Mokasih banyak Mak Lembang Alam, jadi dari info ko lah bisa diluruskan bahaso Sech Ahmad Chatib Al Minangkabawi adolah suku koto, Koto Tuo Balai Gurah, IV Angfkek canduang dan Ayahanda dari Sech Ahmad Chatib banamo Abdul Latif Khatib adolah Urang Koto Gadang, IV Koto. Sekali lai terimakasih ateh pelurusan infoko mudah-mudahan lah tarang bak siang wassalam, Elthaf
________________________________ From: [email protected] [mailto:[EMAIL PROTECTED] On Behalf Of Muhammad Dafiq Saib Sent: Monday, May 28, 2007 8:42 AM To: [email protected] Subject: [EMAIL PROTECTED] Re: Keturunan Sech Ahmad Chatib Al Minangkabawi Wa'alaikumsalam wa rahmatullahi wa barakaatuhu Dunsanak Elthaf, Ambo jawab sado nan paralu dan ambo peloki nan kurang batua. Tantang nan panah jadi Tun Yang Terutama (TYT) Pulau Pinang itu namo baliau Tun Hamdhan Syekh Thahir (alah almarhum kini). Baliau ko putera dari Syekh Thahir Jalaluddin. Ibu dari Syekh Thahir Jalaluddin ko banamo Gandun Urai, basuamikan Muhammad Syekh. Gandun Urai ko kakak dari Limbak Urai nan adolah ibu dari Syekh Ahmad Khatib. Suami dari Limbak Urai ko, atau ayah dari Syekh Ahmad Khatib ko adolah Abdul Latif Khatib urang Koto Gadang. Syekh Ahmad Khatib ko badunsanak barampek. Adiak baliau padusi banamo Aisyah. Sudah tu adiak baliau laki-laki banamo Mahmud. Sudah itu duo adiak padusi masing-masing Hafsah dan Safiah. Katiko baliau panah pulang ka kampuang tahun sakitar 1912 adiak-adiak baliau nan padusi ko baliau bao ka Makkah. Tahun 1916, sasudah baliau maningga dunia, surang dari adiak baliau nan padusi tu, Aisyah jo anak-anak baliau Maryam dan Khadijah sarato cucu-cucu (Amir anak dari Maryam; dan Nurjanah sarato Zubaidah anak dari Khadijah) pulang baliak ka Koto Tuo Balai Gurah Ampek Angkek. Nan Maryam ko sasudah Amir punyo anak-anak nan lain dan nan paliang ketek adolah Zakiah. Zakiah ko ibu ambo. Tantangan Djamin Datuk Bagindo, pangulu adat kami, baliau panah jadi Gubernur Jambi sampai tahun 1961 (Gubernur Jambi nan partamu sasudah Jambi manjadi propinsi surang kalua dari Sumatra Tengah. Jadi bukanlah baliau tu gubernur Sumatera Tengah. Djamin Datuak Bagindo ko maningga tahun 1994. Baliau maminta ambo manggantian baliau jadi pangulu, kaum pasukuan satuju pulo sasudah di mufakati sacaro demokrasi, tapi Allah indak (alun?) barkenan manjadian ambo Datuak. Tantangan Tun Hamdan Syekh Thahir panah datang ka kampuang awak Koto Tuo di agiah gala pusako dek inyiak mamak kami sabagai Datuak Bagindo Sati. Iko sakadar contoh bahaso ado gala nan sabagai simbol diagiahan ka anak pisang nan indak asli Minang. Ibu Tun Hamdan ko urang Aceh. Sakadar untuak pangatahuan sajo. Wassalamu'alaikum "Elthaf (elthaf)" <[EMAIL PROTECTED]> wrote: Assalaamualaikum wr.wb., Wakatu ketek-ketek dulu di Biaro ambo acok disejarahi dek inyiak ambo bahaso ado seorang Sech di Makkah urang awak, yaitu Seckh Ahmad Chatib ko, dan memang keturunan baliau tu adolah Mak Dafiq Saib St. Lembang Alam. Alhamdulillah salah surang dari keturunan keluarga besar Mak Dafiq ko adolah rajo Pulau Penang, baliau Rajo tu datang ke Koto di Koto Tuo Balaigurah IV Angkek Canduang lah pernah datang sacaro resmi dulu ka Koto Tuo Balaigurah ko. mungkin Mak lembang alam bisa meluruskan kalau info ambo salah atau bisa seketek mancaritokan kunjungan gubernur Peneng ko ka Koto Tuo. Mak Dafiq ko juo adolah kamanakan kontan dari Alm. Pak Djamin Dt. Bagindo, mantan Gubernur Sumatera Tengah dan mantan Gubernur pertama Propinsi jambi. Mudah-mudahan prestasi urang tuo-tuo awak ko sebagai pelecut bagi awak untuak maju. Terimakasih, wassalam, Elthaf S. S. Bagindo St. Lembang Alam http://lembangalam.multiply.com http://360.yahoo.com/stlembang_alam ________________________________ Choose the right car based on your needs. Check out Yahoo! Autos new Car Finder tool. <http://us.rd.yahoo.com/evt=48518/*http://autos.yahoo.com/carfinder/;_yl c=X3oDMTE3NWsyMDd2BF9TAzk3MTA3MDc2BHNlYwNtYWlsdGFncwRzbGsDY2FyLWZpbmRlcg --> --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---
