Wassalamualaikum w.w. Sanak St Lembang Alam, Tarimo kasih ateh penjelasan Sanak. Jo 'malakok' itu aratinyo ambo punyo duo 'kewarganegaraan', Padang Panjang dan Pariaman. Kudian-kudian ko ambo memang mandanga tantang konsep 'malakok' ko, tapi katiko ketek indak paranah tahu soal tu, apalagi Ayah ambo kan manganggap diri baliau punah. Artinyo gadang kamungkinan baliau juo indak tahu. Kalau baliau tahu tantu indak baitu gadang bana tekanan bathin nan baliau darito sampai akhir hayat baliau.
Ambo raso pasti Anduang ambo Siti Fathimah indak tahu soal malakok ko, karano baliau kan datang ka Padang Panjang sabagai samacam 'TKW' caro kini. Inyiak ambo Saora rasonyo juo indak paranah manawarkan untuak malakok ko. Gadang kamungkinan baliau juo indak tahu. Adapun tantang datuak-datuak suku Koto dari pihak Ayah ambo, nan takana di ambo hanyo sibuk jo manjuai harato pusako sajo. Kini rumah Inyiak ambo Saora di Silaiang Padang Panjang tu alah dijua dek datuak nan kini ka Pemerintah Kota Padang Panjang. [Tantu baliau dapek juo rasaki saketek]. Sadiah rasonyo. Nan dapek ambo pabuek adolah mambuek surek ka Pemerintah Kota Padang Panjang jo DPRD Padang Panjang supayo SD nan ka dibangun di ateh eks tanah parumahan Inyiak ambo tu diagiah namo "SD Saora", supayo ado juo kenangan ka baliau. Barek juo rasonyo tibo-tibo ambo nan salamoko maraso urang Padang Panjang tibo-tibo sadar bahaso maanuruik adat Minang ambo bukan baitu. Ambo maraso saroman urang Cino Indonesia, nan manyangko inyo urang Indonesia tapi dipalakukan sabagai urang Cino juo ! Salamo ko sabagai jalan kalua, ambo jo saluruah anak-anak ambo marumuskan diri sabagai urang Indonesia sajo, talipuik sadonyo. Apolagi karir ambo kan labiah banyak di lua Minang. Pangalaman ketek ambo ko barangkali bisa manjadi alasan tambahan untuak manulihkan hukum adat Minangkabau tu sacaro langkok, supayo sadonyo kito urang Minang nan alah bakambang biak di seluruh dunia ko ado kasamoan pangaratian. Indak samonyo pangaratian bisa punyo akibat nan jauah, paling indak timbua salah mangarati, dan bukan mustahil timbua silang sangketo. Sairiang jo itu, sasuai jo sifat dan isinyo, baiak supayo kito jan salah mamakaikan maupun untuak manampuang kaparaluan manyasuaikan hukum ABS SBK kito jo kabutuhan zaman,adat dan hukum adat tasabuik paralu dikalompokkan dalam ampek kalompok, yaitu adat nan sabana adat, adat dan teradat, adat nan diadatkan, sarato. adat istiadat Nan indak buliah diubah kan hanyo adat nan sabana adat. Lainnyo buliah diubah jo bakarilahan ['abih adat jo bakarilaan'\. Sabalun ko ambo alah mancubo mambuek matriks analisis ampek macam adat ko, nan kalau paralu bisa ambo kirimkan baliak. Sasuai jo kasapakatan samantaro di rumah Bundo Hayatun, ambo harokkan Sanak St Lembang Alam basadio sato untuk manulihkan draft hukum adat Minangkabau nan badasar ABS SBK tu basamo jo Sanak Bandaro Labiah. Iko akan jadi amal jariah sanak baduo ka kampuang halaman kito. Kok paralu kito buek bana panitianyo, misalnyo diminta kasadioan pak Amir MS Dt Mangguang nan Sati dan lain-lain untuak sato bagabuang. Ambo raso dalam tempo paliang lamo duo tahun kito alah punyo draf Kompilasi Hukum Adat Basandi Syarak, Syarak Basandi Kitabullah (ABS SBK) dan alah lamo kito nanatikan. Manuruik pandapek ambo, nan berhak mangesahkannyo adolah saluruah urang Minang, baiak di Ranah maupun di Rantau, mungkin malalui samacam Kongres Akbar Minangkabau. Sampai disiko dulu Sanak. Sakali lai tarimo kasih. Wassalam, Saafroedin Bahar --- Muhammad Dafiq Saib <[EMAIL PROTECTED]> wrote: > Assalaamu'alaikum wa rahmatullahi wa barakaatuhu > > Manolah pak Saaf nan ambo horomat-i > > Takana di ambo katiko awak mambahas (walaupun ambo > indak panah sato mangomentari) carito tantangan > malakok babarapo wakatu nan lapeh. Malakok atau nan > kecek patatah patitiah adaik urang nan tabang > mancangkam, hinggok manumpu, urang nan pindah dari > komunitas nan lamo di dalam pasakitaran Minangkabau > juo ka lingkuangan nan baru. Pado dasarno, sabagian > gadang urang Minangkabau panah mangalami 'malakok' > ko katiko baru-baru bana pindah dari lingkuangan nan > baru. Manuruik ranji, inyiak muyang ambo pindah dari > Parahiangan Padang Panjang ka kampuang kami di Ampek > Angkek Canduang tahun 1780an. Dan sajak itu, tantu > inyiak-inyiak kami, sampai kasudahanno generasi ambo > indak maraso sabagai urang Parahiangan Padang > panjang lai do. > > Sarupo itu pulo nampak di ambo kabaradoan pak > Saaf, nan enek atau anduang baliau nan bapindah > domisili dari Pariaman ka Padang Panjang. Mako pak > Saaf sangaik sah manjadi urang Padang panjang > muskipun buliah juo maraso tatap katurunan urang > Pariaman (Piaman laweh). > > Sakadar sato sajo. > > Wassalamu'alaikum > > Lembang Alam > > "Dr.Saafroedin BAHAR" <[EMAIL PROTECTED]> wrote: > > Waalaikumsalam w.w. Ananda Dt Marah Bangso, > > Sabana capek Ananda mananggapi posting ambo. > Anandalah > nan paratamo. Ambo harapkan para dunsanak kito sa > palanta nan lain sugiro pulo manyampaikan pandapek. > > (dikarek) > > 3. Ado ciek lai, Ananda, walau Ibu ambo dan ambo > lahia dan manjadi dewasa di Padang Panjang, dan > sampai > kudian-kudian ko ambo maraso urang Padang Panjang, > tapi ruponyo manuruik adat Minang ambo bukan urang > Padang Panjang, tapi urang Pariaman. Baiaklah. Kini > ambo mulai maubah identitas diri, dari urang Padang > Panjang manjadi urang Pariaman, walau ambo indak > paranah tingga di kampuang Anduang ambo tu, kacuali > pulang tiok bulan puaso sajo. Baitulah, ambo kini > bagabuang jo milis 'Piaman Laweh' nan diprakarsai > Adinda Ajoduta. Kalau ambo indak salah, caro > 'baladiang tajam' nan dipakai Sanak Bandaro Labiah > indak aneh lai di kalangan urang Pariaman. Jadi ambo > kini baraja jadi urang Pasisia sasuai jo kampuang > asa > Anduang ambo dan indak lai jadi urang Darek. Ado juo > rancaknyo, karano caro Pasisia ko sasuai jo caro > bapikia dalam karir ambo saisuak dan dalam dunia > akademik nan ambo tekuni kini. Alhamdulillah. Tarimo > kasih untuak Sanak Bandaro Labiah, nan alah > manunjuakkan ka ambo bahaso ado caro lain, nan > labiah > lugas, dalam mambahas adat Minang, nan dalam > pandangan > ambo banyak bana masalahnyo. > > (dikarek) > > > St. Lembang Alam > http://lembangalam.multiply.com > http://360.yahoo.com/stlembang_alam > > > > --------------------------------- > Shape Yahoo! in your own image. Join our Network > Research Panel today! > > > ____________________________________________________________________________________ Finding fabulous fares is fun. Let Yahoo! FareChase search your favorite travel sites to find flight and hotel bargains. http://farechase.yahoo.com/promo-generic-14795097 --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. -~----------~----~----~----~------~----~------~--~---
