Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Assala,ualaikum Wr.Wb: Sanak Hendrif benar , karena sesuai jo permintaan Bundo harus mangandung Payokumbuah , maka nyo ambo ganti Maninjau jo Payokumbuah , sedangkan hati nan risau diganti dengan rusuah , barangkali arati rusuah jo risau tu samo sajo . Oh ya kalau indak salah jalan ka Maninjau tu bakelok - kelok , sadangkan ka Payokumbuah luruih , kan ado juo pantunnyo tu dalam lagu ayam den lapeh . Luruihlah jalan Payokumbuah , Basimpang jalan ka Biaro , Kuruihlah badan dek taragak , eh lah malang pulo . Oh ya Biaro tu dima pulo tu sanak Zulhendrif ? Wassalam : zul amry di jimbaran bali ps : informasi anak ambo VCD lah nyampe via Bu Ingga , terima kasih banyak atas kebaikannya dan bantuannya . --- In [EMAIL PROTECTED], hendrif hendrif <[EMAIL PROTECTED]> wrote: > Assalamu'alaikum w.w. > > Sidang RN nan ambo muliakan > > satantangan patatah- patitih atau pantun, paralu kito paratikan kaidah-kaidah nan biaso dipakai den Niniak Mamak, Urang Tuo kito saisuak. > > adopun kaidah nan dipakai, adolah "alam takambang jadikan guru", mukasuikno adolah, dalam mambuek pantun, "sampiran" nan ado didalam pantun tu sarancakno sasuai jo nan ado dalam alam (ranah Minangkabau) > > Umpamono : > > Nan Kuriak Gundi > Nan Merah Sago > > baa dek baitu ? > > banyak nan kuriak, tapi indak sarupo kuriak Gundi karano kuriakno gundi iyo sajak dari putiak sampai gadang, baitu pulo Merah (sirah), tomaik iyo merah pulo kalau lah gak gadang, sabalunno iyo ijau, tapi Sago iyo merah sajak dari samulo. > Baitu pulo papatah : "Bulek aia dek pambuluah" , karano lubang pabuluah lai bulek, mangko Baliau Urang Tuo kito sasuak maambiak parumpamoan jo Pambuluah. > > contoh nan lain > > Rami balaino Padang Panjang > Rami dek anak Bangkahulu > .......... > ....... > > disiko tampak "sampiranno" indak sasuai jo Munkin & Patuk, karano baa janno "anak Bangkahulu" kamangajakan babalanjo jo manggaleh di Padang Panjang, sadangkan Bangkahulu sajo (cukuk) jauah dari Padang Panjang > > kalau iyo juo nak kamancari akhia kalimaik nan kasamo, bisa diganti jo nan rasono lai sasuai. > > kacontohno > > Rami balaino Padang Panjang > Rami nan sadang pukua satu > .... > ....... > > Limbak nan dari pado itu > > adopulo nan takana dihati ta kilan dimato, indak doh lai Pantun Mak Zul Amri, nan babunyi : > > Payokumbuah padilah masak > Batang kapeh batimba jalan > > disiko ambo batanyo (sabana - bana batanyo), nama nan tapek, apokoh Payokumuah atau Maninjau supayo nak sairiang jo Batang Kapeh nan ado di dakek Maninjau ? > > jadi bisa pulo manjadi > > > > Maninjau padilah masak > Batang kapeh batimba jalan > Hati risau di baok galak > Nan bak paneh manganduang ujan > > Sakitu dari ambo, ka calak ganti asah. > > Wassalamu'alaikum w.w. > > > > Sutan Bandaro Labiah > > NB : Untuak Mak Zul Amri, tolong and Yusril manamui Ibu Ingga B nan kini sadang di Patra Bali, karano nan kapatang tu lai dibaokno, sabantako ambo cubo manalipon and Yusril, tapi indak bisa karano sadang rapek > ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================