Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Dari Banuanet. ~ab~ ~~~~ > Date: Wed, 10 Dec 2003 13:04:14 +0700 > From: "Aam" <[EMAIL PROTECTED]> > Subject: Re: Taufik Kiemas Dt Basa Batuah dari Sabu Batipuah > > Komentar ambo, agakno indak banyak nan tau kini baso mantun adaik di Minang. > Alah jauah adaik tu ditinggakan, adaik cuma ado di literatur. Urang awak > nampakno alah tabiaso manjua nagarino untuak kepentingan pribadi. Nan anak > dipangku kamanakan di bimbiang, urang kampuang dipatenggangkan, jago nagari > jan binaso, iyo indak nampak lai kini ujuangno. > > Kepentingan pribadi atau kelompok elit, baiak di tingkek nasional, propinsi, > kabupeten/kota, sampai kacamatan jo nagari alah jauah labiah mangamuko dari > pado manjago nagari jan binaso. Kamanakan indak bisa sikola bukan lai > concern urang awak. Apotah lai ka mampatenggangkan urang kampuang. Toh urang > kampuang bisa dibali, urang kampuang tu nan paralu dimobilisasi untuak > kepentingan kelompok elit ko. > > Maagiah gala ka pembesar labiah paralu diadaik urang kini. Apo nan > diharokkan dari sinan alah samo awak tau. Sabab urang Minang tamusahua > sebagai masyarakat nan arif, nan tau dek alun takilek alah takalam, nan tau > baso takilek ikan di aia alah jaleh jantan jo batinono. > > Adaiak manjua nagari untuak kapentingan elit ko alah sajak tahun 80an > saisuak dimuloi. Maagiah gala Bundo Kanduang ka mandiang Ibu Tien, misalno, > alah dikarajokan urang awak dulu tu. Dasar pemberian gala bisa dicari, urang > awak lai sangaik cadiak untuak itu. Jadi kalau kini nak maagiah gala ka > Taufik Kiemas atau ka hantu bulau nama sen nan ka mauntuangkan para elit tu > sah-sah sajo nampakno. > > Tantu para pemangku adat sarato ahli adat mahfum sangaik hal ko alah tajadi, > tapi apo nan alah dikarajokanno untuak mencegah supayo jua manjua nagari ko > indak bakambang sampai saparah kini? sampai indak jaleh lai jatidiri urang > Minang. Nan ado iyo ano abi sato manjua nagarino. > > Adaik nan indak lapuak dek hujan indak lakang dek paneh tu nampakno batua > cuma dikulikno sen. Isino iyo indak lapuak atau lakang lai, tapi alah punah. > Adaik kini cuma berupa menterengnya perhelatan perkawinan, atau penghias > rak-rak perpustakaan, dan musium. Isino iyo indak nampak dek ambo baso lai > masih eksis di Ranah Minang. > > Mohon maaf kalau komentar ambo kurang berkenan di hati dunsanak kasadono, > talabiah Uda Mochtar Naim. Mohon diluruhkan kok ado nan salah, buliah jaleh > dek ambo duduak adaik nan sabanano. > > Salam, > Aam > ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================