Alhamdulillahi rabbil aalamiin, Baruntuangnyo kito punyo Lapau nan lah dapek mahubuangkan kito baitu jauah di kuliliang dunia. Dalam contoh iko, sampai ka nagari "tapancia di apik rimbo" nan jarang dikatahui urang. Kini info dari Juruman, tadanga ka California, sampai tacokok di Sumpur Kudus, dipaiyo-dipatidokan ka arah nan positif dek Rang Kampuang nan Basamo.
Sasuah isyarat postiang Muljadi dri Juruman MakNgah baco makngah langsaugn cari-carik ka MakGugel, iyo banyak info nan dapek kito paciak ateh saran dari postiang tu. Tibo-tibo lah tadanga sampai ka Sumpu dek angku Arrmen lah sampai dibawo rapek malam hari. Untuaklah pulo urang lah batarawiah. Sungguah-sunguah, Allah Maha Penolong. Basyukur awak kapado Allah subhanahuwata'aala kito lah dilimpahi alat komnikasi canggiah. Satangah abad nan lalu, 1958-1980 di tangah Rimbo Sumpu, cuma MakNgah jo kelompok Phb nan punyo "Kincia" balistrik nan dapek kami pagunokan untuak bakomunikasi ka lua. Alat wakatu itu alun sacanggiah kini ko, namun kami dapek manangkok berita-berita dunia dan lokal dan dapek manhyiarkannyo malalui RRRI Studio Banteng dengan gelombang 56 meter. Tarimokasih angku Armen nan lah sampai pulo mancaliak tampek bekas "Kincia" tampek kami bakaluwat tapi talingo jo suaro lapeh kalua. angku Armen jo rombongan tahun lalu lah mancubo pulo durian dengan legenda Rang Kampuang ditanam Rang Bunian Rimbo Sumpu. Mudah-mudhan Usaho "Penggemukan Sapi Simental & Indukan Simmental" ko sukses nantinyo. Salam, --MakNgah Sjamsir Sjarif Rang Bunian Rimbo Sumpu --- In [email protected], Armen Zulkarnain <emeneschoobie@...> wrote: > > > > Waalaikumsalam wr wb pak Muljadi Ali Basjah nan ambo hormati, > > Tarimo kasih bana ateh informasinyo. Setelah salasai mangaji malam, info nan > apak sampaikan mengenai bahayo asbes ko ambo sampaikan ka forum nan ado di > kantua wali ko, harap maklum jam karajo di kantua wali ko agak balain jo > nagari nan lain di ranah minang, nan baru bukak kutiko jam alah manunjuakan > wakatu 10.00 wib sabab dek karano seluruh perangkat nagari sajak salasai > shalat Shubuah pai ka parak gatah untuak manakiak talabiah dahulu. Jadi > kantua pemerintahan nagari Sumpur Kudus mulai rami kutiko siang hari & akan > rami juo hinggo malam hari sampai jam 23.00 wib. > > Setelah hal iko disampaikan ka palanta, lalu ambo browsing satantang hal nan > takaik jo bahayo asbes nan ko, akhianyo disepakati untuak mangganti atok > kandang jawi nan ko jo bahan atok rumbio. Sajak samulo penggunaan atok seng > memang dihindari, dek karano selain penggemukan juo diusahokan untuak indukan > nan akan mancubo membudidayakan induak jawi simmental untuak memperoleh bibit > baru. Suhu nan agak angek pabilo manggunokan atok seng mambuek induak jawi > kurang pasti proses inseminasinyo, sahinggo pado kesepakatan basamo dicubo > manggunokan atok asbes. > > Syukur alhamdulillah dari pak Muljadi dapek pulo informasi satantang bahayo > asbes nan ko, sahinggo kutiko salasai shalat sunnad tarawiah, sempat pulo > kito bahas mengenai hal iko sahinggo dicapai kato mufakat untuak manggantinyo > jo atok rumbio. Kalau mancaliak dari ketahanannyo memang agak kurang > dibandiangkan jo atok seng ataupun atok asbes, namun bisa kito tambahkan > bahan terpal plastik supayo labiah kuek sahinggo bisa dipakai paliang indak > salamo 3 tahun. > > Pipa paralon ukuran 4" ko akan dipakai untuak saluran limbah kotoran jawi nan > akan kito buek bak penampungnyo. Sahinggo kandang tatap barasiah & limbah > kandang bisa dipagunokan untuak memproduksi pupuk organik nan bisa dipakai > menambah unsur hara di lahan persawahan. Pabilo jumlah jawi dalam kandang > basamo alah mancapai 20 ekor, dari limbah mantun alah bisa kito produksi bio > gas nan bisa dipakai sebagai bahan bakar alternatif pangganti minyak tanah > nan kini haragonyo mencapai Rp. 5.500/liter. Bio gas nan ko ramah lingkungan, > indak babaun sahinggo aman dipakai dirumah-rumah. Pabilo jumlah jawi alah > batambah banyak, bisa pulo dibuek pembangkit tenaga listrik bio gas nan bisa > dipakai untuak menerangi areal kandang basamo & rumah penduduk nan indak > jauah dari kandang. > > Untuak saat kini baru 3 jawi nan tercatat akan kito paduokan ka masyarakat > Calau, Kanagarian Sumpur Kudus, 1 (satu) ekor dari mak Dutamardin, 1 (satu) > ekor dari pak Junaidi & 1 (satu) ekor lai dari ambo. Nan kami katigonyo pun > bukan anak nagari Sumpur Kudus ataupun barasa dari Kabupaten Sijunjuang. > Mungkin ado dari angku, mamak, bundo sarato dunsanak sapalanta nan ingin > sato, silahkan bagabuang & mamiliah apokah jawi jantan untuak penggemukan > ataupun jawi batino untuak indukan. Sapakan sudah hari rayo Aidil Fitri nan > akan datang akan kito buek kandangnyo, 3-4 hari sasudah itu nan jawinyo kito > cari pulo di pasa taranak Nagari Palangki, Sijunjuang. > > Kegiatan LPM Marapalam di Kanagarian Sumpur Kudus nan ko nantinyo akan dibuek > suatu kesepakat tertulis dengan pemerintahan nagari Sumpur Kudus & KAN Sumpur > Kudus, sahinggo jaleh duduak tagaknyo & bisa dipertanggungjawabkan. > Mudah-mudahan sacaro baasua-ansua kito dapek membuek babarapo kandang basamo > di nagari Sumpur Kudus nan ko & tantunyo hal iko bisa berjalan pabilo banyak > peminat nan namuah mampaduokan jawinyo ka masyarakat di nagari Sumpur Kudus. > > wasalam > > AZ/lk/34th/caniago > Sumpur Kudus - Sijunjuang > > asa nagari Kubang, 50 Koto > babako ka Canduang Koto Laweh, Agam > > > > ________________________________ > Dari: Muljadi Ali Basjah <muljadi@...> > Kepada: [email protected] > Dikirim: Jumat, 20 Juli 2012 23:43 > Judul: Re: Bls: [R@ntau-Net] Bls: LPM Marapalam : Penggemukan Sapi Simental & > Indukan Simmental > > Assalamualaikum Wr.Wb. Yth. Bapak Armen Zulkarnain, yth Mak Angah. > > Ambo mohon sapuluah jari ka bapak Armen Zulkarnain, koq bisa tolonglah usah > dipakai bahan bangunan apopun nan berdasar/bercampur Asbest. > Karena Asbest iko indak elok untuak kasihatan, nan pasti Asbest iko di > Juruman dilarang KERAS, raso2nyo di EU (Europa Union) pun dilarang. > > Kalau pipa Paralon itu ambo kurang jaleh apokah dalam fabrikasinyo ado > unsua/manganduang DEHP (Diethylhexylphthalat). Andaikato ado labiah elok ijan > dipagunokan. Tapi dima pulo konsument bisa batanyo komposisi bahan bangunan > ka produsent? Andaikato bisa batanyo....,apokah jawaban produsent itu selalu > luruih co tabuang sajo? > > Ambo bukan nak manggurui Bapak Armen Zulkarnain ataupun Mamak ambo Mak Angah, > tapi hanyo sekadar mangingekkan sajo dek takana diambo raso2nyo "manganakan > ka arah nan baiak itu Wajib hukumnyo". > > Mohon maoh ateh kalancangan ambo, Pak Armen Zulkarnain, Mak Angah. > > Wassalam, > Muljadi Ali Basjah. > > Apo pabukoan cako Mak Angah? -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
