----- Forwarded Message ----- From: Mochtar Naim <[email protected]> To: "[email protected]" <[email protected]> Cc: MOCHTAR NAIM <[email protected]> Sent: Wednesday, March 21, 2012 11:41 PM Subject: [banuanet] MASUAK TAK MASUAK KOTA BUKITTINGI SARATO PAMAKARAN KABUPATEN AGAM
Sdr Zul Amir dkk dari BH di dunia maya, Mananggapi pandapek dari Sdr Zul mengenai masuak atau ndak masuak kota BT dari daerah2 Agam Tuo sekitar, sakurangno ado ampek alternatif nan nampak di ambo. Partamo, bagabuang jo kota. Aratino daerah2 Agam Tuo di dataran tinggi Agam Tuo sadono masuak kota. Tingga Agam nan di bawah, atau di baruah, nan masih Kabupaten Agam. Nampakno Matua jo Malalak masuak kota BT, sadang Maninjau tataok jo Kab Agam Lamo. Samantaro Palupuah sampai ka Baso sampai ka Bukik Batabuah-Sungai Pua-Sariak-Batupalano sadono masuak kota BT. Kaduo, malaksanakan PP84 dengan manggabuangkan masuak kota sejumlah Nagari tertentu (16 Nagari?) dari daerah Agam Tuo nan salingka kota BT. Kalau ndak salah, daerah Palupuah, Kamang jo Baso sampai ka Bukik Batabuah, Sungai Pua jo Sariak-Batupalano, ndak masuak kota. Katigo, tataok ndak barubah sabagaimano kini, tapi lalu malakukan karajosamo nan saliang menguntuangkan (mutually beneficial joint venture) jo sia sajo. Kaampek, Daerah Agam Tuo dimekarkan manjadi Kabupaten tersendiri, sahinggo mareka ndak paralu tiok sabanta turun naik malalui Kelok 44 tu barurusan ka Lubuak Basuang doh. Kini, co awak caliak baa rugi-labono ciek-ciek. Alternatif Satu: Daerah Dataran tinggi Agam Tuo bagabuang masuak kota BT. Dengan itu seluruh daerah Agam Tuo bagabuang masuak kota BT dan adolah wilayah kota BT. A untuang no. Untuangno luas wilayah kota BT bakambang sagadang wilayah kota Padang dan sejumlah ibukota provinsi nan gadang2 lain2no di Indonesia ko. Untuak maimpikan kota BT bakambang sebagai kota besar dengan luas seluas itu mungkin memerlukan sekian generasi. Rugi no: (1) Lai ka tagabahi. Sagadang tu wilayah kota lai ka taimbehi. Sadang nan ado ko sajo ndak tagabahi doh. Kunun ka sagadang tu pulo. (2) Sado nagari nan masuak barubah manjadi Kalurahan nan Lurah no lansuang diangkek dan dibarantikan dek Wali Kota. Dengan itu sifat dan kalekaik atau pola iduk banagari ilang. Praktis Nagari tu bana nan ilang. Nagari cuma ado di Kabupaten. (3) Urang lua nan umumno bapinggang kuaik bapitih banyak mampacarigikkan tanah2 ulayat maupun pribadi nan ado. Akibaikno urang asa tasingkiakan; samo jo urang Batawi di Jkt, urang Padang di Padang, ndak kurangno urang Kurai di BT, urang Malayu di Medan, urang Bugih jo Makassar di Makassar, bahkan urang asa di kota di ma sajo di seluruh dunia ko, tanpa kecuali, tasingkia. Kalaupun masih di dalam kota, ano lah manjadi urang pinggiran, tabalakang dan tingga di daerah2 kumuh (samo jo kumuah tu aratino). Caliaklah contoh nan lah ado tu. Lai amuah urang BH dipacando-itukan. (4) Alun pulo lai, nan masuak tu ndak urang Isilam sajo doh, tapi urang Cino, urang Batak, dan urang2 nan baagamo lainno. Sudah tu dima-dima badiri gareja. Di Taluak ado gareja. Di Ladang Laweh, Kubang Putiah, Pakan Sinayan, sampai pulo ka bagian Ampek Angkek, Kamang, Baso, dima sajo nan katuju dino, ado gareja. (5) Sudah itu, kalau kini masih bisa dicaliak awak nan manguasoi pasa jo ekonomi kota. Tapi co lah caliak seperti di Jakarta, Medan, Bandung, Surabaya, Makasar, bahkan Padang pun, dikuasoi dek ransanak awak nan rancak tu, urang Cino. Nah, BT dengan perluasan kota tu sandirino mamaralukan urang Cino untuk menggenjot ekonomi no. Itu pasti tu. Para pejabat katuju bana dino mamasuakkan dan maagiah piluang ka urang Cino. Sabab dengan itu ano mandapek rasaki nomplok. KKN, korupsi, kolusi, nepotisme, manjadi budaya para pejabat nan sadono adolah bumiputera nan suko tingga manarimo barasiah daripado bakarajo kareh pulo. Alternatif Duo: PP84 dilaksanakan. Wilayah kota BT batambah laweh dengan 16 Nagari sekitar, tamasuak BH, masuak ka dalam. Bedano jo Alternatif Satu cuma luas wilayah nan masuak indak sabanyak itu bana doh. Nan masuak nan sekitar kota dan lansuang babateh jo kota BT sajo. Tapi lalu, nagari2 nan tak masuak, spt Palupuah, Tilatang-Kamang-Magek, Baso, Canduang, Bukik Batabuah jo Sungai Pua-Sariak-Batu Palano, dek karano tetap di Kabupaten Agam, tataok sajo dapek panyakik sebagai daerah “terisolir” nan jauah bajalan jo bahubungan dengan ibukota Kab Agam: Lubuak Basuang. Jadi ndak manyalasai persoalan Agam Tuo sebagai bagian dari Kab Agam. Alternatif Tigo: Tataok cando kini. Dengan alternatif tambahan: mambantangkan hubungan karajosamo nan saliang manguntungkan (mutually beneficial joint venture) di bidang apopun. Pola Jabodetabek, Yogya-Sleman, Surabaya-Sidoarjo, adolah dari sekian banyak contoh nan bisa ditiru. Alternatif Ampek: Kabupaten Agam dimekarkan manjadi duo Kabupaten: Kabupaten Agam nan Di bawah, jo Kabupaten Agam nan Di ateh, atau Kabupaten Agam Tuo. Dengan itu masalah komunikasi nan dihebohkan salamo ko dek karano hambatan geografis manjadi tasalasaikan. Dan karajosamo jo Kota BT diharapkan akan juo manjadi lancar dan saliang manguntuangkan. Sdr Zul, Ambo sacaro pribadi manyukoi alternatif ka ampek ko. Co lah ambo danga pulo baa ka bari no di Sdr Zul dan ransanak nan lain sadono. Salam takzim dari hambo, MN 21/03/2012 __._,_.___ Reply to sender | Reply to group | Reply via web post | Start a New Topic Messages in this topic (1) Recent Activity: * New Members 1 Visit Your Group VISIT OUR WEBSITE: http://www.banuhampu.org BLOG: http://banuhampu.blogspot.com http://banuagolfclub.blogspot.com Switch to: Text-Only, Daily Digest • Unsubscribe • Terms of Use . __,_._,___ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
