Sanak kasadonyo, Hari Sabtu 9 Juni lalu ... akhirnyo silaturahmi 'copy darat' warga RantauNet bisa terlaksana kembali, setelah lamo rasonyo indak dapek kito laksanakan. Silaturahmi di adokan di rumah Bundo Hayatun Nismah, di Jl Niaga Hijau, Pondok Indah. Di hadiri oleh Bundo Hayatun Nismah dan Ayah Rumzy, Mamak Darul Makmur, Mamak Bandaro Labiah, Mamak Zubir Amin, Ibu Isna Huriati, Pak Saafroedin Bahar, Uda Riri Chaidir, Z Chaniago, Benni Inayatullah & istri, Ronald Prima Putra, Maifil Eka Putra, M Habdi, Yenni Kampai dan ambo sendiri.
Pembicaraan nan berkembang dalam silaturahmi dan copy darat itu adolah tentang kembali dirasokan paralunyo di buek RantauNet sebagai Badan Hukum. Untuak masalah pembentukan badan hukum ko, Bundo Nismah akan langsuang menjadi koordinator dengan Mamak Zulhendrif Sutan Bandaro Labiah langsuang sebagai pendamping untuk masalah legal formalnyo. Untuak pembentukan badan hukum ko nan paliang taraso kurang adolah sia personal nan namuah ikuik basamo-samo untuak karajo non-profit ko. Manyambuang keinginan kito basamo agar diskusi-diskusi nan ado di Palanta RantauNet dapek dikompilasi, didokumentasikan dan dibukukan ... adinda Maifil Eka Putra, si anak hilang di Palanta RantauNet, akan manjadi koordinator untuak pelaksanaan masalah iko. Karajo iko pun indak mungkin dilakukan oleh Maifil surang ... jadi masih diperlukan juo personal lain untuak mampasamokan karajo ko. Jadi dengan badan hukum, karajo kompilasi, dokumentasikan dan dibukukan nyo diskusi Palanta RantauNet kito harokkan dapek labiah mambuek berarti Palanta RantauNet awak ko. Nan menarik dari silaturahmi 'copy darat' kemaren adolah diskusi-diskusi nan alah kito ota kan di Palanta bisa dibahas dan di klarifikasi secara tatap muka ... dan yang ambo rasakan malah berkembang kearah yang sangat positif. Dan ambo pribadi sapandapek dari suaro-suaro nan berkembang... bahwa silaturahmi 'copy darat' harusnyo acok-acok dilakukan ... :-) Ba a pandapek sanak-sanak Palanta? Detail pembicaraan dan diskusi dari silaturahmi 'copy darat' warga RantauNet ... alah ado nan di posting oleh Pak Saaf dan mungkin juo tambahan lain bisuak oleh sanak nan hadir. Akhirnyo kito ucapkan tarimo kasih ka Bundo nan alah manyadiokan tampek dan pado keseluruhan sanak nan datang Sabtu lalu. MIKO Administrator RantauNet --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. -~----------~----~----~----~------~----~------~--~---
