.Assalamu alaikum Warahmatullahi Wabarakatu.
Salamaek manyambuik Ramadhan
al Mubarak,moga2 membawa rahmat dan bahagia Amiin.
Mambaco tulisan Ajoduta takanalo diambo nak bacarito baa mangko ambo terlibat
manjadi anggota RN ko dan seterusnyo lakek.
Mulo2 ambo indak panah taudoh adonyo RNko,kato urang,dari kaca kakaca mulonyo
ambo masuak Minang Kabau nak tau carito2 nagari diantaro nan ambo kaca iyolah
Singgalang,Bakuliliang dan Maninjau,kok dikana2 kini ndak takana laidoh dima
takacanyo RNko,almaklumlah baburu ka padang data (baguru kapalang aja) inggirih
kato kawan pangicuah,baa kaindak,lain nan ditulihnyo lain pulo bacoannyo lah
kailia kamudiak mandaftar indak lapeh2 tapi bak kato urang kalau hatilah kanai
dalam baro dirabuiki juo,pokoknyo sampai bapaluah katiak mauli uli keyboard
akhianyo manjadi juo tapuang kapinyaram,berhasil jadi anggota dapek mancigok
curito2 sanak dari pelbagai penjuru dunia,Alhamdulillah mulo2 ambo manulih nan
bajudul BAGARAH SAI mandapek sambutan dari anggota2 tamasuak anggota nan samo2
di KL yaitu Ajo Arshad, mambaco tulisan Ajo Arshad nan manggunokan bahaso
Malaysia taulah ambo Ajo Arshad ado di Malaysia,ambopun mintak no hp
baliau,apabilo batamu,onde mak oi,kami lah biaso sapo bajapo
dek samo makan dilapau rang awak,tapi indak pulo berkenalan,mako RNlah
nanmampaarek Sillaturrahim kami hinggo kini,rentetan dari itu ambo jo Ajo
Arshad te3lah dikunjungi oleh anggota dari Parabek nan diketuai oleh Pak Ustaz
Hj Arbi kami bapaluak2 samaso basobok takah urang arab cuma indak baiduidu.
Salapehtu kami di kunjungi pulo oleh Angku Datuak Marah Banso (Mulyadi Pusri)
kali nan kaduo baliau datang,Ajo Arshad nan batuah,karano Angku Datuak
Sekeluarga sampaek singgah kadangau Ajo,nan ambo tumpang sakaki sajo,kato
urang,tumpang tuah.
Dek karano arilah malam,rumah Ambo jauah pulo,mako baranjualah kami mancari
tampek panginapan nan ukatutu agak sarik kadapek dek karano ukatutu bulan
pelancongan di KL,hotel2 dipanuahi urang Arab nan datang baduyun2,antah apo nan
dicarinyo,indaklah pulo ambo sampaek batanyo.
Bilolah lai agaknyo kami kadikunjuangi anggota?,Ambo jo Ajo Arshad tatap
setia manunggu.
Dulu ambo rajin juo manulih,kini dek hiduik bak kanai sunami,sabanta badoro
ka Klang sabanta barayun pulo ka Kajang,talian asik batuka2 komputer bapindah2
kini talian jo komputer alah babaliak ka rumah,buliahlah ambo gonyoh ari2.
Sabalun ambo tutuik,ambo mangucapkan berbanyak kemaafan dari seluruh anggota
dan salamaek manyambuik puaso,mudah2an indak ado pulo nan kanai panyakik
MAH,dek karano panyakikko amat populer dalam bulan puaso,nan heran awak lapeh
arirayo panyakiktu ilang pulo,macam tau pulo panyakiktu jo bulan Ramadhan.
Wassalam,
Gani48
>
> Wak sayo alah labiah 10 tahun jadi pelanggan aktif palanta
> RN.
> Hiruak pikuak RN ambo iyo alah apa. Dpacaruik-an anak mudo
> mantah ambopun panah. Segala sesuatu nan biaso tajadi
> dipalanta
> lapau bisa tajadi di RN ko. Apo lai awak ado di dunia maya.
.
---------------------------------
Moody friends. Drama queens. Your life? Nope! - their life, your story.
Play Sims Stories at Yahoo! Games.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti (unsubscribe), kirim email kosong ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount
===============================================================
-~----------~----~----~----~------~----~------~--~---
