Assalaamu'alaikum. w.w. Dunsanak kasadonyo yang Insya Allah dimuliakan Allah swt. Mari kito sambuang baliak kaji kito. Sampai dima kapatang yeh ? ... aaa sampai di siko, .... kan rancak tu Sutan ...
ha ha,... disikolah punco kanai nyo ko. Kalau urang Kristen maju sasudah mereka meninggalkan agama mereka, ndak samo jo di awak do. Di awak urang Islam ko malah kebalikan nan ka dapek...... Mari kito taruihkan. Babandiang tabaliak jo Kristen, dalam sejarah, urang Islam mencapai kemajuan katiko mereka mamacik agamo mereka arek-arek dan tumbang katiko agamo mereka mulai ditinggakan. Zaman kegemilangan Islam adolah zaman berkembang pesatnyo Ilmu pengetahuan dari nan namonyo mati bak kecek Prof. Gibss lah tingga etongan-etongan jo jari se lai kemudian bangkit dek datangnyo Islam sampai-sampai raja Inggeris mengirim anaknyo pai sakola ka Baghdad. Professor Satar Khairi pernah bakato "Kalau tidak datanglah Islam maka kalian tidak akan mengetahui apa itu timbangan, gula pasir, dsb." Aratinyo kalau Islam ndak tibo maka dunia ilmu pengetahuan belum akan seperti sekarang dan kita tidak akan mengenal yang namanya Camera, Kapal terbang sampai komputer pada hari ini. (Baca : Kebudayaan Islam dalam persepektif Sejarah karangan buya M. Natsir, penerbit Bulan Bintang, Jakarta... saketek, dalam buku ko, ado himbauan Buya untuk seluruh pemuda Minang). ... Baa dek bitu Sutan ?... Dek karano Islam mampu menampung pemikiran-pemikiran ilmiah, babandiang tabaliak jo Kristen. Katiko urang Amerika bicara tentang "orbit" dari planet-planet pado zaman mutakhir ko, Qur-an alah bicara ampek baleh abad nan lalu dan katiko basuo dinyo dalam Qur-an mereka memeluk Islam, dan banyak lagi contoh nan lain nan kamambuek kaji ko panjang indak abih-abih. ... balain jo Kristen yo Sutan ... Itu makonyo paham sekulerisme tu indak cocok jo Islam. Dalam Islam antaro agama jo negara adolah satu, negara diurus oleh agama bukan sebaliknyo. ... mukasuiknyo Sutan .. Alaa ... nan Islam ko aaa, ... ndak Isilam Isilamang do bak kecek pak MN... ... Sutan bagarah ... Iyo cubo sabuikkan Islam ko apo ?. .... Mukasuik Sutan aa ko,... rukun Islam se limo... Iyo sabuiklah.. ... Syahadat, Sumbayang, Puaso, Zakat, naiak Haji ... aa lai ?, ndak ado lai ?. ... aa lai Sutan, Rukun Iman anam, mulai dari picayo ka Allah sampai ka qadar baik dan buruk... Lah abih tu ?. ... aa lai Sutan ...? Tiko manggaleh, berwasiat, waris mawariskan ?. ...Iyo Sutan ado aturannyo tu ... Naah kan ?, bia ambo sabuik, nak nyo jaleh. Dalam Islam tu ado 'ibadat, ado muamalat, ado munakahat, ado jinayat, dan ado khilafat. .... apo tu Sutan at-at se sadonyo,... baru sakali ko lo mandanga baru ... Aii mak, ... baru mandanga pulo baru,... aa jan mati dulu ... ...aai Sutan, lah ka mati bagai, berang Sutan ko ? ... Indak .... , kan tiok jumaik awak mandanga, "Walaa tamutunna illa wa antum muslimuun", lai mangarati tu ?. .... bahaso Arab tu Sutan ... makasuiknyo "Jangan kamu mati sebelum kamu menjadi orang Islam", ... ooo itu yo Sutan ... Iyo, nah kini lah tau, pasan tu disabuik tiok jumaik ka awak nan mandanga kutubah atau ka urang kapia ?. ... ka awak lah Sutan, ma lo ado urang kapia sumbayang jumaik, Sutan jan bagarah juo ... Indak bagarah do, tapi baa nyo suruah juo masuak Islam lai ?... tiok katik jumaik tuu... ... indak jaleh do Sutan, awak lah Islam, baa kok disuruah juo baru ?... nan tadi nan at-at tadi se baru mandanga baru, alah jadi urang Islam namonyo tu ?. ... Kalau diukua jo itu iyo alun lai Sutan ... Nah, mukasuiknyo supayo baraja taruih manaruih sampai mangarati, bak kecek ustad-ustad gaek-gaek nan ceramah di masajik kami dulu, mulai dari M. Thaib Engku Aceh, St. Rumah Panjang, Ayub Samah,...sampai ka Buya Sayuti Khattab, baraja sampai yaqin (hatta ta'-tiyakal yaqiiin). Sebab begitu urang mangucap duo kalimah syahadat inyo lah dietong Islam, tapi alun samparono lai. Nan jan mati tuu..., jan mati sabalun samparono Islam tu, baik segi ilmunyo maupun amalannyo. Haa.. kini dangakan elok-elok. .... jadih Sutan ... Ibadat nan ado dalam kitab Ibadat, adolah sagalo urusan nan manyangkuik ritual penyembahan diri (submission) ka Allah swt, mulai dari bersuci (thaharah), sumbayang, puaso, zakat, naiak haji jo macam-macam nan ketek-ketek (detail) di dalamnyo. Muamalat nan ado dalam kitab Muamalat, adolah urusan sosial, perdagangan, jual beli, gadai, hutang, pitih, sampai ka bank jo sagalo nan ketek-ketek di dalamnyo. Munakahat nan ado dalam kitab munakahat, adolah urusan perkawinan, perceraian, penyusuan anak, keturunan sampai ka namo anak dan sebagainyo jo sagalo nan ketek- ketek di dalamnyo. Jinayat nan ado dalam kitab Jinayat, adolah urusan hukum pidana mulai dari mancilok, marampok, mamperkosa, sampai mambunuah jo sagala nan ketek-ketek di dalamnyo. dan Khilafat nan ado dalam kitab khilafat adolah urusan pemerintahan negara, caro maangkek pemimpin, sampai ka majelis syuro jo sagalo nan ketek-ketek ado di dalamnyo. ...ooo baitu Sutan, banyak bana Sutan ... Banyak bana indak lo do tapi komplit. Itu makonyo Prof. Bernard Shaw pernah bakato "Islam is not only a religion, it is a complete civilization" ... a keceknyo tu Sutan ... Islam bukanlah agama(ritual) semata, tetapi ia adalah peri kehidupan yang lengkap. Islam ma-atur mulai dari urusan masuak wc sampai ka urusan kepala negara. ... iyo ndak suai jo sekulerisme do tu Sutan ... Makonyo kalau kito mulai bapikia sekuler bak kato tadi, awak urang Islam atau indak ?. kalau indak, aa jan mati dulu bak kato tadi. .... tapi Sutan di penataran P4 disabuik, dalam beragama silahkan beragama sampai alim, tapi dalam bernegara dan berbangsa ikut Pancasila dan awak bisa full-full yaitu full Pancasila dalam kehidupan berbangsa dan bernegara, dan full Islam dalam kehidupan sosial budaya, baik secara pribadi maupun secara kolektif. ... Eh,... panjang kaji dinyo tu, tunggu dulu, dek lah panjang, kito sambuang barisuak. Kito tulih baliak (Bersambung). Bilaahil hidayah wat taufiq. Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
