Assalamu'alaykum w.w. di dulang agak sadulang pandulang ameh balako diulang agak saulang paulang nan tatulih sabalunno "nan kaduo ambo mamintak maaf pulo, karano kini pulo baru dapek mamabaleh tanyo dan tanggapan dari sidang palanta satantangan kaset Baniah" sungguahpun indak basabukkan namo ciek-ciek, indak baimbaukan gala surang-surang, rasono lai indak basibak jo basiaiah, lah didalam sambah jo salam kasadono, bapulang maklum Mak Datuak nan tantang itu
sabalun kato ka dijawek, sabalu gayuang kadisambuk, tarimokasi nan basampaikan ka Mak Datuak nan alah pulo malewakan / mamutakan lagu tu di RRI Palembang, hari kamih nan lampau, alhamdulillah lai ambo simak pulo pakaro kaset, iyo baitu kajadianno Mak Datuak, bara nan babaok dari Jakarta, Alhamdulillah lai ditarimo masyarakat, untuak nan di stand pameran SSM tu, iyo ambo ambiak kudian dari Sinar Padang (sabalunno lah baantakan ka SP), karano indak ado lai nan ka dijojokan Kalau masalah nan di toko bukik tinggi, iyo dek karano wakatu maantakan ka toko tu lah sahari manjalang rayo, jadi alun tasebar lai, kini insyaallah alah ado tu di Nada Music atau Maju Jaya walapun jumlahno ndak banyak doh, karano banyak nan diambiak urang langsuang untuak ka dibaok ka rantau lain satantangan VCD, sampai kini iyo alun takarajokan lai, karano bak kato kapatang juo, mamikua jo ureknyo, jadi paralu pulo barangah samantaro malakik tanago timbua baitu pulo uang piak tasadio pulo baliak, Insyaallah sacapekno lah handakno. Tolong juo Mak Datuak do'a kan, nan diniak nak no sampai, nan di ama supayo pacah satantangan siriah dari Mak Datuak untuk datang ka Palembang, iyo sabana gadang hati ko, indak tatampuang jo tapak tangan, jo niru ambo tampuang, tapi ka baa lah, karano tanggal 17 Nopember ko, ambo maisi dan sakaligus mambaokkan acara pulo di Bekasi, nan rencanano mulai pukua 10 siang sampai tangah malamno, rasono iyo ka sabana latiah badan dibuekno. Namun baitu lah Mak Datuak !!, bakato duo ambo, nyampang lai takao jo takaja, ambo kayaikan jo kajakan juo pai ka Palembang pagi ari akaik tu sakitu nan bisa ambo jawek Mak Datuak, nyampang umpamo balari indak samo kancang, rila jo maaf juo nan bamintak Wasssalamu'alaykum w.w. Bandaro Labiah *beko malam mamonitor di 1287 AM [EMAIL PROTECTED] wrote: Waalaikum salam,wr,wb. Sungguahpun namo ambo indak tapanggia di postingan dunsanak ambo Tan Bandaro Labiah dibawah, tapi dek karano raso badunsanak ambo jawek juolah pakiriman surek tabukak ko. Nan ambo sewaktu acara SSM2007 di Hotel Pangeran alah mancari-cari bahkan mangirim SMS, baa lah caronyo mandapekkan kaset Baniah tu bahkan nan ambo paralukan VCD nyo karano oto ambo indak mamakai kaset lai. Sewaktu di Kiktinggi sahari sabalunnyo di Pasa Ateh di toko kaset ambo alah batanyo Kaset Baniah ko alun sampai lai. Baru basabok kaset tu pado pameran di muko Hotel Pangeran pado hari sabtu sasudah pambukak an SSM2007. Kaset baniah ko alah ambo populerkan di RRI Pro 1 Palembang (FM 92,4 dan AM 1287) pado siaran SUARO BUNDO KANDUANG hari kamih malam tanggal 24 Oktober minggu lalu. Pado siaran kamih bisuak ko akan ambo cubo mamutanyo baliak. Kami subananyo baharok Tan Bandaro Labiah bisa hadir pado acara HBH BMKM Sumsel hari minggu tgl 18 November 2007 nan ka datang jam 09.00 sampai salasai. Acara HBH nan dibuek sacaro gadang dan meriah nan didukuang dek mamak urang Minang di Sumsel yaitu yth Ir.Syahrial Oesman,MM Tuanku Bagindo Basa nan Kayo dan akan dihadiri pulo dek BA-1. Sebagai acara puncaknyo akan diisi jo ceramah agama oleh yth Ir. H. Azwar Anas Dt.Rajo Sulaiman. Kalau lai bisa Tan Bandaro Labiah hadir kan bisa sakaligus launching kaset Baniah tu di Palembang sakalian pulo sebagai pengisi acara nantiknyo. Acara HBH tu akan diadokan di Istana Gubernuran Sumsel nan biaso disabuik GRIYA AGUNG. Kami akan maundang petinggi2 Minang lainnyo, seperti Ketua Gebu Minang Asril Hamzah Tanjung, Hasan Basri Durin Dt.Rangkayo Mulie nan Kuniang dan lain-lain. Kapado dunsanak nan mambaco postingan ambo ko tarutamo nan berdomisili di seputaran Palembang dan Sumsel, marilah kito barami-rami hadir dalam acara HBH BMKM tu sambia mandanga ceramah agama dari sesepuh kito dan batamu jo kaduo bapak gubernur kito nan dari Sumsel dan Sumbar. Wassalam, HM Dt.Marah Bangso (50+) Send instant messages to your online friends http://uk.messenger.yahoo.com --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Jika anda, kirim email kosong ke >>: berhenti >> [EMAIL PROTECTED] Cuti: >> [EMAIL PROTECTED] digest: >> [EMAIL PROTECTED] terima email individu lagi: >> [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di -~----------~----~----~----~------~----~------~--~---
