Sanak St Sinaro, Pak Saf, Pak Ajo Duta, dan sado awak nan sato badiskusi di siko, Assalamu'alaikum w.w., Bagi ambo masalahnyo sederhana sajo. Satiok kali awak tatumbuak, baliak awak ka pangka kaji. Kajinyo jaleh dan lah diduduakkan dek formulasi ABS-SBK nan lah wak sapakati basamo tu. Adaek dan sagalo apo sajo nan hasil pamikiran manusia, tamasuak HAM dsb tu, haruslah tunduak ka syarak nan bikinan Allah jo RasulNyo, nan di pucuaknyo tu adolah Kitabullah Al Quranul Karim. Jadi sado2 nan sajalan dan ndak bertentangan dengan syarak dan Al Quran, dari mano pun datangnya, dahulu dan kini maupun nan ka datang, buliah, ambiaklah, pakailah. Tapi nan batantangan, baiak adat, HAM, ajaran, ideologi, pikiran dari ma pun, nan bertentangan, ditolak. Dengan demikian, awak ko jaleh duduak tagaknyo. Dan kito ko ba alam lapang. Nan baiak dipakai, nan buruak dibuang. Darima pun datangnyo. Tingga awak maaplikasikan dalam kehidupan awak sahari-hari sacaro basamo-samo sacaro struktural, fungsional, sistemik. Dengan pegangan nan jaleh cando iko ko awak marancah ka maso depan. Awak dengan prinsip nan sederhana dan jaleh sarato tuntas tu awak bisa bakarajosamo jo sia sajo dan dima sajo. Kalau awak tagak di nan mayoritas, baiak sacaro bernegara dan berdaerah, wak jadikan syarak dan Islam tu sebagai pegangan hidup bernegara dan berdaerah. Kalau awak tagak di nan minoritas, kito tunduak pulo ka kainginan nan mayoritas. Iko aturan demokrasi nan universal sifatnyo, balaku dima2. Kalau awak nan mamacik kekuasaan negara ataupun daerah, kito indak bersifat mamaso. Kemerdekaan dalam melaksanakan ajaran agamo masiang2 dijamin dan dilindungi, seperti nan dibuktikan di sepanjang sejarah Islam sendiri. Kabatulan, Islam, babeda jo agamo lain2, sifatnyo universal, integral, holistik. alias kaaffah. Nyo mangatur sado2nyo, dunia dan akhirat, politik, ekonomi, sosial, budaya, dsb. Kawan2, kalau awak lai baiyobana jo ABS-SBK ko, ambo ndak mancaliak ado alternatif lain dari itu. Masalah ABS-SBK tingga awak manyiapkan sisi2 struktural, fungsional dan sistemiknyo tu supayo bajalan dalam masyarakat, khususnyo masyarakat Minangkabau awak. Jadi, Pak Ajo Duta, Pak Saf, dll, jan taralu capek bana awak sasak angok dalam awak mancari sayak nan landai, pikiran nan janiah, untuak hal2 nan sangat mendasar dalam awak mancari persetumpuan ka ABS-SBK ko. Salam barewai ka sadonyo, MN200512
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
