Wa'alaikum salam wa Rahmatullaahi wa Barakaatuhu, Dunsanak Riri, Indak dilaporkan ka polisi doh. Memang disayangkan wakatu tu iyo disalasaikan dek kakak laki2 keluarga urang tu sajo jo sekretaris buru babi, karano kato kakak laki2 tu ka sanak padusinyo, alah tanang sajolah lai dak usah mangadu kama2, kalau mangadu urang gilo tu baliak kamari baliak maulang maancuakan rumah iko lai, kalau urang tu masih ndak pueh dilarang baburu dipekarangan balakang rumah urang tu. Sanak padusi keluarga tu jo anggota keluarga nan lain wakatu tu, yooooo cameh gadang disampiang juo badoa satiap datiak, tamasuak cucu2 (4 jo 6 thn) urang punyo rumah tu, bado'a ka Tuhan supayo massa nan sadang emosi tu baranti mambae atok rumah jo batu gadang, sampai loteng triplek jatuah ka lantai. bayangkan sajo situasi wakatu tu sarupo parang nan indak sabandiang.
Nan disayangkan jo disesalkan, yo kakak laki2 urang tu yo "agak panakuik" jo garegak urang kampuang disitu, apolagi massa nan jumlahnyo banyak tu. Sampai2 sekretaris tu mangecek ka salah satu anggota keluraga tu, kalau indak ado ambo tadi disitu, antah baa jadi nyo. Mungkin makasuiknyo saluruah anggota keluarga nan ado didalam rumah wakatu tu, hancua dek batu2 gadang nan dibae dek urang nan sadang emosi tu. Allahu Akbar. Baitu juo sanak padusinyo tu disuruah dek sekretaris buru babi tu untuak ganti baju supayo jan dikenali baliak dek urang2 tu kalau kalua rumah beko baliak. Na'uuzubillah kalau tajadi baliak. Lanjuiknyo dikecekkan bahwa parnah tajadi masalah dikampuang tu, dikadukan ka KaPolda, katonyo preman tu ka ma-adok-i Kapolda tu, jo arti kato, Kapolda ndak bisa turun tangan doh, katonyo. Ambo sadari juo, disaat katakutan sadang tajadi, pikiran sehat kadang tatutuik, sahinggo apo kato urang dituruti sajo jadinyo, supayo keamanan supayo capek dicapai, tapi sasudah situasi tanang baru takana bana untuak malapor, tapi alah talambek karano: 1. disalasaikan sajo dek sekretaris tu jo kakak laki2 keluarga tu 2, sanak padusi keluarga tu, baliak karantaunyo lai, jadi masalah tu yo dianggap salasai sajo sapaninggalan sanak padusinyo barangkek ka rantau baliak. Namun tantu hal samacam tu kito ndak bisa pabiakan sajo doh kan, sahinggo urang2 tu bisa ndak terkonrol lai karano maraso "gadang" dek polisi ndak bisa maantikan massa nan sadang berang tu, Untuak nan kadatang kalau tajadi juo kajadian sarupo ko, ambo nan tingga dirantau, taruih tarang sajo iyo kurang mamahami liku2 PBB ko. Untuak mahindari "patumpahan darah", apo saran2 dunsanak ka keluarga tu, karano trauma ko masih malakek dikapalonyo, tarutamo si cucu nan masih ketek2 tu, kalau inyo ndak kakampuang mancaliak umak jo abaknyo (kakek nenek), baa langkah sarancaknyo. Namonyo urang kampuang kadang indak bisa diajak badiskusi jo kapalo dingin, emosi sajo langsuang kalau diagiah tahu nan bana, agamo dek urang kampuang tu ndak dipakai , kalau lai dipakai agamo, tantu ndak ka tajadi kajadian nan mamalukan tu. Apolagi seluruh aktifitas buru babi saat itu, totally un-Islamic: masuak pakarangan rumah urang nan bapaga tanpa izin, mangabek anjiang digarende pintu rumah urang, mamandikan anjiang dikolam pekarangan rumah urang tu, dlsbgnyo. Nan agak mamalukan keadaan wakatu tu karano dikaikkan jo istilah "kaum pendatang", keluarga tu indak asli dari kampuang disitu, jadi harus maaku induak kasalah satu panduduak disitu. "Ooo, urang ko urang pandatang ma". Timbua patanyaan: Apo iyo baitu katantuannyo, "panduduak asli" bisa semena2 sajo ka "kaum pendatang? Astagfirullahul 'aziim. Iko kan buminyo Allah SWT, bukan miliknyo nenek moyang pribadi atau milik urang kampuang disitu????? Nampaknyo hal ko paralu *Panartiban *aturan2 nan alah ado tu oleh yang berkepentingan, dan disebar luaskan kasaluruah palasok desa jo kampuang2, dan tarutamo kaKades2, Tuo Buru dlsbgnyo, diagiah samacam traininglah, workshop untuak paningkatan hubungan jo masyarakaik satampek. Disampiang tu harus ado :"*SANKSI*" nan nyato tahadap *PELANGGAR* "Tatatertib" PBB tu, supayo jan ado sifat "MUNAFIK" dalam manjalankan satu hukum/aturan, artinyo malindungi urang2 nan alah jaleh marusak hukum/norma/aturan. Sarupo nan dikecekkan dek mak Aziz (AAR) bhw pbb ko alah ado aturannyo, tapi nampaknyo ditampek tu (Koto Baru, Sawahlunto Sjj, ambo ndak tahu kalau ado atau indaknyo Komnas HAM disitu) aturan tu ndak dijalaninyo doh, itu buktinyo masalah tu tajadi, mancuci sapatu jo anjiangnyo dikolam aia barasiah urang punyo rumah tu. Akhirnyo kolam tu dibarasiahkan dek keluarga tu karana banajis dari ludah jo kotoran anjiang disitu. tarimo kasih mamak2 jo dunsanak sadonyo atas info dan saran2 salanjuiknyo ttg PBB di kampauang kito nan indak mamanuhi tatatertibnyo lai. Pak Syaf, apo langkah2 nan harus dilakukan kalau hal nan sarupo tajadi baliak dima sajo di Ranah minang ko, supayo ABSSBK tu bisa jalan dima2 sajo, baiak disaat baburu, batamu ataupun baguru. Wassalam Aswita (43) On Nov 28, 2007 6:37 AM, Darul M <[EMAIL PROTECTED]> wrote: > Assalamualaikum WW > > > > Apa memang sudah dikadukan ke Polisi? Kalaulah polisi tidak dapat > melindungi rakyat, berarti negara sudah gagal. Sebiaknya ya mengadu ke > Komnas HAM, baa pak Saaf? Kata pasrah memang perlu. Tapi pasrah tanpa upaya > berarti membiarkan kemudharatan merajalela. Apakah kita akan mebiarkan diri > hidup dinegara kemudharatan? > > > > Salam > > St.P 53 > ------------------------------ > > *From:* [email protected] [mailto:[EMAIL PROTECTED] *On > Behalf Of *Riri Chaidir > *Sent:* Wednesday, November 28, 2007 2:58 PM > *To:* [email protected] > *Subject:* [EMAIL PROTECTED] Re: PBB (Persatuan Buru Babi), mohon info > > > > Waalaikumsalam wr wb. > > > > Sanak Wita, tadinyo ambo menyarankan untuak mangadu ka polisi, dengan > pertimbangan polisi labiah netral (karano aparat pusat) dibandiangkan kapalo > desa nan urang situ jg. > > > > Tapi kalau memang ado asumsi polisi takuik manyalasaiakan masalahko ..., > antah kama lai awak ka lari. > > > > Memang iko suliknyo kalau lah berhadapan jo massa. > > > > Riri 45++ > > > > > > --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount =============================================================== -~----------~----~----~----~------~----~------~--~---
