Mak Dutamardin, pak Junaidi, mak Sutan Lembang Alam, pak Nasirwan, apak-apak inisiator LPM Marapalam sarato angku, mamak, bundo jo adi dunsanak sapalanta RN nan ambo hormati,
Alhamdulillah bibit rumpuik nan akan kito gunakan dalam usaho penggemukan/indukan sapi simmental di Kanagarian Sumpur Kudus alah didapek. Insya Allah bisuak malam ambo akan baliak ka Mudiak Pikumbuah untuak mamindahkan bibit rumpuik mantun ka Sumpur Kudus untuk kito tanam basamo-samo petani nan akan maurus usaho penggemukan/indukan sapi simmental. Hari Akad 30 Juli 2011 nan lalu, setelah melakukan pengamatan di pasa taranak Payobasuang, perjalanan ambo lanjuikan ka Balai Pembibitan Sapi Unggul di Padang Mangateh, Sungai Kamuyang. Sambia silaturahim jo kawan-kawan di balai mantun, iyo bisa dipasamokan untuak dimaso nan akan datang pabilo pemerintahan nagari Sumpur Kudus ingin mengirimkan beberapa petani untuak baraja labiah intensif mengenai penggemukan/indukan sapi simmental. Selain itu, alah baciliak pulo beberapa kandang jawi nan dimiliki oleh pengawai sarato honorer nan bakarajo di balai Padang Mangateh nan ko sambia mancari bibit jawi jantan umua 6 bulan nan akan kito pakai dalam usaho penggemukan nan ko. Untuak indukan simmental akan kito pakai nan baumua 2 tahun, diusahokan nan alah baisi (manganduang) sahinggo hasilnyo bisa labiah capek sasuai jo rencana usaho penggemukan/indukan jawi simmental nan ko. Dek karano itu, kapado mak Dutamardin, pak Junaidi, mak Sutan Lembang Alam sarato pak Nasirwan alah bisa mengirimkan dana nan akan dipakai untuak mambali jawi-jawi nan ko. Untuak labiah jalehnyo ambo uraikan sebagai barikuik : - Jawi jantan umua 6 bulan = Rp. 8.000.000 + biaya pembuatan kandang Rp. 500.000 perekor (total Rp. 8.500.000) - Jawi batino umua labiah 24 bulan = Rp. 12.000.000 + biaya pembuatan kandang Rp. 500.000 perekor (total Rp. 12.500.000) Harago jawi ko kito usahokan alah masuak biaya pembelian bibit rumpuik sarato biaya transport pemindahan jawi dari Pikumbuah ka Sumpur Kudus nan jaraknyo sekitar + 97 km atau 2,5 jam perjalanan. Sakalian ambo lewakan nomor rekening sarato kontak person nan bisa dihubungi untuak penjelasan labiah lanjuik. Armen Zukarnain BNI Syariah Cabang Padang No Rekening 014 - 5993 - 707 kode bank : 773 Kapado angku, mamak, bundo sarato dunsanak sapalanta, usaho penggemukan/indukan jawi simmental di Kanagarian Sumpur Kudus ko, untuak tahap paratamo kito mulai dengan 10 ikua daulu dalam 1 kandang basamo. Sampai saat kini nan alah manyatokan ikuik sato jumlahnyo ado 5 ikua, dengan rincian sebagai berikut : - Mak Dutamardin (USA) 1 ikua - Pak Junaidi (Singapore) 1 ikua - Mak M. Dafiq Saib St Lembang Alam (Jabodetabek) 1 ikua - Pak Nasirwan Domo (wali nagari Sumpur Kudus) 1 ikua - Armen Zulkarnain (Padang) 1 ikua Jadi, masih ado 5 ikua lai nan bisa sato untuak tahap paratamo ko, tahap nan salanjuiknyo akan kito mulai sasuai rencana setelah hari rayo Aidil Adha 1433 H nan akan datang dengan jumlah jawi nan samo untuak lokasi di jorong nan babeda. Mengenai jinih jawi nan akan diusahokan silahkan dipiliah sendiri, antaro jantan nan baumua 6 bulan atau batino nan baumua labiah dari 24 bulan. Untuak jawi batino, agak babeda jo jawi jantan, dimano hasil nan dihituang dalam usaho mampaduokan adolah anak jawi nan dilahirkan induaknyo. Setelah baumua 4-6 bulan, anak jawi ko biasonyo bapisahkan jo induaknyo dek karano nan induak alah mintak dikawinkan baliak. Petani bisa mancaliak babarapo tando dari induak jawi ko sahinggo anakan akan dipisahkan nan kudian bisa dijua. Harago jua dari anak jawi ko nan kudian akan dibagi manjadi 2 bagian, setelah mambarikan share kapado pemerintahan nagari, KAN sarato niniak mamak pemangku ulayat kandang & lahan penanaman rumpuik nan alah disepakati sebesar Rp. 300.000 per ikua jawi. Sebagai tambahan informasi, jawi batino ko umumnyo bisa malahiakan antaro 8-12 anak. Kutiko induak jawi alah masuak dalam kategori afkir, akan dijua sebagai jawi pedaging nan hasilnyo akan dibagi duo pulo antaro pemilik & petani nan mausahokan. Seluruh informasi satantang usaho penggemukan /indukan jawi simmental ko akan kito lewakan satiok bulannyo dalam bentuk laporan tertulis disertai dok. foto & video. Akan sangaik rancak bagi pemilik jawi nan ko bisa pulo sakali-sakali bakunjuang ka Kanagarian Sumpur Kudus sambia menjalin hubungan silaturahim denga masyarakat di Kanagarian Sumpur Kudus sakaligus berwisata di nagari. Mungkin itu sajo nan bisa ambo sampaikan, labiah dan kurang mohon dimaafkan. wasalam AZ/lk/34th/caniago Padang asa nagari Kubang, 50 Koto babako ka Canduang Koto Laweh, Agam -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/