Assalamualaikum Wr. Wb yth. Bapak Armen Zulkarnain, bapak ZulTan sarato pambaco nan Budiman.
Ambo pun sabanya agak weh weh, mambaco jawi Simmental, dek inyiak moyang jawi iko barasa dari Swiss/Juruman. Di Lembah pagunuangan Alpen, dek ambo tingga didusun di pagunuangangan Mittelgebirge (Pegunuangan Tengah) nan tertinggi ditangah2 Juruman Baraik saisuak. Tantu sajo didaerah ambo iko iyo banyak juo jawi2 Simmental iko,nan kalau Sommer itu, kalau gak lambek2 naiak gurabak atau naiak kurataangin, tadanga malanguah gai jawi ntun. Adopun weh weh ambo itu, dek jawi Simmental iko nan pure murni 100% tantu iyo hiduiknyo dinagari SubTropis nan udaronyo dingin. Tapi raso2nyo lah disilang jo jawi2 lokal (tropis) babarapo prosentual supayo nyak gak immun jo cuaco hiduik satampek. Cuma izinkan lah ambo saketek batanyo pak Armen Zulkarnain, baa mangko indak turunan jawi (Premium) Black Angus sarupo di Argentinia nan dipiliah, kalaulah nan njek sapi dagiang tujuannyo? Karano Black Angus iko memang gak lamak dagiangnyo dibandiangkan jo Simmental. Salamak dagiang Jawi Wagyus dari Kobe Japang tantu tido loo, dek kabanyo Sapi Wagyu iko (ba)manjo(an) , minun aia tapai katan gai, bau-ruik massage bagailah. Dek ambo turuana rang Minangkabau 100% nan hobby makan, tantu sajo lah ambo cubo, makonyo ambo barani mananyokan. Sakitu sajolah dulu tanyo, dari ambo Pak Armen Zulkaranain. Mudah2an ado diantaro nan bisa mambumbui jawaban2 nan (alun) ado nan katibo. Wassalam, Muljadi Ali Basjah. Moga2 lakeh sukksses mambuek kandang Jawi nan Hewani ,mambali/mamaliharo dan berpengasialan nan elok. ------- Original-Nachricht -------- > Datum: Tue, 24 Jul 2012 14:17:18 +0800 (SGT) > Von: Armen Zulkarnain <[email protected]> > An: "[email protected]" <[email protected]> > Betreff: Bls: [R@ntau-Net] LPM Marapalam : Penggemukan & Indukan Sapi > Simmental di Kanagarian Sumpur Kudus, Sijunjung. > > > Pak Zul Tan ambo hormati, > > Sabananyo kalau ditanyo sia sajo nan aktif di LPM Marapalam, indak terlalu > sarik mancari tahu, sabab nan bakarajo di organisasi nan ko jarang > malewakan diri baiak foto diri, namo ataupun disabuikan dalam barito nan > pernah > dipublikasikan oleh media. Nan acok kito publikasikan adolah kegiatan nan > dilakukan di nagari-nagari sarato tujuannyo. Sabab LPM Marapalam nan ko > sasuai namonyo, adolah lembaga pengabdian masyarakat, bukan lembaga cari namo. > > Selain itu, inisiator LPM Marapalam nan ko ado banyak, mulai nan masih > aktif sampai nan indak aktif lai. Sebagai contoh pak Afrijon Ponggok, baliau > sempat turun ka nagari Tanjuang Sungayang basamo-samo mandaki bukik Soda nan > terjal untuak mempublikasikan potensi 7 ngalau nan ado disinan basarato > potensi wisata forestynyo. Padohal pak Abraham Ilyas nan notabene anak nagari > Tanjuang sendiri & kebetulan namo ketek pangulu baliau adolah Datuak Soda, > indak pernah mandaki bukik Soda mantun, walau hanyo bajarak 5 km dari > rumah baliau. > > Selain itu pak Afrijon Ponggok sempat pulo bakuliliang nagari, mulai dari > Talang Babungo, Alahan Panjang, Sulik Aia, Sumpur Kudus, Padang Tarok & > Tanjuang Kaliang. Disiko kito memberikan pengajian di surau-surau di > nagari-nagari. Mak Dutamardin sebagai salah satu inisiator kutiko baliak ka > Sumbar > sato pulo bakuliliang nagari. Pertemuan kito batigo wakatu 11 April 2011 nan > lalulah di rumah gadang pak Rainal Rais Dt Rajo Satie Nan Mulie di Sulik > Aia digagas organisasi nan ko. > > Kudian dek karano kesibukan pekerjaan & karano mutasi ka Kalimantan Timur, > pak Afrijon saat kini istirahat samantaro dari kegiatan LPM Marapalam. > Sadangkan mak Dutamardin masih taruih mambackup kegiatan LPM nan ko. > > Ado juo mantan inisiator nan aktif bateori sajo, yaitu mak Asmun Sjueib. > Baliau ko urang Salimpauang kab. Tanah Datar. Namun indak jaleh jo PKDP > sabab manyangko PKDP ko organisasi perantau kab. Tanah Datar. Ambo alah > sarankan ka baliau untuak mundur sajo, sabab seluruh kegiatan LPM Marapalam > selalu > bakarajo sajo jo pemerintahan nagari & organisasi perantau sarato > koordinasi dengan pemkab setempat. Kan indak mungkin-mungkin sajo mak Asmun > Sjueib > ko nan ingin jadi SC (semacam pembina atau pengarah - katonyo) di LPM > Marapalam indak jaleh mano sajo organisasi perantau minang manuruik wilayah > kabupaten ataupun asa nagarinyo. > > Selain mak Dutamardin, inisiator nan masih aktif adolah pak Abraham Ilyas. > Baliau aktif mamacik kacio LPM Marapalam, sangking aktifnyo kacio mantun > indak pernah tagaduah, sabab dek itu salaruik salamo nan ko aktivis LPM > Marapalam nan turun ka nagari-nagari mancari dana operasional surang melalui > bakarajo. Seperti ambo sendiri bakarajo sebagai guide di ranah minang & > relawan di UNDAC/UNOCHA (salah satu organisasi PBB nan menangani kebencanaan & > kemanusian) > > Selain pak Abraham Ilyas, ado juo pak Saafroedin Bahar. Baliau ko usalinyo > urang nagari Campago di V Koto Kampuang Dalam, Piaman Laweh. Hanyo dek > karano lahia & maso ketek di Padangpanjang sarato larek di rantau kurang > mengenal nagari asa sendiri. Ambo alah pernah sarankan ka pak Saaf untuak > menjalin komunikasi jo IK Limkos. IK Limkos ko salah satu IK nan barasa dari > Piaman Laweh nan sangaik aktif, lai pulo banyak pituo-pituo nan di IK Limkos > nan dikenal dakek jo pak Saaf saroman pak Suhatmansyah nan di kampuangnyo > acok diimbau ajo At. > > Selain pak Saaf, ado pulo mak Hilman Mahyuddin & pak Rahyussalim. Ado 2 > doto nan sabana senior nan tagabuang di LPM Marapalam nan ko. Nan terakhir > ado mak Darwin Chalidi, baliau barasa dari Kurai Taji, Piaman Laweh, lamo di > Pakanbaru kini bamukim di Jakarta. > > Inisiator LPM Marapalam ko banyak nan alah sepuh, tantu nan garik indak > bisa terlalu banyak, sadangkan kegiatan LPM Marapalam banyak dilakukan di > nagari-nagari nan takadang lokasinyo agak tapancia kalau indak namuah disabuik > palosok. Tantu indak elok kalau inisiator nan alah sepuh-sepuh acok-acok > turun ka galanggang melakukan kegiatan. > > Untuak nan di Sumbar saat kini ado 6 aktivis nan bajalan bagantian. Dek > sabab operasonal nan harus cari surang, jadi indak taruih manaruih talok > turun ka nagari-nagari. Sabab salain bakeluarga nan harus dinafkahi, tantu > kondisi pendanaan tabateh pulo. Nan agak ringan adolah ambo sendiri, sabab > karajo guide ko cukuik saminggu alah bisa turun ka nagari salamo sabulan, dek > karano turis nan dibao hanyo turis lua sajo, umumnyo kok indak Eropah dari > Japan. Kok nan urang awak iyo agak jarang, sabab indak masuak jo > kali-kalinyo doh. Selain itu, pabilo turun ka nagari-nagari, biaya nan kito > butuhkan > indak baitu gadang bana, sabab untuak transportasi cukuik jo roda 2 sajo, > sadangkan untuak konsumsi di nagari-nagari indak ka sarik bana untuak makan, > asa indak mamiliah sajo. Lai pulo, kito kan urang Islam, pabilo babuek > elok, yakinlah Allah azza wajalla selalu mambarikan kemudahan untuak itu. > Untuak hiduik ambo raso cukuik, tapi kalau mancari kayo tantu indak disiko > jalannyo. > > publikasi kegiatan LPM Marapalam bisa caliak pado situs jejaring sosial > facebook > > https://www.facebook.com/Ayo.Bangun.Nagari > > > ************ > > Mengenai pertanyaan pak Zul Tan nan mananyokan apokah petani di Sumpur > Kudus berngalaman mauurus taranak? Sajak dulu urang minang di kampuang ko > sabana bakawan jo jawi sarato kabau. Sabab kok indak, jo apo sawah ka dibajak? > Hanyo teknik penggemukan sapi nan memanfaat limbah sapi untuak pengomposan > sarato biogas masih tergolong baru bagi petani di Sumbar, namun bukan > berarti indak ado nagari nan alah mambuek pembangkit tenaga listrik dari > biogas. > > > Karano itu kito dampingi, sahinggo transfer teknologi bisa dilakukan. > Walaupun ditangah rimbo, nagari Sumpur Kudus memiliki ternak jawi & kabau. > Salah satu tradisi an masih berlangsung hinggo adolah mambantai bantiang > kutiko > menjelang masuak bulan suci Ramadhan.Tantu untuak mengetahui kondisi > nagarinyo, indak bisa dijawek jo tulisan sajo. Baa kok bitu? bisa dimangarati > pabilo pak Zul Tan namuah ka Sumpur Kudus. Pak Afrijon Ponggok, mak > Dutamardin & pak Darul Makmur alah penah kasiko.Saran ambo, rancak kalau kito > mancari kesimpulan pabilo alah mancaliak apo nan akan disimpulkan, sahinggo > jaleh > apo nan disampaikan & indak takok manakok sajo. > > Saketek nan bisa ambo sampaikan, di nagari nan ko salah satu nagari di > ranah minang nan punyo kualitas air nan rancak. Kandang nan dibuek tipe > kandang tunggal sabab jumlah jawi nan diusahokan dibawah 10 ekor (sampai kini > baru 3 ekor nan mendaftar). Kandang ganda hanyo digunokan pabilo jumlah jawi > labiah dari 10 ekor & itu bisa dibuek karano kito bangun sabarih dulu, nan > pabilo peminat batambah, ditahun-tahun mendatang tingga manambah dibagian > muko sajo. > > Karano karajonyo indak saketek, mangko dibuek kandang basamo, sahinggo > karajo bisa dilakukan bagantian. Satiok petani akan maurusi saikua jawi sajo > nan satiok hari dilakukan bergantian. Apo iyo bisa baitu? Mangko dek itu > ambo sarankan datang ka Sumpur Kudus, sabab kebersamaan di nagari nan ko > babeda jo nagari-nagari nan ado di Sumbar lainnyo. Mengenai curah hujan & > kelembaban, mungkin pak Zul Tan bisa tanyo ka Inyiak Sunguik satantang cuaca > di > Sumpur Kudus, sabab baliau pernah tingga 2 tahun disinan. > > Mengenai etong maetong, kito urang pertanian mandapek angko nan ka dietong > selalu dari data nan ado dilapangan. Nan ambo agak ragu, baa caro pak Zul > Tan maetong angko-angko nan ado tanpa input dari lapangan nan alun pernah > sekalipun apak kunjungi. Cuaca di Sumpur Kudus labiah dingin dibanding > nagari Muaro Paneh, kab. Solok, dimano nagari nan ko banyak terdapat jawi > simmental nan digemukkan walau kondisi lahan untuak mananam rumpuik di Muaro > Paneh iyo agak payah didapek. > > Iko ambo saratokan foto pak Wali Sumpur Kudus Selatan basamo jawi > simmental kapunyaannyo. Kutiko tradisi mambantai bantiang, jawi pak wali ko > sato > dalam daftar bantiang nan dibantai nan jumlah sadonyo ado 14 ikua jawi jo > kabau. Hasil dari penjualan bantiang mantun sebesar Rp. 15.600.000. Umua jawi > simental ko 1 tahun 9 bulan. Kutiko ambo tanyo baa kok mudo bana alah > dibantai, alasan baliau adolah "Ambo baru 2 bulan jadi wali nagari, agak payah > maurus jawi ko sabab manjadi wali nagari akan sibuk siang malam. Kan alah > pak Men caliak pak Nasirwan (wali nagari Sumpur Kudus/nagari induk), sajak > tahun 2007 hinggo kini baliau jadi wali nagari indak sempat lai ka parak > gatah, apolai babontiang". > > Lai pulo, kegiatan nan ko bukan semata-mata untuak bisnis sajo, melainkan > mengajarkan kepada petani bagaimana mengelola hasil limbah usaha > penggemukan - indukan sapi menjadi pupuk organik, merubah paradigma beternak > dari > mencari rumput liar dengan menanam rumput sendiri & melakukan usaha peternakan > dengan kandang basamo nan lebih efesien dari segi wakatu & biaya. > > Ado ciek pameo peternak jawi di Sumbar mengenai kauntungan : Kok > dietong-etong sabananyo labiah untuang karajo manyabik rumpuik kudian bajua ka > urang bataranak jawi. Sabab labiah bapitih dari pado bajawi. Namun lain pulo > untuang dari bataranak bajawi, nan pitih bisa takumpua, anak bisa kuliah > pulo, pupuak ka sawah perai pulo. > > Cubo kaji baliak keuntungan menggunakan pupuk organik dibandiang pupuk an > organik nan manyebakan tanah semakin liek. Apo pak Zul Tan pikia urang di > kampuang namuah mambali pupuk kandang 12 rb sakaruang (isi 20 kg) kalau ado > bajawi? > > Ciek lai ...ambo agiah tahu rahasio stek, nan pak Zul Tan baco mantun > adolah sapi Simmental 100 % nan bobotnyo labiah 1 ton (1000 kg) nan di Sumbar > hanyo ado di Padang Mangateh sajo. Hasil karkas simmental murni adolah 60 % > dimano dalam 1 ekor jawi simmental nan babobot 1 kg terdapat dagiang > sabanyak 600 kg nan pabilo kito kalikan jo harago dagiang Rp. 70.000,- x 600 > kg > = Rp. 42.000.000.-. Lai tau pak Zul Tan harago anak jawi simmental 100% > ko? Indak kurang dari 13 jt sa ikua nan umua 6 bulan lapeh susu. Mangko > baitu si beye talok mambali jawi kurban harago 40 jt. Toke taranak di > Pikumbuah kutiko lelang jawi di Padang Mangateh indak pernah bali > saikua-saikua > bantuak si beye doh. Sabab aturan lelang di Padang Mangateh sakali lelang > biasonyo 5 ikua jawi, itupun indak pakai balewa-lewakan bagai ka koran bantuak > si beye doh. > > Jawi simental nan ado di pasa taranak di Sumbar adolah hasil persilangan > antaro jawi simmental 100 % jo jawi brahman, nan labiah toleran teradok > suhu, pakan sarato gigitan caplak. Memang mambaco jo melakukan lansuang agak > bebeda pak Zul Tan, sabab kito harus tahu mano nan 100 % mano nan 50 % & mano > pulo 25 %, dek karano itu harago anak jawi punyo variasi di pasa taranak. > Suhu nan apak sabuikan mantun hanyo ado di nagari-nagari Alahan Panjang, > pinggang gunuang Sago bantuak Padang Mangateh, pinggang gunuang Marapi > bantuak nagari bako ambo di Canduang, atau Bukik Batabuah sarato Guguak > Sikaladi > Pariangan. > > > Biasonyo dari urang nan mangarati jo taranak jawi simmental, dari foto nan > ambo lampirkan nan ko bisa tahu bara kiro-kiro umua jawi nan ko. Ciri umum > mancaliak umua jawi bisa dicaliak pado gigi, khusus nan baumua labiah dari > 4 tahun. Untuak nan jawi mudo, bisa ditakok dari tanduaknyo. > > Ciek lai, di Sumpur Kudus indak ado ojek doh, sabab satiok urang bahonda > surang-surang, paliang saketek 1 tiok rumah, umunyo ado 2 dalam sarumah. > Salah satu niniak mamak nan XX kanagarian Sumpur Kudus yaitu Dt Paduko Malano > malah mamintak agar saikua jawi agar baliau nan mausahokan. Ambo tolak > elok-elok sabab baliau tingga di jorong Ujuang Luhak nan jaraknyo dari Calau > sekitar 3 km. Bagi petani, bukan hanyo menghitung pendapatan harian sajo > saroman pak Zul Tan nan tingga di kota..... bisa manabuang & mandapek pupuak > kandang perai suatu nan bernilai labiah pulo nan bagi urang kota cirik jawi > ko kurang banili dibandiang pitih. Lai tahu pak Zul Tan bara banyak cirik > jawi simmental sabulan? Paliang tidak untuak saikua dalam sabulannyo ado 300 > kg. Iko samo jo pitih 150 rb. Bagi petani, cirik jawi 300 kg kadang labiah > baharago dibandiang pitih 150 rb, sabab untuak mandatangkan pupuak kandang > dari Lintau butuh biaya nn labiah gadang. > > Ambo harus ka Balai Tangah, Lintau untuak maambiak pitih ka ATM nan wakatu > tampuahnyo 2,5 jam pulang pai, nan memerlukan biaya jo wakatu indak sadang > sambia manampuah rimbo hanyo karano butuh pitih & ATM nan tadakek lainnyo > hanyo di Muaro Sijunjuang. Selain BPR hanyo ado KMN.LKMA & SPP na menjadi > lembaga keuangan nagari, pitihnyo harus antri untuak mandapek pinjaman. > Pabilo masyarakat bajawi, cadangan pitih ado pulo nan disabuik kacio bakaki > ampek > > Iyo takana baliak ambo jo kisah sisuak urang Sumpu di Lintau..... > > "Lai banyak onggang di Sumpu, Uwo?" > "Indak sabanyak anjiiang di siko" > > > wasalam > > AZ/lk/34th/caniago > Kubang, sadang di kampuang. > > asa nagari Kubang, 50 Koto > babako ka Canduang Koto Laweh, Agam > > > ________________________________ > Dari: ZulTan <[email protected]> > Kepada: [email protected] > Dikirim: Selasa, 24 Juli 2012 10:32 > Judul: Bls: [R@ntau-Net] LPM Marapalam : Penggemukan & Indukan Sapi > Simmental di Kanagarian Sumpur Kudus, Sijunjung. > > > > Sanak Armen, > > Ambo yo salut dengan semangat sanak untuk mamajukan kampung. Ambo raso > lah banyak urang nan tau. Sanak acok mambao-bao namo LPM, tapi jujur ambo > ndak tau, sia sajo nan aktif di siko salain Sanak. > > Kambali ka topik Simental di Sumpur Kudus. Apokah kampung ko jo > peternaknyo lah berpengalaman dalam membesarkan ternak Sapi Simental? Atau > iko > baru berupa rintisan. Kalo ambo baco-baco, yo ndak saketek karajonyo doh. > Salain jaminan ketersdian 2 jenis makanan berupa konsentrat dan serat, > karajo si peternak pun bukan main-main. Mulai dari mamandikan sapi sakali > sahari, mambarasihan kandang 2x sahari, manyadiokan aia minum 20-40 > liter/ikua/hari, sampai mambarasiahkan lingkungan sekitar supayo jauh dari > panyakik. Iko ndak bisa disambia jo manakiak gatah doh. Taniayo sapi > beko. > > Dengan karajo bantuak itu, imbalan peternak dari etong-etongan Sanak ndak > sampai Rp. 6000 (baco anam ribu) sahari. Sia nan kanio karajo bantuak > ko? Jan-jan rancak mangojek lai, ndak payah bana badan. > > Perihal pakan untuak jenis konsentrat nan tadiri dari ampas tahu, jagung > giling, dedak, bekatul, umbi-umbian apakah tersedia cukup? Termasuk pakan > berupa serat seperti jerami dan rumput. Sapi jenis ini memerlukan ransum > 3-4% dari bobot tubuhnya. > > Juga disain kandang yang baik. Apakah kandang tunggal atau ganda? > Apakah head-to-head (mudah memberi makan), atau tail-to-tail (mudah > membersihkan kotoran sapi)? Dalam skala tertentu diperlukan pula gudang > pakan. > > Sapi ini memerlukan lingkungan dengan suhu 17-27 derajat C, curah hujan > 800-1500 mm/tahun, dan kelembaban 60-80%. Sapi peka terhadap perubahan > suhu lingkungan. > Saya melihat pemilihan lokasi di SK baru dari sisi > ketersedian lahan dan petinggi nagari. > > Ko sakadar masukan sajo. Tantu sagalo hal lah masuak paretongan Sanak. > > Salam, > ZulTan, L,Bogor > > --- Pada Sen, 23/7/12, Armen Zulkarnain <[email protected]> > menulis: > > > >Dari: Armen Zulkarnain <[email protected]> > >Judul: [R@ntau-Net] LPM Marapalam : Penggemukan & Indukan Sapi Simmental > di Kanagarian Sumpur Kudus, Sijunjung. > >Kepada: "Dutamardin Umar" <[email protected]>, "jun aidi" > <[email protected]>, "[email protected]" > <[email protected]>, > "[email protected]" <[email protected]> > >Cc: "Saafroedin Bahar Kampuang Dalam" <[email protected]>, "Hilman > Mahyuddin" <[email protected]>, "Darwin Chalidi" > <[email protected]>, > "Abraham Ilyas Tanjuang" > <[email protected]>, "Rahyus Salim" <[email protected]> > >Tanggal: Senin, 23 Juli, 2012, 6:32 PM > > > > > > > > > >Assalamualaikum wr wb > > > > > >Mak Dutamardin jo pak Junaidi, inisiator LPM Marapalam yaitu pak Saaf, > mak Hilman, mak Darwin Chalidi, pak Abraham Ilyas, pak Rahyussalim sarato > angku, mamak, bundo jo dunsanak sapalanta RN nan ambo hormati. > > > > > >Hari minggu/akad kapotang alah basigi pulo ka pasa taranak di Pikumbuah, > tapeknyo di Payo Basuang mengenai harago taranak jawi simmental manuruik > pasaran bulan puaso kini. Untuak jawi jantan nan baumua 6 bulan alah lapeh > susu dari induaknyo harago kini kisaran 8 - 8,5 jt. Harago mantun akan turun > kutiko sapakan sasudah hari rayo Aidil Fitri menjadi 7,5 - 8 jt per ekor > mancaliak bantuak jawinyo pulo. > > > > > >Sadangkan untuak jawi indukan simmental nan baumua 2 - 3 tahun, harago > kini bervariasi, mulai dari 10 - 13,5 jt sabab ado nan gadih atau nan sadang > mangisi (hamil/butiang), ado nan alah baranak ciek & dicaliak pulo bara > persen kadar simmentalnyo (50 % atau 25 %) sarato bantuak badannyo apokah agak > randah atau cukuik tinggi sarato pendek atau panjang. Harago mantun akan > turun sekitar 500 rb - 1 jt kutiko sapakan sasudah hari rayo Aidil Fitri nan > akan datang. Harago jawi nan ko akan bertahan salamo 2 pakan nan kudian > akan baransua naiak pulo kutiko toke taranak mulai mangumpuakan jawi untuak > persedian hari rayo Aidil Adha. > > > > > >Harago pasaran jawi simmental nan ko akan naiak baliak sabulan sabalun > hari rayo Aidil Adha, nan kalau kito caliak di almanak jatuah tanggal 26 > Oktober 2012 nan akan datang. Itu aratinyo sekitar tanggal 20 September 2012 > harago pasaran jawi nan ko alah naiak baliak. Ado rancaknyo, sabalun harago > taranak ko naiak baliak kito alah maambiak jawi untuak dipaduokan kapado > petani di Sumpur Kudus. > > > > > >Untuak tahap awal, Kanagarian Sumpur Kudus nan terdiri dari 2 > pemerintahan nagari yaitu Sumpur Kudus (5 jorong) & Sumpur Kudus Selatan (3 > jorong) > aka kito buek kandang basamo di jorong Calau talabiah dahulu. Seluruh > perkembangan mulai dari mananam rumpuik, mambuek kandang, mamiliah jawi di > pasa > taranak sarato proses penggemukan akan kito laporkan dalam bantuak tulisan, > foto & video sahinggo jaleh perkembangannyo. Dek karano itu ambo akan rutin > di tahun-tahun mendatang ka Sumpur Kudus untuak memantau perkembangannyo > sahinggo bisa dishare kapado seluruh dunsanak kito dimano sajo barado. > > > > > >Dengan harapan, pado satiok jorong di Kanagarian Sumpur Kudus nan ko bisa > kito buek paliang tidak 2-3 kandang basamo, nan jawinyo adolah milik > perantau minang nan tertarik dalam usaho penggemukan - indukan sapi simmental > nan mediasinyo dibantu oleh LPM Marapalam. Dengan baitu, sacaro baansua-ansua > dalam waktu 10 tahun mendatang usaho penggemukan - indukan jawi simmental > labiah populer & diminati masyarakat Kanagarian Sumpur Kudus mengingat > lahan untuk kandang nan lai tasadio & lahan kebun karet rakyat nan cukuik > laweh > nan bisa dilakukan tumpang sari untuak menanam rumpuik sebagai pakan > ternak. > > > > > >Tantu ado nan batanyo-tanyo baa kok indak ambo usahokan hal iko di > kampuang sendiri? Yaitu di Kanagarian Kubang, Kabupaten 50 Koto. Di wilayah > Mudiak 50 Koto saat kini lahan nan ado sabana sampik, dimano lahan nan ado > indak > bisa digunokan menanam rumpuik gajah dalam skala besar untuak kandang > basamo. Selain itu biaya pembuatan kandang jauah labiah maha dibandiang di > Sumpur Kudus. Kudian, setelah kito jajaki di babarapo nagari di Mudiak 50 > Koto, > mancari lokasi untuak kandang basamo labiah sarik & rumik pulo. Masyarakat > di nagari labiah katuju kalau kandangnyo tapisah & diurus surang-surang > sajo. Hal iko menjadi tidak ekonomis sabab hasil kotoran jawi indak maksimal > bisa dimanfaatkan oleh kelompok tani nan bisa kito jadikan kompos sebagai > pupuk organik diareal sawah petani. > > > > > >Ado juo pertanyaan dari babarapo niniak mamak di Sumpur Kudus nan > mananyokan baa nan paratamo dibuek di jorong Calau? Alasannyo sabana > sederhana, > sabab niniak mamak di jorong Calau pulo nan paratamo basadio tanah ulayatnyo > kito gunokan sebagai lokasi kandang basamo & areal kabun karet di Calau > pulo nan nantinyo akan ditanami rumpuik gajah sebagai pakan utama penggemukan > - indukan sapi simmental. Petani nan akan maurus jawi-jawi nan ko adolah > masyarakat Calau sendiri, dek karano itu niniak mamak di Calau menyetujui > usaho nan ko dek karano anak kamanakan bisa mandapek tambahan penghasilan dari > usaho penggemukan - indukan sapi setelah pulang manakik gatah nan biasonyo > dilakukan antaro jam 06.30 - 11.00 wib. > > > > > >Pado dasarnyo, kutiko kegiatan penggemukan - indukan sapi simmental nan > ko mulai dilakukan, akan kito buek sacaro tertulis MOU dengan pemerintahan > nagari - KAN Sumpur Kudus - Niniak Mamak wilayah Calau sebagai pemegang > ulayat. Dengan baitu, untuak satiok ekor jawi simmental nan dilakukan > penggemukan - indukan, hasilnyo ado share kapado pemerintahan nagari - KAN > Sumpur > Kudus - Niniak Mamak Calau. Pado katigo pihak nan ko untuak satiok ekor jawi > Simmental nan tajua akan diambiak share sebesar Rp. 300.000,- dengan > rincian 100 rb masuk ke kas pemerintahan nagari, 100 rb masuk ke kas KAN > Sumpur > Kudus & 100 rb masuk ke kas Niniak Mamak Calau sebagai pemilik ulayat. > > > > > >Sebagi contoh rincian bisa ambo paparkan sebagai berikut : > > > > > >Biaya Awal > >1. Biaya pembelian Jawi + ongkos transport dari pasa taranak ke Sumpur > Kudus Rp. 8.000.000 > >2. Biaya pembuatan kandang Rp. 500.000 > >3. Biaya lain selama 1 tahun penggemukan (konsentrat, pakan tambahan, > obat, EM4 dll)Rp. 1.000.000 > >Total Rp. 9.500.000 > > > > > >Penjualan > >1. Pendapatan hasil penjualan sapi simmental setelah 1 tahun setelah > dipotong transportke pasar ternakRp. 14.000.000 > > > > > >Share : > >1. Pemerintahan NagariRp. 100.000,- > >2. KAN Sumpur KudusRp. 100.000,- > >3. Niniak Mamak Pemilik UlayatRp. 100.000,- > >Total Rp. 300.000,- > > > > > >Hasil Akhir = Hasil Penjualan - (Biaya Awal + Share) > >= Rp. 14.000.000 - (Rp. 9.500.000 + Rp. 300.000) > >= Rp. 14.000.000 - Rp. 9.800.000 > >= Rp. 4.200.000 > > > > > >50 % untuk pemilik jawi = Rp. 2.100.000 > >50 % untuk petani nan maurus jawi = Rp. 2.100.000 > > > > > >Jadi LPM Marapalam dapek apo? Indak dapek apo-apo. Kalau pemilik berkenan > mambarikan suatu jariah ka LPM Marapalam, bisa dilakukan donasi > saikhlasnyo sajo. Sabab sampai kini aktivis nan bakarajo di LPM Marapalam > indak > pernah mandapek gaji rutin tiok bulan & setiap penggiat di organisasi nan ko > harus mencari sendiri untuk kegiatan operasionalnyo, pabilo ado donasi > ditarimo kok indak, indak jadi permasalahan pulo, dek sabab itu kegiatannyo > masih > dalam skala ketek sajo seperti pendampingan website nagari nan bakarajo > samo jo pemerintahan nagari sarato organisasi perantau minang saroman IKLB, > PKDP, S3 dan lain sabagainyo. > > > > > >Sesuai hasil pembicaraan dengan wali nagari Sumpur Kudus basarato niniak > mamak nan di Calau, pembuatan kandang akan kito ansua sajak tanggal 25 > Agustus 2012 atau sapakan sasudah hari rayo Aidil Fitri. Diusahokan dalam > wakatu sapakan pulo kandang jawi mantun bisa salasai sacaro gotong royong > dengan > biaya bahan 500 rb per kandang. Untuak wilayah Mudiak Pikumbuah, biaya > pembuatan kandang bisa mancapai sekitar 2 jt, dek karano hampia seluruh bahan > baku babali. Hal iko bisa labiah murah di Kanagarian Sumpur Kudus dek > karano bahan-bahan pembuatan kandang tasadio di nagari hanyo pado atok rumbio, > paku, pipa paralon, semen & batu bata sajo nan harus dibali. Untuak bahan > nan lainnyo hanyo upah angkuik sajo karano menggunakan kendaraan untuak > mamindahkannyo dari rimbo ka lokasi kandang. > > > > > > > >Untuak itu, kito alah melakukan koordinasi dengan pemerintahan nagari, > agar dalam wakatu 2 pakan ka muko masih dalam bulan suci ramadhan ko untuak > mancari bibit rumpuik gajah ka Padang Mangateh nan lansuang kito bao ka > Sumpur Kudus untuak ditanam. Dengan perencanaan, kutiko jawi simmental alah > tibo di Sumpur Kudus, rumpuik gajah nan ditanam alah baumua paliang indak 3 > minggu. Kutiko jawi simmental alah barado 1 bulan di nagari, rumpuik nan > ditanam alah bisa digunokan untuak pakan ternak. > > > > > >Mungkin itu sajo nan bisa ambo sampaikan kini, sambia bamukim di kampuang > maansua-ansua karajo nan bisa dikakok sambia mengamati pasaran taranak di > Pikumbuah (pasa taranak Payo Basuang), Solok (pasa taranak Muaro Paneh) & > Sijunjuang (pasa taranak Palangki). > > > > > > > >wasalam > > > > > >AZ - Kubang > > > > > >mobile : 081275441828 > >BNI Syariah Cabang Padang > >No Rek. 014.5993.707 > >Armen Zukarnain > >Jl. Ambon E13, Asratek, Ulak Karang Selatan > >Padang, 25134 > > > > > >***** > >Jadwal ambo nan akan datang : > > * Pemindahan & penanaman bibit rumpuik gajah dari Padang Mangateh ke > Sumpur Kudus (5 - 10 Agustus 2012) > > > > * Pertemuan dengan perantau kec. VII Koto - kec. Padang Sago kab. Padang > Pariaman basamo-samo 5 pemerintahan nagari Sungai Sariak, Balah Aia, Lurah > Ampalu, Lareh Nan Panjang & Koto Dalam (22 - 24 Agutus 2012) untuk > sosialisasi pendampingan website nagari di Cluser VII Koto - Padang Sago.tara > > > > * Pembuatan kandang basamo usaho penggemukan - indukan sapi simmental > Kanagarian Sumpur Kudus, Sijunjung (25 - 30 Agustus 2012) > > * Pembelian anakan jantan sapi simmental & indukan sapi simemntal & > pemindahan ke kandang basamo dari pasa taranak ke Calau, Sumpur Kudus (1 - 3 > September 2012) > > * Pendampingan website nagari sesi II kanagarian Sumpur Kudus (4 - 19 > September 2012) > > * Pendampingan website nagari cluster VII Koto - Padang Sago, kab. > Padang Pariaman (September - Oktober) selama 1 bulan > > * Pendampingan website nagari cluster Patamuan - Padang Sago, kab. > Padang Pariaman (Oktober - November) selama 1 bulan > > > > > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
