Waalaikum salam,wr,wb. Sungguahpun namo ambo indak tapanggia di postingan dunsanak ambo Tan Bandaro Labiah dibawah, tapi dek karano raso badunsanak ambo jawek juolah pakiriman surek tabukak ko.
Nan ambo sewaktu acara SSM2007 di Hotel Pangeran alah mancari-cari bahkan mangirim SMS, baa lah caronyo mandapekkan kaset Baniah tu bahkan nan ambo paralukan VCD nyo karano oto ambo indak mamakai kaset lai. Sewaktu di Kiktinggi sahari sabalunnyo di Pasa Ateh di toko kaset ambo alah batanyo Kaset Baniah ko alun sampai lai. Baru basabok kaset tu pado pameran di muko Hotel Pangeran pado hari sabtu sasudah pambukak an SSM2007. Kaset baniah ko alah ambo populerkan di RRI Pro 1 Palembang (FM 92,4 dan AM 1287) pado siaran SUARO BUNDO KANDUANG hari kamih malam tanggal 24 Oktober minggu lalu. Pado siaran kamih bisuak ko akan ambo cubo mamutanyo baliak. Kami subananyo baharok Tan Bandaro Labiah bisa hadir pado acara HBH BMKM Sumsel hari minggu tgl 18 November 2007 nan ka datang jam 09.00 sampai salasai. Acara HBH nan dibuek sacaro gadang dan meriah nan didukuang dek mamak urang Minang di Sumsel yaitu yth Ir.Syahrial Oesman,MM Tuanku Bagindo Basa nan Kayo dan akan dihadiri pulo dek BA-1. Sebagai acara puncaknyo akan diisi jo ceramah agama oleh yth Ir. H. Azwar Anas Dt.Rajo Sulaiman. Kalau lai bisa Tan Bandaro Labiah hadir kan bisa sakaligus launching kaset Baniah tu di Palembang sakalian pulo sebagai pengisi acara nantiknyo. Acara HBH tu akan diadokan di Istana Gubernuran Sumsel nan biaso disabuik GRIYA AGUNG. Kami akan maundang petinggi2 Minang lainnyo, seperti Ketua Gebu Minang Asril Hamzah Tanjung, Hasan Basri Durin Dt.Rangkayo Mulie nan Kuniang dan lain-lain. Kapado dunsanak nan mambaco postingan ambo ko tarutamo nan berdomisili di seputaran Palembang dan Sumsel, marilah kito barami-rami hadir dalam acara HBH BMKM tu sambia mandanga ceramah agama dari sesepuh kito dan batamu jo kaduo bapak gubernur kito nan dari Sumsel dan Sumbar. Wassalam, HM Dt.Marah Bangso (50+) > asssalamu'alaykum w.w. > > dek karano kini baru bisa mancogok di lapau, nan partamo ambo maucapkan > salamaik ri rayo, mohon maaf lahia jo bathin, samoga amal ibadah puaso > ramadhan kito nan basamo ditarimo ALLAH. > > nan kaduo ambo mamintak maaf pulo, karano kini pulo baru dapek mamabaleh > tanyo dan tanggapan dari sidang palanta satantangan kaset Baniah > > karano dek mamikua jo uerk-ureknyo dan bakabatulan pulo salasai aset tu > lah dakek ri rayo, iyo alun takaja mandistribusikan kaset tu ka saluruh > toko nan ado di kampuang jo jakarta, Namun dilimbak pado itu, sado kaset > nan ambo baok pulang ka kampuang, alhamdulillah lai ditarimo masyarakat, > nyatonyo tapaso ambo maambiak baliak sabagian kaset nan alah ambo > antakan ka toko sinar padang (padang) untuak mamanuah-i parmintaan urang > banyak. > khusus untuak di kampuang, nan tasadio kaset tu kini adolah di Sinar > Padang (pasarraya Padang) Nada Music jo Maju Jaya (pasa ateh bukik > tinggi), panggaleh kaki limo (padang Panjang, Solok) dan pikumbuah. > Sadngkan untuak di jakarta, baru ado di Sinar Padang (glodok). > Tembilahan dan Ternate, > untuak daerah lainno iyo alun ado, walaupun sarupo di kota-kota nan lain > bisa didanga di radio, namun kaset alun baredar lai > > sakali lai ambo maucapkan tarimo kasih banyak kapado khalayak nan alah > mandukuang jaanyo kaset baniah tu > > sabagai ka ubek bagi nan alun dapek kaset tu (kalau memang lai katuju) > sabuah lagu nan bajudul "Maetong Parasaian" alah di latak ka dek Nofen > St. Mudo di RN, sialhkan di ambiak atau di danga > > Dalam kesempata kini ko batanyo pulo lah ambo ciek, dima lah nan ado > Padati nan usali (rodano masih pakai kayu nan balapih-i jo basi) ?? > karano ka ambo ambiak sabagai latar belakang dalam mambuek VCD Baniah tu > nanti no > > sakian dari ambo, talabiah takurang rila jo maaf juo nan bamintak > > Wasssalamu'alaykum w.w. > > Z. Bandaro Labiah --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Jika anda, kirim email kosong ke >>: berhenti >> [EMAIL PROTECTED] Cuti: >> [EMAIL PROTECTED] digest: >> [EMAIL PROTECTED] terima email individu lagi: >> [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di -~----------~----~----~----~------~----~------~--~---
