacaro
demokrasi. Ondeh rancak bana kok ado nan bisa malakukannyo. Misanyo IKM per
kecamatan di Jakarta dan perkecamatan dikampuang nan di Jakarta mangirim utusan
resmi. Jadi indak saroman nan biaso sajo. Asa ado nan mawakili alah cukuik tu. Baa pandapek mak Zul dan sanak RN nan lain?
Sudahtu ambo mohon maaf kalau ado kato nan indak talatak ditompaiknyo. Wasalaamulaikum Warahmatullaahi
Wabarakaatuh Darul Makmur St. Parapatiah Takabalallahu minna waminkum Minal aidin walfaidzin -----Original
Message----- Assalamualaikum
wr.wb : dan apakah
organisasi berdasarkan nagari ini merupaka affiliasi dari organisasi
berdasarkan kabupaten ? ini yang kurang jelas bagi saya , karena sudah saking
lamanya tak tinggal di Jakarta . Kegiatan rutin dari organisasi kemasyarakatan
warga minang biasanya mengadakan halal bihalal sehabis hari raya idul
fitri . Wassalam :
zul amry di kuta bali |
