Sanak Ephi Lintau,
(dan sanak2 di lapau kasadonyo)
Paratamo: ambo batanyo apokoh Ephi memang dari Lintau?
Kalau memang iyo, ambo mohon info ciek: apokoh di Lintau ado sungai kecil nan
batamo Batang Tampo?
Ambo sadang menelusuri GENEALOGI PIAGAM BUKIK MARAPALAM. Seorang botanikus
Belanda bernama Lodewijk Horner pernah mengunjungi bekas benteng Kaum Paderi
itu Januari 1838 (jadi sekitar 5 bulan sasudah Benteng Bonjol jatuah ka tangan
Ulando). Inyo manyabuik bahaso Benteng Marapalam tu di puncak bukik dimana di
bawahnyo mangalia Batang Tampo. Kalau kito maengong ka utara tampak Gunuang
Sago, keceknyo.
Dulu ukatu hamasiswa ambo jo kawan2 pernah bakemaah di dakek Gua Lintau.
Siangnyo kami masuak ka dalam gua tu. Koncek gadang2 di dalamnyo, sagadang
'anak kabau'. Apokoh gua tu nan hulu Batang Tampo? Kurang jaleh diambo ukatu
tu. Maklunlah awak mahasiswa wakatu tu...geneang sajo nan banyak baru....
Untuak samantaro ambo ingin mangumpuakan data dima bana posisi Bukik Marapalam
ko. Lah ado keterangan nan agak jaleh dari sumber2 Balanda, antaro lain L.
Horner tadi. "1 maart -- Over den bergpas Marapalam nar het fort van der
Capellen. Eerst noord-noord-west,dan west, dan zuid-zuid-west,7 uren", demikian
antara lain tulis L. Horner. Kolonel Raaf pada 1822 juo memata-matai Benteng
Marapalam ini.
Carito nan agak labiah langkok (dg sumber nan dapek dipertanggungjawabkan)
mudah2an akan muncul di Padang Ekspres minggu2 muko.
Sabagai urang Minang ambo terpancing untuak maanaliti Piagam Bukik Marapalam
ko, apolai sajak wacana ABS BSK menjadi pembiaraan umum di Sumbar. A bana nan
ABS BSK tu indak joleh asa usuanyo (bak kato2 Pak Saafroedin Bahar, bukti
tekstualnyo alun pernah ketemu). Jadi, kadang gak binguang juo baa
maimplemetasikan ABS BSk tu samantanro kompilasi tertulisnyo indak ado. Atau
mungkin memang indak ado legacy tertulis itu (mancari pinjaik dalam kasiak
molah kito). Banyak sumber manyabuik Sumpah Sati Bukik Marapalam tu tajadi
tahun 1837. Tapi dari ma dirujuk ndak pulo joleh. Pokok e kabua sae
baru...sarupo Gunuang sago disapuik awan..
Iko nan paralu kito cari, kito telusuri sejarahnyo. pasti baguno dek anak cucu
kito nantik. Bak kecek sms Pak Gamawan Fauzi ka ambo kapatang, paralu dicari
bukti2nyo supayo generasi Minang di muko punyo pengagangan indak indak
mangawang sajo mengenai konvensi2 adat dan budaya mereka.
Kini ambo ka menelusui arsip keluara HJJL Ridder de Stuers, salah seorang nan
berperan penting ketika Perang Paderi. Sia tahu (salinan) Piagam Bukik
Marapalam tu tasalek di dalm buku2 tuo di rumah anak cucunyo. Ambo juo akan
perpustakaan Museum Militer di Bronbeek... sia tahu ado nan ganjia2 tentang
Minangkabau saisuak di situ.
Kok dapek Piagam tu.......APA KATA DUNIA!!!!!!!!!!!!!!!
(Eh........maaf....sadang barasian ruponyo ambo....)
Salam arek ka rang lapau kasado alahe,
Suryadi
________________________________________________________
Kunjungi halaman depan Yahoo! Indonesia yang baru!
http://id.yahoo.com/
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Jika anda, kirim email kosong ke >>:
berhenti >> [EMAIL PROTECTED]
Cuti: >> [EMAIL PROTECTED]
digest: >> [EMAIL PROTECTED]
terima email individu lagi: >> [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
-~----------~----~----~----~------~----~------~--~---
