Re: [RantauNet.Com] Tambahan Pantun Hari Ini

Wed, 10 Dec 2003 18:14:50 -0800

Bundo Yth
 
Iko nan takana di ambo
 
Payo kumbuah koto nan ampek
basimpang jalan ka limbanang
jalo lusuah ikan tak dapek
badan lah dingin dek baranang
 
Payokumbuah koto nan godang
basimpang jalan ka taeh
hati rusuah baok badendang
nan bak hujan ditimpo paneh
 
wassalam
 
Junaidi (37), kandang singo


zul amri <[EMAIL PROTECTED]> wrote:
Bundo Yth :
 
Sesuai jo permintaan Bundo , tantang pantun nan manganduang "Payokumbuah", iko nanda agiah duo  dulu , mumpung masih ingek , bisuak kalau takana nan  lain nanda posting lagi :
 
Payokumbuah padilah masak
Batang kapeh batimba jalan
Hati rusuah di baok galak
Nan bak paneh manganduang ujan 
 
Batang tabik namonyo sumua
Adonyo di Payokumbuah
Lah sanangko lamonyo umua
Alun pernah kawin batambuah
 
( eheee .  bagarah snek , jaan masuak ati lo bundo ya )
 
 
Nanda Zul amry di Jimbaran Bali 

Hayatun Nismah Rumzy <[EMAIL PROTECTED]> wrote:

Satinggi tinggi tabang bangau
Suruiknyo iyo kakubangan
Walaupun lamo dagang dirantau
Tacinto pulang kakampuang halaman
 
(Begitu kuatnya panggilan kampung halaman yang perlu kita bangun dan kita perbaiki)
 
Ramilah pasa Bukittinggi
Rami dek urang Palembayan
Batanyo kabau ka padati
Jauahlah lai parantian
 
(Rakyat jelata bertanya tanya masih lamakah baru kita dapat menikmati kemerdekaan ini?)
 
Payokumbuah baladang kunik
Dibao nak urang ka Kuantan
Tak namuah kuniang dek kunik
Tak namuah lamak dek santan
 
(Seorang pemimpin itu tak boleh terpengaruh oleh apapun kalau tidak dijalan yang benar)
 
Batang pua jo batang kincuang
Ambiak umbuiknyo ado paguno
Disapuah bana ameh lancuang
Kilek tambago nampak juo
 
(Orang yang berpura-pura pandai itu akan diketahui lambat laun yang aslinya)
 
Mohon kapado nanda nanda nan tahu pantun nan ado kata Payokumbuah didalamnyo
Tolong dikirimkan
Wassalam Bundo Nismah
 
 

Do you Yahoo!?
New Yahoo! Photos - easier uploading and sharing

Do you Yahoo!?
New Yahoo! Photos - easier uploading and sharing

Kirim email ke