Assalamu'alaikum warahmatullahi wabarakatuh,
Mamak, bapak, ibu, uda, uni,sdr/i Yth,
Kalo buliah ambo kabatanyo sagetek.
Ditampek ambo tingga ado urang mambangun tower talipon saluler. Dari
awal nyo masaalah sosialisasinyo tower iko kurang jaleh, indak ado
disampaikan bara tingginyo. Masyarakat partamunyo cocok sajo (maklumlah
karano kakurangtahuan, indak ado pulo nan batanyo). Pado partamuan nan
kasakian kali baru dikecekan tingginyo 72 meter, sabagian masyarakat
agak takajuik juo, gamangnyo tibo (maraso dijebak).
Posisi tower iko dari rumah masyarakat iyo sangaik dakek bana. Ado
rumah nan bajarak jo tower iko 3 meter, ado 5 meter, 10 meter, ado 30
meter. Diparkirokan rumah nan barado di radius 72 meter ado sakitar 10
rumah.
Masaalah asuransinyo iyo kurang jaleh pulo (foto copy sajonyo tanpa
dilegalisir).
Parnah urang nan radius tigo meter mangecekan indak satuju tantang
kadibangun tower iko disabalah rumahnyo di sabuah rapek, tapi pak RT
indak magubris hal iko do. Kadang malah ado intimidasi kapado warga nan
manulak kabaradoan tower iko. Malah dikecekan provokator dan ka
dikadukan ka pulisi, dan dikecekan kanai dando nanti puluhan juta kalau
sato pulo manulak. Kecek pak RT dulu kan alah maisi tando tangan
maizinkan disabuah list (Tapi list iko tanpa katarangan jo sosialisasi
nan jaleh, hanyo list tando tangan tanpa ado kato-kato katarangan
tantang tower). Antah iyo list tantang tower, antah list arisan. Jadi
warga dibodohi sarato diancam.
Kiniko pambangunan alah dimulai.
Untuak jago-jago kami alah mabuek parjajian tatulih jo pihak tower. Tapi
ado duo butir parjanjian nan dilanggar oleh pihak tower. Tapi pak RT
indak mampadulikan palanggaran iko, tanpa kompromi jo warga pak RT
maizinkan sajo tower iko buliah dibangun.
Nan ingin ambo tanyokan adolah;
1. Adokah paluang kito untuak maminta uang kompensasi beban mental
(tidak nyaman) untuak warga radius 3 sampai 72 meter dari tower
tasabuik.
2. Adokah palindungan hukumnyo karano warga maraso ditipu/ dijebak
(sosialisasinyo indak jaleh).
3. Apokoh izin supadan dari tanah nan dibangun tower iko marupokan
syarat mutlak buliahnyo tower didirikan.
4. Apokoh pihak tower iko indak malanggar HAM (kenyamanan adolah hak
azazi manusia).
5. Atau ado paluang-paluang nan lain.
Sakian sajo ambo bantanyo kapado mamak, bapak, ibu, uda, uni sdr/i .
Sangaik gadang harapan ambo kapado mamak, bapak, ibu, uda, uni sdr/i
baik tantang HAM, Hukum mohon ambo dibari pancerahan jo dukuangan. Mohon
ma'af karano alah manggaduah kanyamanan mamak, bapak, ibu, uda, uni
sdr/i. Tarimo kasih.
Wassalam,
Amrizal Koto.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti (unsubscribe), kirim email kosong ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount
===============================================================
-~----------~----~----~----~------~----~------~--~---
