Waalaikumsalam w.w. Bundo,
Tarimo kasih ateh posting Bundo nan alah mampraktekkan sikap realisme jo caro
bapikia positif ka dalam kanyataan. Hanyo ambo heran kok sampai hati urang
manubo ikan sampai 150 ton? Apo koh nan manyababkan urang jadi chizid, dengki,
jo khianat sarupo tu ? Apo nan salah dalam masyarakat kito di Ranah tu? Sia koh
nan haruih batangguang jawab mamelokinyo?
Kok sikap saroman tu indak barubah karano indak ado nan maraso batangguang
jawab mamelokinyo, capek atau lambek kito nan di Rantau ko bisa jadi balapeh
tangan atau putuih aso. Kito pulang kampuang sakadar jadi wisatawan sajo
banostalgia. Indak labiah, indak kurang.
Ado ciek la Bundo. Nan Bundo alami adalah urang manubo ikan di tabek nan
sadang baproduksi. Bisa juo tajadi 'korps tukang tubo' ko manubo prakarsa dan
gagasan nan diajukan urang. Tukang tubo tipe baru ko manspesialisasikan
karajonyo mambae prakarsa`dan gagasan apo sajo nan disampaikan urang, sadangkan
inyo surang indak ciek alah juo nan inyo karajokan.
Wassalam,
Saafroedin Bahar
Hayatun Nismah Rumzy <[EMAIL PROTECTED]> wrote:
Assalamu Alaikum W. W.
Sabatuanyo ambo iyo banyak tahu tt keadaan ranah. Katiko ambo karajo dulu
bilo ado kesempatan ambo tu yo pulang kampuang. Rencana mulonyo nio pensiun
dikampuang tapi Tuhan mentakdirkan lain. Kiniko yo acok juo pulang (mungkin
saisuak ari2 batanamkan dibawah janjang). Paliang tidak iyo 2 kali satahun.
Tahun 2007 ko sajo Insya Allah ka 5 kali kami pulang. Ambo lah basikap apatis
sajo kadang2 tapi kami karajokan sajo apo nan bisa dikarajokan. Kadang2 ikuik
bagotong royong, kadang2 manyadiokan aie barasiah, mambaiki jambatan, pokoknyo
apo sajo.
Ado kajadian nan agak bakasan didiri ambo. Wakatu tu 1997 ambo mulo2 nio
mambuek kolam aie deras (karamba) - ambo tengok ka Cianjur sabalum mamulai tu.
Rencana ka kabek padi jo daunnyo jadi kami tu mambuek usaho dan usaho ko nanti
ka mambari dana untuak dikampuang.
Sanang wakatu pulang ikan manjadi diagiah makan inyo basorak, barabuik,
ikannyo lamak dibaka, acok pulang , labonyo ditambahkan ka modal.. Lah banyak
pulo nan mancontoh dan disepanjang sungai kecil itu penuh dengan keramba yang
menambah penghasilan rakyat. Berton-ton ikan dikirim kadaerah lain.
Ado urang nan usil sakik ati kasalah seorang nan punyo karamba diagiah tubo
insektisida matilah ikan tu kiro2 150 ton bakubuakan kalau indak inyo busuak
sakampuang. Sampai kini indak tahu siapo do nan manubo ikan tu. Polisi indak
bisa mambuktikan doh siapo nan manubo ikan2 tu.
Samanjak tu kami yo pulang-pulang manjanguak kampuang sajo lai indak namuah
bausaho. Jadi kasimpulannyo ambo bapikia realis dan tidak negatif.
Sakian carito ambo kok elok diambiak palajaran kok buruak dihapuih sajo.
Wassalam
Hayatun Nismah Rumzy
"Dr.Saafroedin BAHAR" <[EMAIL PROTECTED]> wrote:
Assalamualaikum w.w. Sanak St Lembang Alam dan Rahmatullah Sjamsudin,
Ambo marasokan alah mulai timbua nada putuih aso tiok kito mangecek soal
Ranah ko.Masalahnyo sabana bakapiek, kok kusuik alah ampia kusuik sarang
tampuo, indak tantu lai ujuang jo pangka.
Manuruik Prof Azyumardi Azra, ado duo sikap taradok ruwetnyo masalah
Minangkabau, nan baliau namokan sikap romantisme dan sikap realisme. Sikap
romantisme tabanam dalam alam khayal maso lampau dan indak amuah mancaliak
kaadaan nyato, sadangkan sikap realisme bausaho mancaliak kaadaan sanyatonyo.
Ambo kiro duo sikap ko takaik jo duo caro bapikia, yaitu caro bapikia positif
nan salalu bausaho mancaliak paluang dan cara bapikia negatif nan salalu
mancaliak nan buruak-buruak sajo.
Ingin ambo batanyo ka kito sakalian: di urang awak kini ma nan banyak
kalompok nan maanuik sikap realisme+bapikia positif atau kalompok nan maanuik
sikap romantisme+ bapikia negatif ? Takaik jo itu, manuruik pandapek ambo
dalam mamacahkan masalah basamo, wacana tu jaleh paralu, kecuali kalau kito
ingin batindak tanpa bapikia dulu atau batindak bak kandak awak surang-suang
sajo.
Wassalam,
Saafroedin Bahar
---------------------------------
Be a better friend, newshound, and know-it-all with Yahoo! Mobile. Try it
now.
---------------------------------
Looking for last minute shopping deals? Find them fast with Yahoo! Search.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---
