pak Saf adinda Duta Mardin dan para dunsanak Dari kemelut ko baranngkali ado yang alah kito sepakati Bahwa iko masalah nan ado diranah Yang galinnggaman adolah kito nan dirantau. Sesuatu HARUS dilakukan agar ado perubahan
Ambo kembali ka adat budaya Minangkabau adonyo NAGARI adonyo niat baik KEMBALI ka NAGARI Baa pun ado beberapo perbedaan pendapat mengenai konsep NAGARI menurut literatur NAGARI adalah Republik kecil dalam kontilasi etnis Minangkabau Diserahkan seluruhnya ke NAGARI adalah TIDAK MUNGKIN karano yang tingga di NAGARI adalah umumnyo urang tuo tuo Rang mudonyo alah pada marantau Kebanggaan pada NAGARI masih ada Dalam hal inilah pentingnya POTENSI RANTAU terutama kaula mudanya nan masih PEDULI ranah Minang untuk miulai dengan pembenahan Nagari Iko memeng karajo panjang Tapi indak buliah angek angek cirik ayam Benang merahnya manuruik ambo mulai dengan Nagari Rantau ndan Nagari dan anak Nagari masing masing Rasa badunsanak sanagari rasonyo masih erat Apolagi lingkupnya mecil Memperbaiki mulai dengan yang ketek relatif lebih mudah walaupun memakan waktu Tapi dapek dilakukan serentak Disiko pulolah manuruik ambo pentingnyo tokoh tokoh nan gesit memperjuangkan masalahko seperti pak Saf add Duta Nardin Nofrin dll yang manuruik ambo salamoko "NEKAD atau GILO GILO BASO " dalam memoejuangkan menjaring sinergi di Rantau dan di Ranah Ambo sendiri tau diri alah ampie 80 Itulah kiro kiro pemikiran ambo Chaidir N Latief ----- Original Message ---- From: dutamardin umar <[EMAIL PROTECTED]> To: [email protected] Sent: Monday, July 23, 2007 12:06:41 AM Subject: [EMAIL PROTECTED] Dunia Pareman Assalaamu'alaikum sanak ambo., Pernah danga "Ini Medan Bung!" Sia nan tak kenal jo Medan sebagai kota preman. Sebagai urang nan gadang didaerah preman tuh, ambo iyo tahu bana dunia preman tu. Preman tu sabananyo adolah lapangan karajo. Dek indak ado lapangan karajo lain. Sudah tu ado pulo urang nan mamaliharonyo, nan mandapek storan dari preman tu. Tantu nan labiah bagak dari preman tu nan kabanyakan pulo urang babadia. Baa urang babadia tu mamaliharo preman? Karano urang babadia tu gajino mamacik badia ketek. Iyolah bauntai-untai jadinyo persoalan. Tantu dunia pareman di ranah iyo indak babeda. Ado nan paralu makan tapi indak punyo karajo dek memang karajo itu bana nan tak ado. Kemudian ado urang bagak nan manawarkan karajo jadi pareman tu. Lumayan dari pado suok kakida alias paruik indak makan. Soal nama baik kampuang, soal wisata, soal adaik, soal ramahtamah, iyo lupokan dulu: "emang gue pikirin" katonyo. Kalau paruik den litak sia nan mamakiakan? Jadi aka persoalan bukan jambatan aka, tetapi dek kamanakan awak tu alah ilang aka, dek pamimpin nan dipiliah indak manggunokan aka, baa manciptakan lapangan karajo supaya aka paguno. Tanyo bana ka pareman tuh. Iyo sanang bana jadi preman tuh? Cuma memang antah baa awak maaaja kamanakan awak. Urang awak banyak mamiliah karajo. Tahun lalu dipagi hari langang bajalan-jalan ambo di kota Piaman. Ambo liek ado beberapa petugas kebersihan sadang manyapu kota Tabuik tu. Batanyo ambo ka si ajo manjua katapek gulai paku nan sadang ambo lahok. "Sia mereka tu, ko rajin pagihari alah batugeh?" "Itu si-mas dari Jawa paK", kato ukang katupek. "Urang awak ma namuah jadi tukang sapu", lanjuik si ajo tu manjalehan. Pailah apak ka kadai kopi tu (sambia manunjuak), banyak pareman awak cuma manganggur, minum kopi bautang taruih". Iyo pailah ambo ka kadai kopi tu. Pasan teh talua. Mandakeklah surang "kamanakan" batanyo ramah: "Apak nan dari Amerika tu". "Kok tahu?": tanyo ambo. "Ambo caliek di tv waktu diinterview di acara Tabuik kapatang" ulehnyo. Sudah tuh, iyo basalamanlah urang salapau ka ambo. Ujuangnyo iyolah kanai "pangua" ambo mambayia urang salapau. Nan indak lucu tabayia duo kali. Nan partamo ambo agiah pitih cepek ka surang "kamanakan baru", untuk minta tolong mambayia ka urang lapau.. Ruponyo dibao tabangnyo se pitih tu. Tapaso kalua cepek lai. Uang kembalian dibao anok se jo si ajo lapau. Ambo indak menyesal mentraktir tu dan indak menyesal pulo kanai pulo cepek. Nan ambo sediah kok alah baitu bana kampuang ambo tu. Labiah suko jadi preman, adu pulo mauruih parpol nan jaleh indak bagaji, berbicara politik tinggi. Sementaro parak jo sawah banyak tingga indak diuruih. Iyolah dunia kini dunia instan. Ingin hasil tapi indak namuah mananam. Masih banyak karajo awak sanak, masih barek urusan kampuang awak. Apokah kabasipakak se awak dirantauko. Co basipakakno pamimpin awak diranah. Nan pasti agamo awak maajakan: "Ku anfusakum, waahlikum naara". Mari kito mulai dari diri dan keluarga awak untuk manjauh dari karajo nan mambuek masuak narako. Wasalam ajoduta/60/USA nan sadang rusuah ____________________________________________________________________________________ Fussy? Opinionated? Impossible to please? Perfect. Join Yahoo!'s user panel and lay it on us. http://surveylink.yahoo.com/gmrs/yahoo_panel_invite.asp?a=7 --~--~---------~--~----~------------~-------~--~----~ =============================================================== Sukseskan Pulang Basamo se Dunia, bulan Juni 2008. ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Website: http://www.rantaunet.org =============================================================== UNTUK SELALU DIPERHATIKAN: - Harap memperhatikan urgensi posting email, yang besar dari >300KB. - Hapus footer dan bagian yang tidak perlu, jika melakukan reply. - Email attachment, tidak dianjurkan! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount?hl=id&cd=US&service=groups2. ========================================================== -~----------~----~----~----~------~----~------~--~---
