|
Assalamualaikum
WW
Diawalnyo bana
untuak itu. Tapi alah ado perkembangan salanjuiknyo. Misanyo bausaho mambantu
sasamo perantau dalam pemecahan masalah atau mambangun kampuang. Kudian kalau
dapek ditingkekan fungsinyo rancak bana. Ado ciek, asa muasa perjanjian angkutan
lauik juo asa muasa asuransi, juo hasia dari ngobrol di kadai kopi. Kadai kopi
tompaik mangumpua para partisan diangkutan lauik nantun. Kabatulan kadai kopinyo
banamo Lloyd. Tapi kini nan dirintis dikadai kopi nantun alah
mandunia.
Ado ciek lai kecek
rang tuo dulu. Kalau indak baguru iyo maniru ........ tapi maniru disiko injan
di konotasikan negatif. Dalam ilmu pengetahuan, pengembangan nan ditiru tu ka
tingkek salanjuiknyo adolah sahsah sajo. Asa disabuik juo asa nan dikampabngan
nantun. Misa Lloyd van Minang, mufakat lapau palanta atau apolah namo nan
lain.
Ciek lai nan lain,
Hua Kiau ......... mereka punyo organisasi dari tingkek kelurahan, disabuik juo
lurah, ditingkek kecamataan, camat. Ditingkek kabupaten, bupati dan sataruihnyo
sampai negara dan regional. Awakkan samo tau bahaso nan duo satangah persen
panduduak Indonesia manguasoi 80% ekonomi nasional. Nan duo satangah persen
nantun dari etnis tertentu, nan punyo kemiripan juo jo awak, yaitu mambuek
organisasi dek samo saparasaian jauah dari kampuang. Si duo satangah persen
nantun juo tergabuang dalam organisasi regional Asia Pacific nan manguasoi
ekonomi hampia 80% juo.
Kini organisasi
sosial awak tu alah banyak dan mambantuak enclave-enclave, baiak itu badasarkan
kelompok bakumpua berdasarkan tompaik tingga di Jakarta ataupun di Kota lain.
Juo babantuak kelompok sakampuang dikampuang dan barado disuatu kota. Sabuik
sajo lah organisasi sosial nantun jo singkatan "IKM". Jikok IKM-IKM nangko bisa
bakumunikasi ciek jo nan lain, dan bisa bakongko-kongkow, walau bantuak awak
didunia maya nagko, niscaya lamo-lamo bisa tabantuak sinergi ciek jo nan lain.
Kalau ribuan IKM alah dapek bakomunikasi dan dapek basinergi, alangkah bisa jadi
suatu kekuatan nan alahurabbi kemampuan dan daya energinyo.
Salah satu contoh
karugian indak dapek bakomunikasi, adolah: Kini masih tasimpan sumbangan untuak
banjir di Solok nan lalu di puro mak Bandaro. Dek indak ado jalur atau saluran
nan acceptable dek rang RN-ko, tapaso, tapaso mak Bandaro manyimpan sajo pitih
nantun. Seandainyo pitih nan walaupun saketek tu dilapeh kian, kan alah bara
kali edarnyo pitih nantun ....... dan bisa bapartisipasi dalam mambangun ekonomi
...... manuruik carito teori urang ekonomi.
Baa kok kini, iyo
awak ansua mambangun komunikasi antar IKM nan batebaran disakuliliang bumi
Allahko. InsyaAllah beliau akan membantu umatNya yang berusaha untuk lebih baik
dan berdaya guna nan labiah tinggi. Jikok lai bisa basiinsuk saketek-saketek,
nanti dianak cucu kok lai jadi kalapo. Kok jadi mumbang iyo kaba juo. Itu baru
bisa dikecekkan takdir.
Maaf, jadi malantun
ambo, bamimpi lo balaiak. Sakali lai mohon maaf jikok ado salah jo
kilaf.
Wassalamualaikum WW
Darul St.Parapatiah
Takabbalallahu minna waminkum
Minal aidzin walfaidzin
|
