Assalamualaikum w.w. Sanak St Lembang Alam dan Rahmatullah Sjamsudin,
Ambo marasokan alah mulai timbua nada putuih aso tiok kito mangecek soal
Ranah ko.Masalahnyo sabana bakapiek, kok kusuik alah ampia kusuik sarang
tampuo, indak tantu lai ujuang jo pangka.
Manuruik Prof Azyumardi Azra, ado duo sikap taradok ruwetnyo masalah
Minangkabau, nan baliau namokan sikap romantisme dan sikap realisme. Sikap
romantisme tabanam dalam alam khayal maso lampau dan indak amuah mancaliak
kaadaan nyato, sadangkan sikap realisme bausaho mancaliak kaadaan sanyatonyo.
Ambo kiro duo sikap ko takaik jo duo caro bapikia, yaitu caro bapikia positif
nan salalu bausaho mancaliak paluang dan cara bapikia negatif nan salalu
mancaliak nan buruak-buruak sajo.
Rasonyo nan paralu kito kambangkan adalah sikap realisme ditambah jo bapikia
positif, supayo kita kaji baa kaadaan, apo panyabab dan akar masalahnyo, baa
jalan kaluanyo, dan apo nan ka kito karajokan.
Nan paliang susah adolah campuran antaro sikap romantisme bacampua jo caro
bapikia negatif, suko bakhayal tantang maso lampau dan hanyo mancaliak nan
buruak-buruak sajo tantang kaadaan kini. Kok ado gagasan atau prakarsa urang,
inyo curiga dulu, kalau urang sukses inyo bingik dan mancemeeh.
Ingin ambo batanyo ka kito sakalian: di urang awak kini ma nan banyak
kalompok nan maanuik sikap realisme+bapikia positif atau kalompok nan maanuik
sikap romantisme+ bapikia negatif ? Takaik jo itu, manuruik pandapek ambo
dalam mamacahkan masalah basamo, wacana tu jaleh paralu, kecuali kalau kito
ingin batindak tanpa bapikia dulu atau batindak bak kandak awak surang-suang
sajo.
Wassalam,
Saafroedin Bahar
Rahmatullah Sjamsudin <[EMAIL PROTECTED]> wrote:
Kalau buliah sato sakaki,
Satiok ambo pulang ka Padang ambo sadiah dengan kondisi ekonomi masyarakat yg
semakin susah. Disimpang2 jalan alah banyak anak ketek-ketek (anak jalanan)
meminta uang, mengamen. Di Masjid2 setelah sholat Jumat juo banyak anak-anak
ketek nan minta-minta. Premanisme merajalela. Dulu wakatu ambo sekolah disitu
indak bantuak itu bana. Jadi nyato bana awak urang awak samakin bansaik.
Bansaik di rantau bansaik di kampuang.
Panyakik bansaik tu tadang juo dari jiwa nan bansaik. Jiwa nan bansaik jo
sumangek bajuang dan alah lapuak. Jiwa nan labih sanang maminta, suko yg serba
instan, suku jo pujian2 pujian palsu dan kosong, suku randah diri
(contohnyasuku maagiah gala datuak ka urang lain dari pado anak kamanakannyo).
Pendek kato, urang awak tamasuak pemimpinnyo harus segera jago dari lalok.
Jago lah lai niniak mamak, angku2, para pamimpin nan didahulukan salangkah
ditinggikan sarantiang.
Bueklah dan segera laksanakan program nan barani (jan mabuak juo jo puja-puji
kosong malompong).
Ambiak contoh ka Sutiyoso, nan indak paduli kritikan (waktu mambuek busway).
Buek program dan laksanakan segera (usah banyak timbang-katimbangm kaji-kakaji
atau minta pantunjuak pulo ka pusat). Indak ado program dan rencana yg
semparono dan memuaskan semua orang. Bueklah langkah nyata nan berani sehinggo
membuek urang awak labih baik dari mas dulu. Tentunyo program tu wajib dibuek
dengan niat tulus untuk dan samato-mato untuak kebaikan masyarakat (bukan untuk
mamnuahkan pariuak nasi jo parian awak surang). Jan banyak juo ba main-main jo
program virtual yg memanfaatkan emosi spritual masyarakat. Bueklah nan nyato
untuk paisi kampuang tangah, untuk panutuik punggung, untuak paisi kapalo
anak-anak, untuk panungkek daguak kito!
Jadi, jagolah lai Mamak! Alah siang hari ko mah!
On Dec 11, 2007 7:24 AM, Muhammad Dafiq Saib <[EMAIL PROTECTED]> wrote:
Pak Saaf,
Wacana pulo jadino baliak. Ambo bapasan ka dunsanak-dunsanak ambo nan biaso
jadi katik (khatib) di kampuang. Katiko bakatubah sampaian ajakan amar ma'ruf
nahi munkar sacaro bakasinambuangan. Kana-an taruih bahaso budi baiak paralu
bana dijago dihadok-an Tuhan Allah. Jauahi babuek doso, jauahi sifaik maleh.
Nan nampak di ambo ado duo kunci nan paralu dan bisa mameloki watak sabagian
masyarakaik nan kurang elok tu. Ulama, jo katubah-katubah sarato contoh nyato
dalam maajak babuek/baramal shalih. Pamarintah, nan kamanagak-an paraturan nan
adia. Kok nyampang adolah kaduono ko, manuruik pandapek ambo raso ka labiah
murah mamelok-i kabiasoan nan kurang baiak tu.
Cuma iyo itu. Tipak di ambo, iyo wacana juo baru nan ado bak kecek pak
Chaidir.
Wassalamu'alaikum,
Lembang Alam
----- Original Message ----
From: Dr.Saafroedin BAHAR <[EMAIL PROTECTED]>
To: [email protected]
Sent: Tuesday, December 11, 2007 7:06:11 AM
Subject: [EMAIL PROTECTED] Re: PULANG KAMPUNG - Pareman...?
Waalaikumsalam w.w. Sanak Sutan Lembang Alam,
---------------------------------
Never miss a thing. Make Yahoo your homepage.
---------------------------------
Never miss a thing. Make Yahoo your homepage.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---
