Wassalamu'alaikum,wr,wb. Rangkayo Srikandi Minang nan baduo nan sadang mauji ke lihaiannyo masiang2 dalam basilek keybord (baa mangko ambo sabuik "Silek Keybord"???, kalau kito badiskusi dan berdebat, biaso disabuik "Silek Lidah", kalau di internet ambo istilahkan Silek Keybord dek karano jari2 kito nan manari-nari diateh keybord untuak mambuek suatu gayuang nan disambuik-kato nan dijawek).
Jadi setelah duo atau tigo putaran diskusi kalian baduo nan disiarkan langsuang di RN ko setelah jedah sahari di hari Kartini Sabtu 21 April kalamari, mako ambo caliak Silek Keybord nyo hari ko samangking tinggi tingkek resikonyo. Ambo takuik kalian akan saliang malukoi (antah kok ambo salah penafsiran), kok luko ditangan bisa dicari ubeknyo, tapi kok luko di hati dima lah ubek kadicari. Jadi ambo usul, rancak diskusi ko di turunkan spaning nyo, jan sampai ado nan akan maanggok atau saliang bangih. Rugi kami kalau salah seorang atau kaduonyo mundur di RN ko. Pado momentum Hari Kartini ko marilah kito ambiak hikmah dari diskusi kalian tu nan intinyo ingin agar Minangkabau tetap jaya dan eksis dengan adat istiadatnyo. Kok buruak urang nan kito etong, indak akan salasai2 nyo, bahkan kalau ayie di lauiek dijadikan tinta untuak manulihnyo mungkin indak akan cukuik, baitu pulo kalau kito bicaro ka elok'an urang Minang, mungkin batang kayu nan ado dirimbo indak cukuik untuak dijadikan potlot atau pulpen untuak manulihnyo. Jadi dari pado arang habih basi binaso, ancak diskusi terbuka ko dihantikan, kalau namuah cukuik kalian baduo sajo manyalasaikannyo. Hanifah ...... masih ado dak ikan selengek dan tempoyak didapur ????? ha .... ha ..... ha ...... Salam untuak Uda dan seluruh keluarganyo. Jalan2lah ka Pendakian dan Padang Harapan, ado adiak2 ambo disinan, seperti Yasmiati, Warliati dan mungkin Ifah kenal dengan adiak ambo nan banamo Miswanti nan dosen di UMB basamo suaminyo Nazar, sarato Uni ambo Yulwanis nan suaminyo ughang piaman Ajo Zairi. Disampiang itu ado duo adiak laki2 ambo nan gadang di kota katupek bangkahulu itu. Selamat berkenalan. Untuak Ima, salam untuak Uda Rahim nan mungkin masih di Cayro dan anak2 nan alah di Tanah Agam yo .... Wassalam, HM Dt.MB (50+) > Ass Wr Wb sanak Rahima > > Mungkin diam-diam banyak yang mengikuti diskusi kita ini nih. > Mumpung libur,hanifah tanggapi langsung. > > Begitu tau ibunya sanak menikah dengan orang Dayak hanifah sudah > membayangkan . pasti terjadi sesuatu dengan ibu sanak apa kawin > lari sehingga terbuang dari kampuang, sehingga tak lagi memiliki > warisan. > Kenapa hanifah menebak begitu. > Di jamannya ibu sanak sampai th 70 an, jodoh anak perempuan dicarikan > oleh keluarga. Malu bagi suatu keluarga kalau anak perempuan menikah > dengan orang di luar salingka Nagari (satu kecamatan), apalagi menikah > dengan orang diluar Propinsi. Komentar orang KAMA ANAK BABAKO. > > Walaupun tidak diceritakan apa yang terjadi pada keluarga sanak, hanifah > sudah bisa membaca yang tersirat dari yang tersurat dari cerita email > yang kemaren, bahwa sanak tidak punya tali silaturahim dengan dunsanak > di Kamang Hilir. Analisanya begini: > > Sanak orang Kamang hilir, tapi menikah di Bukittinggi di rumah kakak, > dan tidak pula dilaksanakan acara adat. Toh jarak BKT dengan Padang > Panjang tidak begitu jauh? Disini kelihatan sanak tidak akrab dengan > dunsanak sasuku di kampung. Kelihatan sepertinya keluarga sanak terbuang > dari kampung. Kemungkinan disebabkan karena ibu sanak menikah dengan > orang luar propinsi tadi. ===========================> dikuduang disiko ..... --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
