Dalam carito Rancak Dilabuah Siti Juhari mambari nasehat kapado Siti Budiman:
Kok anak nak kapakan mamintak izin bakek inyo, kok upiak naiak bendi nan usah
sabendi jo urang lain nan bukan dunsanaknyo. Jiko sabendi jo urang lain
basingguang kain samo kain itu pantangan urang tuo, mato palingan setan, ati
palingan Allah, abih gili dek galitik, hilang malu dek biaso. Kok padusi indak
pamalu, jadi cacek saumua hiduik, bak pintu indak bapasak, mudah rang maliang
mamasuki, bak parahu indak bakamudi, biaso sasek dalam balayia.
Oh upiak sibiran tulang, pagang bana pituah mandeh, buhua dalam kabek
pinggang, buruak urang dek lakunyo, roman nan indak dapek diubah tapi laku jo
parangai lai dapek.
Jadi kalau manjadi padusi Minang ko iyo bana banyak pantangnyo. Kok bajalan
baduo baboncengan jo urang lain salain muhrim jadi dipakecekkan urang banyak.
Hal-hal iko mungkin indak taraso dek rang Minang nan gadang dilua Minang makan
baduo jo laki2 nan indak muhrim, naiak mobil baduo jo laki-laki lain dan
banyak lai pantangannyo.
Untuak nanda-nanda nan lai terpelajar nio manjago dan melestarikan adaik
Minang yang hampia abih dek karano polusi mako buku Rancak Dilabuah baiak
laki-laki atau padusi banyak nasihat didalamnyo.
Wassalam bil maaf
Bundo Nismah
---------------------------------
Ahhh...imagining that irresistible "new car" smell?
Check outnew cars at Yahoo! Autos.
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
