Dunsanak ysh, Sebenarnya saya masih dalam kesibukan, namun sedikit meneruskan diskusi terdahulu. Wassalam, -datuk endang
datuk_endang <[EMAIL PROTECTED]> wrote: To: [EMAIL PROTECTED] From: "datuk_endang" <[EMAIL PROTECTED]> Date: Sat, 18 Feb 2006 16:27:42 -0000 Subject: [Gebu_Minang] Re: Tanggapan ranji, .. >> Manolah mamanda Soetan Madjolelo sarato dunsanak ysh, Nak sapantun gayuang basambuik kato bajawek, maliek contoh dari nan daulu, mancari tuah dari nan manang, baiklah kito nak samo mampalaweh pembicaraan. 1. a. Raso ka punah. Sabonanyo niniak muyang kito sajak zaman saisuak alah mempunyai bantuak kaarifan tersendiri tarutamo dalam sistem kemasyarakatan nan diwarihkan hinggo kini. Karononyo dikenal kepemilikan kaum atau ulayat, nan mukasuiknyo, mengikat tali persaudaraan di dalam kaum untuak iyo sahino samalu, sahilie samudiak, dst nan lambangnyo adolah penggunaan dan pemanfaatan ulayat itu. Raso badunsanak itu terbukti sangaik kuek, nan menyebabkan raso ka mati bilo bacarai. Untuak melanggengkan raso badunsanak, andaknyo ado nan manaruihkan tibo di anak-kamanakan. Kalau tibo di ayah mamanda, memang lai taraso kesedihan bilo ikatan kekeluargaan itu alah putuih. Sakali lai, ulayat hanyolah lambang, karono indak bamiliki sucaro pribadi. Tapi adat alah mengatur pulo raso babako-baki, sumando-sumandan, ipar-bisan, dlsb, nan aratinyo bana, ikatan itu dapek dijalin dalam bantuaknyo nan lain. Baitu pulo raso basuku di dalam nagari, nan mambuek raso badunsanak saisi nagari. Baatoh dulu, dianjurkan untuak kawin-mawin di dalam ikatan nan dakek, katokan pulang ka mamak, hinggo mamaga karambie condong. Sabona e raso badunsanak itu alah saedaran kaum, kalaupun sampai saedaran nagari. Kalaulah bapegang jo tuah nan lamo, raso nan daulu itu akan sampai juo di anak keturunan. Jadi ado nan parolu diparelok dalam raso ka punah, sakurangnyo satantang raso badunsanak. Kok buliah ambo bacurito tantang Buya ambo di Medan. Sajak dahulu hinggo kini beliau bukan hanyo sanang bagaua, tapi juo menganggap anak dari sado nan tingga di rumah. Kebetulan daulu di rumah sering tingga anak-anak sekolah, apokoh kamanakan ilu, anak kakak, urang rumah, hinggo anak urang Jawa, Kubu, Batak, hinggo Malaysia. Hinggo kini hubungan beliau jo anak-anak itu masih terjalin, dan bagi ambo, raso kapanuah dado raso badunsanak. Hinggo kini di hari tua beliau, sado anak tetangga nan masih balita masih tasibek oleh beliau, dan ocok dibaok makan dan bercengkrama. Kadang raso cemburu tibo di ambo, kok beliau lah gaek masih baranak ketek. Kalaulah tibo di Jakarta basobok jo anak-cucu, masih ocok takana jo anak-anak nan tingga di Medan. Jadi bagi ilu dunsanak nan dicari bukan hanyo nan batali darah. Jauah janguak manjanguak, dakek jalang manjalang. b. Anak dalam ikatan adat. Buya ocok menggali ikatan seseorang. Dulu Buya basuo jo seorang sarjana, nan ruponyo apak dari amaknyo bergaris keturunan Sulit Air nan lah lamo merantau ke Deli. Buya baniat untuak menjodohkan inyo jo salah saurang kamanakan beliau. Kutiko dibaok pulang ka kampuang diperkenalkan sosok jurami, lalu diadokan acaro mengangkat kamanakan di kaum ambo, tabangnyo mancangkam hinggoknyo basitumpu, manjadi uda dek ambo. Namun contoh sarupo iko dapek menjadi suatu caro kalaulah taraso ka punah keturunan, kalaulah contoh kok dapek dituka menjadi kaum padusi. Baitu kiro-kiro pemahaman ambo tantang usang-usang diperbaharui, lapuak-lapuak dikajani. --- dikuduang disiko --- --------------------------------- Food fight? Enjoy some healthy debate in the Yahoo! Answers Food & Drink Q&A. --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
